Rabila Majjaanawa kʼIsa Zaŋ yi riiŋe 17:11 - Mattup ki Taasuwa ere Aware

¹¹ Wo aŋkeŋ nuŋ duniya ni tʼooli ni-kime kʼume kee, wo kane an lekka adda duniya. Meeʼki nuŋ kee wede kamilen̰, kʼanni booho ti toogo sundá ere kʼo ele, kono an di lekke aa wede soo, aa kee ti nuŋ kine aa wede soo.

Rabila Majjaanawa kʼIsa Zaŋ yi riiŋe 17:11 ပူးပေါင်းရင်းမြစ်များ

Matiye 10:16

«Kun ollo, nuŋ nʼun agisa eŋ aakede damɓami kʼadda diine sullibagi. Iŋkino maŋ kun koonoy mentikagi aakede mimbayi, wo tasse aakede deere.

Matiye 5:48

Iŋkino maŋ kun tʼiso ɗoŋ ɗerec ki diine baa, aakede Meeguguŋ Raa a kandaane toŋ yoŋ ɗerec ki diine.»

Matiye 6:9

Iŋkino maŋ kun tondo Raa kino: Meegey wede a kandaane, kee kʼiso ɗuwo pay an di suune kee Raa kamilen̰,

Rabila Majjaanawa kʼIsa Zaŋ yi riiŋe 13:1

Soggoʼŋ tarnaape Pak ki Yawudiyagi, wo Isa yi suune onniyadí tʼîide, duniya ette yi tʼoola, yi-kime kʼume Meega. Isa geŋ ɗoŋzí a duniya yiʼni giyye, iŋkino maŋ yʼan diʼn geyye bini untadí.

Rabila Majjaanawa kʼIsa Zaŋ yi riiŋe 13:3

Wo yo Isa yi suune Raa yi ele sulɗi pay a beezí, yoŋ yi suune yʼiido tʼume Raa, wo yʼa-kima kʼume yode Raa,

Rabila Majjaanawa kʼIsa Zaŋ yi riiŋe 14:20

Onniyo gette tʼiina maŋ, kune kun di suuna nuŋ ti Meegó kaye aa wede soo, kune ti nuŋ wo nuŋ ti kune aa wede soo.

Rabila Majjaanawa kʼIsa Zaŋ yi riiŋe 16:28

Nuŋ nʼiidoʼŋ tʼume Meegó ki duniya me, wo aŋkeŋ duniya ni tʼooli, ni-kime kʼume Meegó.»

Rabila Majjaanawa kʼIsa Zaŋ yi riiŋe 16:33

Sulɗi geŋ nʼun tiʼn ruute kono kun di lekke ti toose ere ki nuŋ. Adda duniya ette kun tʼoona dabar, wo kun omɓon̰ kono nuŋ duniya ni ti jiire.»

Rabila Majjaanawa kʼIsa Zaŋ yi riiŋe 17:23

nuŋ ti kane wo kee ti nuŋ. Tʼurzi geŋ an tʼise ɗoŋ i lekkiyo kettiyo kaŋ soo, iŋkino ɗoŋ duniya an di suuna i nʼigibo kee, wo sanalliyagó kiʼni giyye aakede ki giyye nuŋ.

Rabila Majjaanawa kʼIsa Zaŋ yi riiŋe 17:25

Meeʼki nuŋ, kee wede ki diine. Ɗoŋ ɓaadaŋ adda duniya an ki suune ye, wo nuŋ ni ki suune, wo kane sanalliyagó toŋ an zuune i nʼigibo kee me.

Rabila Majjaanawa kʼIsa Zaŋ yi riiŋe 17:6

A ɗuwo ɗoŋ kee ki biire tʼadda duniya wo kʼo diʼn ele geŋ, suma kee Raa nʼan ti gize. Kane ki kee wo kʼo diʼn elo, wo onamá an diʼn ziiɗa.

Rabila Majjaanawa kʼIsa Zaŋ yi riiŋe 7:33

Maŋ Isa yʼa ruute, yʼede: «Nuŋ ti kune onniyadó oo guute baata, saŋ maŋ nʼa-kima kʼume wede i nʼigibo.

Naabo ɗoŋ zina 3:21

Wo aŋken̰n̰o Almasi yʼa-lekko a kandaane bini onniyo ere sulɗi pay a tʼisa aware, aa Raa yʼa ruute ti kaaga ti bize nebiyagí ɗoŋ kamilen̰.

Romeŋ 12:5

Geŋ iŋkino kay, kine ɓaadaŋ toŋ a urzi lekkiyo kettiyo kaŋ soo tʼAlmasi, kine aa tudde soo. Kine pay kettiyo kaŋ soo aa mokiyagi ɗoŋ ki tudde, wo wede tuuku toŋ ti naabadí naabadí.

Romeŋ 9:17

Geŋ iŋkino an riiŋe ti kaaga adda mattup ki Raa ono ɗoŋ Raa yi ruute a Parahoŋ mozigo ki siiɗo Misir, yʼede: «Kee ni ki biire mozigo wo eedá nʼa-ti tʼize zakiɗi miŋ, kono tʼurzi kee ɗuwo an di suuna toogadó wo an di kazita sundó adda siiɗo pay.»

1 Korent 1:10

Zemɓa ki nuŋ, en̰n̰o munɗa wede nʼun tʼeele kooke ti suma Galmeegiŋ Isa Almasi me: Kun tʼokkiƴo kaŋ soo, tudduguŋ kun ti tʼahinte ye, kun tʼiso adduguŋ soo, elkisaguŋ toŋ soo.

Galat 3:28

Geŋ âhuntu tudde umbo: Eŋ Yawudusu eŋ Yawudusu ye, eŋ ɓule eŋ ɓule ye, eŋ kule ette erewo umbo. Kine pay miŋ soo in lekkiyo kettiyo kaŋ soo tʼIsa Almasi.

Epez 4:4

Kine ɗoŋ i ziipe addiŋ a Isa geŋ kine aa tudde soo, Unde Raa toŋ soo, iŋkino kay Raa yʼunni wiike in di zaape elkisadiŋ a munɗa wede soo.

Pilip 2:9

Kono kamo Raa yi-ti yʼ gili, yi-dʼele ume wede majjaane a jiire pay tʼawwa a kandaane, wo yi-dʼele suma ere a jiire sumɓiyagi pay,

Eber 1:3

Yo Ulo geŋ yi kaza gooliko ere meeda ki Raa, wo yoŋ geŋ miŋ Raa koyok. Wo kane sulɗi pay geŋ an lekkiyo tʼurzi kʼonamí ɗoŋ an dʼede toogo gen̰n̰o. Yoŋ yʼa tʼize munɗa wede i tʼîide ɗuwo an tʼise kamilen̰ tʼolɗikadaŋ a ɗaana Raa, maŋ yʼa-gili kʼawwa ki kandaane, yʼa-guune a ammade Raa goole a jiire pay.

Eber 9:24

Almasi geŋ yi kʼiide ye kʼadda kʼume wede kamilen̰ ɗuwo an ikkima me, yoŋ ki kotto undiso ɗaŋŋal ki Ɓoy Raa a kandaane. Yoŋ yʼiide ki kandaane batum, aŋken̰n̰o yoŋ a ɗaana Raa kono kine.

Mattup ki Zak yi riiŋe a ɗoŋ Raa 4:4

Kune ɗoŋ i ki seeɗu urzi Raa ye, ki kotto kun suune kee ti duniya laŋziká maŋ, geŋ kee adu ti Raa. Iŋkino geŋ ɗerec, wede yi dehu laŋziká ti duniya maŋ, yoŋ geŋ yʼa tʼise adu ti Raa.

1 Piyer 1:5

A kune ɗoŋ i ziipe adduguŋ a Raa, yʼun diʼn booha ti toogadí kono yʼun utte. Uttiyo gette a tʼooɗiba ita keren̰ onniyo ere ki Raa tʼîida maŋ.

1 Zaŋ 3:12

Wo kine in ise ye aa ki Kayeŋ yʼa îide leemadí me, kono yoŋ ki Mohita kʼolɗiko. Wo ki moo me yi yʼîide leemadí me? Yi yʼîide kono yo Kayeŋ geŋ naabadí olɗo, wo ere ki leemadí beehiye ki diine.

1 Zaŋ 5:19

Kine in suune kine ki Raa, wo kane ɗoŋ duniya pay geŋ an lekkiyo a bey Mohita kʼolɗiko.

Ziid 1:1

Mattup ette i raaŋiya nuŋ Ziid, wede naabo kʼIsa Almasi wo leema Zak, a kane ɗoŋ Meega Raa yiʼni giyye. Kane yʼa tiʼn wiike wo yi diʼn boohiyo tʼurzi kʼIsa Almasi.

Ziid 1:24

In amma Raa soo ɗaŋŋal, yoŋ yʼin diʼn uttiyo tʼurzi Galmeegiŋ Isa Almasi. Yoŋ i-dʼede toogo yʼun tʼeegire kun ki tʼoore adda kʼolɗiko ye, wo yʼaane yʼun diʼn tʼette ki ɗaanadí kʼadda darƴikadí daa zaapu kʼono egguŋ, wo ôoniyo tʼuŋsuwo. Geŋ moziko, gooliko, toogo, wo urzi dokkiyo, kane pay geŋ ki yode ki poone duniya tʼa tʼeesa ɓotto too, bini aŋki, wo ki daayum! Eyye.

Apokalipse 15:4

Galmeegey, wee wee a-kʼorgiɗe ye wo i ki tʼimme sundá ye me? Ɗerec, kee ɗaŋŋal wede kamilen̰ wo ita ɗuwo pay an dʼetto an dʼottila a ɗaanadá, kono ɗoŋ pay an zuune booradá ki ɗekkiyo ki diine.»

Apokalipse 19:12

Wo edayí i dʼomilte aa uwwo, a eedí biibiyagi moziko, suma an riiŋe a tuddí wenɗa soo toŋ yi ki ti suune ye, i ti suune yode siidí.

Apokalipse 4:8

Kane seyɗi piɗe geŋ wede soŋ kambarí zoot zoot, wo kambaraŋ geŋ ti paate tʼadda i tʼûune eda baa. Diɗɗo on̰n̰u an ɗeɗɗiso miŋ: «Kamilen̰, kamilen̰, kamilen̰ yoŋ Galmeega Raa toogadí tʼa jiire pay, yode wede tʼume duniya tʼa tʼeesa ɓotto too, bini aŋki wo bini onniyo kʼita toŋ yoŋ ede.»