Rabila Majjaanawa kʼIsa Zaŋ yi riiŋe 16:32 - Mattup ki Taasuwa ere Aware

³² Saŋ onniyo tʼaana wo todʼtiŋ tʼiina baa, kun di-teepa wede soŋ kʼumayí kʼumayí, kun di nʼoola siidó. Wo ɗe nuŋ siidó ye, kono Meega ti nuuno.

Rabila Majjaanawa kʼIsa Zaŋ yi riiŋe 16:32 ပူးပေါင်းရင်းမြစ်များ

Matiye 26:31

Maŋ Isa yʼan di ruute a sanalliyagí, yʼede: «A diɗɗo ettiyo batum, kune pay kun di nʼ kiigira a munɗa wede o aana geŋ me, kono ono eŋ an riiŋe ti kaaga adda mattup ki Raa, anʼde: “Wede kʼelso nʼa yi tʼîda, wo torɗo damɓami a-teepa.”»

Matiye 26:56

Wo ɗe sulɗi pay geŋ a iina kono a-tʼette a ono ɗoŋ nebiyagi an riiŋe ti kaaga adda mattup ki Raa.» Maŋ kane sanalliyagi pay an di yʼiili, an tʼumbe.

Markus 14:27

Maŋ Isa yʼan di ruute a sanalliyagí, yʼede: «Kune pay kun di nʼ kiigira a munɗa wede aana geŋ me, kono ono eŋ an riiŋe ti kaaga adda mattup ki Raa, anʼde: “Wede kʼelso nʼa yi tʼîda, wo torɗo damɓami a-teepa.”»

Markus 14:50

Maŋ kane sanalliyagi pay an di yʼiili, an tʼumbe.

Rabila Majjaanawa kʼIsa Zaŋ yi riiŋe 12:23

Aame geŋ Isa yʼan di ruute, yʼede: «Aŋkeŋ peeɗo tʼîide, nuŋ wede an nʼehe aa ulo wede eŋ, Raa yʼan di kiza goolikadó a ɗuwo.

Rabila Majjaanawa kʼIsa Zaŋ yi riiŋe 16:2

Tʼadda ɓoyɗi ɗoŋ in di dooyiso, an un tiʼn limma. Wo ulsu a jiire sey, onniyo tʼaana iŋkino wede tuuku unni tʼîda geŋ yʼelkiyo yʼisiyo naabo ere beehiye a ɗaana Raa.

Rabila Majjaanawa kʼIsa Zaŋ yi riiŋe 16:25

«Sulɗi pay geŋ nʼun ruutite tʼono ombiɗe, wo ɗe onniyo tʼîida maŋ nʼun dʼorba keren̰ tʼono ombiɗe ye baa. Wo sulɗi pay ki Meega geŋ nʼun tiʼn roota keren̰.

Rabila Majjaanawa kʼIsa Zaŋ yi riiŋe 16:31

Isa yʼan di ruute, yʼede: «Aŋkeŋ kun umɓe baa ko?

Rabila Majjaanawa kʼIsa Zaŋ yi riiŋe 19:27

Saŋ maŋ yi di ruute a sanallusu geŋ, yʼede: «Ki wollo, meedá gettiyo.» Iŋkino maŋ tʼume geŋ sanallusu yʼa ti wiike Mariyam di yode.

Rabila Majjaanawa kʼIsa Zaŋ yi riiŋe 20:10

Saŋ maŋ kane sanalliyagi sire geŋ an di-gime, an dʼaahe ki ɓoozaŋ.

Rabila Majjaanawa kʼIsa Zaŋ yi riiŋe 4:21

Isa yi di ruute, yʼede: «Erewo no, mʼamɓo onamó, saŋ onniyo tʼaana, aame geŋ kun kʼottila a Meega Raa ekki mokkolo ettiyo ye, wo a Zeruzalem ye.

Rabila Majjaanawa kʼIsa Zaŋ yi riiŋe 4:23

Wo onniyo gette saŋ tʼaana, wo todʼtiŋ tʼiina, ɗoŋ ottilso a Meega tʼaddaŋ soo geŋ, an i-dʼottila ti toogo kʼUnde Raa wo aa Raa yi dehu, kono Meega yi dehu ɗoŋ ottilso iŋkino.

Rabila Majjaanawa kʼIsa Zaŋ yi riiŋe 5:25

Ɗerec iŋkino wo nʼun di rooto: Onniyo tʼaana wo todʼtiŋ tʼiina. Kane ɗoŋ a ɗaana Raa aa an tʼinda geŋ, an dʼolliga golla nuŋ Ulo Raa, wo ɗoŋ illiga golladó maŋ an di lekka ki daayum.

Rabila Majjaanawa kʼIsa Zaŋ yi riiŋe 5:28

Iŋkino maŋ ulbuguŋ i tʼooɗe ye a ono geŋ me, kono onniyo saŋ tʼaana, wo ɗoŋ pay adda muuziyagi an dʼolliga golladó, wo an di-balɗa.

Rabila Majjaanawa kʼIsa Zaŋ yi riiŋe 8:16

Wo aame ni ɗekkiyo booro maŋ, ni ɗekkiyo ɗerec kono nuŋ siidó ye. Ay ɗekkiyo booro soo ti Meega wede i nʼigibo me.

Rabila Majjaanawa kʼIsa Zaŋ yi riiŋe 8:29

Wo yo wede i nʼigibo geŋ, yoŋ ti nuuno. Yi ki nʼooliyo siidó ye, kono nuŋ nʼisiyo daayum munɗa wede ulbí i-dʼise uŋse.»

Naabo ɗoŋ zina 21:6

Saŋ ay a-ti ziɗɗe bey ti tuddey, maŋ ay di-gili adda tooko, wo kane an di-gime ki ɓoyɗizaŋ.