Rabila Majjaanawa kʼIsa Zaŋ yi riiŋe 19:30 - Mattup ki Taasuwa ere Aware

³⁰ Aame Isa yʼuwwe toote gen̰n̰o maŋ, yʼa ruute, yʼede: «Pay a ti ɗiŋge.» Iŋkino maŋ yʼa tʼuttile eedí ki siiɗo, maŋ yʼa iili undí tʼa tʼuɗɗe, yʼa-tʼihe.

Rabila Majjaanawa kʼIsa Zaŋ yi riiŋe 19:30 ပူးပေါင်းရင်းမြစ်များ

Matiye 20:28

Geŋ iŋkino, nuŋ wede an nʼehe aa ulo wede eŋ, nʼiidoʼŋ kono ɗuwo on o-ki naabe ye, wo ɗe nʼiidoʼŋ nʼan di naabe ɗuwo wo nʼa oyye nʼa tʼinda kono nʼa tʼaɗɗe ɗoŋ ɓaadaŋ tʼadda kʼolɗikadaŋ.»

Matiye 27:50

Isa yʼa iɗili sey ti golla awwa, maŋ yʼa iili undí tʼa tʼuɗɗe, yʼa-tʼihe.

Matiye 3:15

Wo ɗe Isa yi diʼn gime onamí, yʼede: «Aŋken̰n̰o kee kʼoyyo ki tiʼn suyyi batem, kono tʼurzi en̰n̰o kine in dʼise sulɗi ɗoŋ pay ki diine a-tʼette a naabo ere aa Raa yi dehu.» Iŋkino maŋ Zaŋ yʼa iyye yʼa ti yʼ suyye batem.

Markus 15:37

Wo ɗe Isa yʼa iɗili ti golla awwa, maŋ yʼa-tʼihe.

Rabila Majjaanawa kʼIsa Lik yi riiŋe 22:37

Geŋ kun ollo, nʼun di rooto, eŋ ono ɗoŋ an riiŋe ti kaaga adda mattup ki Raa, anʼde: “Yoŋ an aa ti yʼ gize ti ɗoŋ tôwwo ɗuwo kaŋ soo.” Geŋ iŋkino i dehu o dʼaane. Maŋ ono ɗoŋ an riiŋe a tukki nuŋ geŋ, a-tʼetta.»

Rabila Majjaanawa kʼIsa Lik yi riiŋe 23:46

Isa yʼa iɗili ti golla awwa, yʼede: «Meeʼki nuŋ, nʼa-dʼelo undó a beezá.» Aame yʼa ti ruute iŋkino maŋ, yʼa-tʼihe.

Rabila Majjaanawa kʼIsa Zaŋ yi riiŋe 10:11

Nuŋ miŋ wede kʼelso beehiye. Wede kʼelso beehiye geŋ yʼa oyye yʼa tʼinda kono damɓamí me.

Rabila Majjaanawa kʼIsa Zaŋ yi riiŋe 10:18

Wenɗa soo toŋ umbo aane a tʼooɗiba puukiyadó te, i tʼeliyo nuŋ ti siidó. Nuŋ o dʼede toogo kʼooɗibe puukiyadó wo o dʼede toogo kʼeliyo a umatú. Geŋ iŋkino munɗa wede Meegó yʼo ruute nʼaase me.»

Rabila Majjaanawa kʼIsa Zaŋ yi riiŋe 17:4

Nuŋ adda duniya ette, goolikadá a ɗuwo nʼan ti-gize, wo naabo ere kʼo elo nʼaase, ni-tʼize.

Rabila Majjaanawa kʼIsa Zaŋ yi riiŋe 19:28

Tiŋ geŋ, Isa yʼa zuune sulɗi pay a ti ɗiŋge, maŋ yʼa ruute, yʼede: «Nuŋ ôrme.» Yi ruute iŋkino kono a-tʼette a ono ɗoŋ an riiŋe ti kaaga adda mattup ki Raa.

Rabila Majjaanawa kʼIsa Zaŋ yi riiŋe 4:34

Isa yʼan di ruute, yʼede: «Omɓadó te isiyo naabo ki wede i nʼigibo yi dehu, wo nʼa-ti ɗaŋge naabo ere yʼo elo.»

Romeŋ 10:4

Aame Almasi yʼiido ki duniya geŋ, oogoro Muusa yʼa-ti tʼîide a urzutú. Iŋkino maŋ ɗoŋ pay i ziipe addaŋ a Almasi geŋ, Raa yʼanni wolliyo kane ɗoŋ ki diine a ɗaanadí me.

Romeŋ 3:25

Yoŋ geŋ Raa yʼelo seɗeke, yʼa inda puuzadí tʼa iɓi ki booyiso kʼolɗiko ki ɗoŋ pay i ziipe addaŋ a yode. Raa yʼize iŋkino, kono yi dehu yʼa kize daayum yoŋ ki diine. Yoŋ ki diine ti kaaga to, ɗuwo an ize olɗiko toŋ, yʼa imɓin̰a yi-ki tiʼn ele daŋgay ye. Wo aŋken̰n̰o yoŋ daayum ki diine, yi dehu yʼa kize yoŋ ki diine, wo yʼan ise ki diine a ɗaanadí kane ɗoŋ i ziipe addaŋ a Isa me.

1 Korent 5:7

Iŋkino maŋ olɗiko aa orme mazzini a diinaguŋ gette kun ti tʼaɗɗo mentú, kono kun tʼisa aa gododo aware daa kʼorme. Wo ɗerec, kun tʼize aa gododo daa kʼorme tʼurzi kʼunto kʼAlmasi, yode wede aakede ulo damu an wilɗa ki seɗeke a tarnaape Pak ki Yawudiyagi.

Pilip 2:8

Yoŋ yʼa iyye yʼa tʼize n̰eŋku, yʼa illiga ono Raa bini yʼa iyye unto, untadí ere sukiyagi ekkʼundumu wede zaapu tʼekki bakadí kaŋ tontilko.

Eber 12:2

Kine in sebbo daayum edayiŋ ki tukkʼIsa, yoŋ eesiyo kʼurzi zaapu kʼadde a Raa, wo yʼa-di dʼiŋgila bini a ti-tʼîda a munɗa wede Raa yi dehu. Yoŋ yʼa iyye yʼa inda ekkʼundumu wede zaapu tʼekki bakadí kaŋ tontilko. A unto ki sukiyagi kino ette, a yode i di tʼize aa munɗa ki bita, kono yoŋ yi wolliyo uŋsuwo ere yi tʼoona, wo aŋken̰n̰o yoŋ yi-guune a ammade ki kaakido moziko Raa.

Eber 9:22

Geŋ ɗerec tʼurzi puuzo gette, a urzi kʼoogoro sulɗi ɓaadaŋ i tʼisiyo kamilen̰ a ɗaana Raa, wo ki tambobino kʼolɗiko toŋ, i dehu puuzo tʼa oɓi ɗoo miŋ kollo.