Rabila Majjaanawa kʼIsa Zaŋ yi riiŋe 16:23 - Mattup ki Taasuwa ere Aware

²³ Onniyo gette tʼiina maŋ, munɗa wede kun tonda nuŋ umbo. Ɗerec iŋkino wo nʼun di rooto: Munɗa wede kun tonda Meega ti sundó geŋ, yʼun di yʼ tʼela.

Rabila Majjaanawa kʼIsa Zaŋ yi riiŋe 16:23 ပူးပေါင်းရင်းမြစ်များ

Matiye 21:22

Sulɗi ɗoŋ pay kun tonda Raa tʼurzi zaapu kʼadde a yode geŋ, kun diʼn tʼoona.»

Matiye 7:7

«Kun tondo wo munɗa an un tʼeela, kun dehito wo kun tʼoona, kun koppo biza wo an un di-tʼihina.

Rabila Majjaanawa kʼIsa Zaŋ yi riiŋe 14:20

Onniyo gette tʼiina maŋ, kune kun di suuna nuŋ ti Meegó kaye aa wede soo, kune ti nuŋ wo nuŋ ti kune aa wede soo.

Rabila Majjaanawa kʼIsa Zaŋ yi riiŋe 14:22

Ziid, wede an yi waaku Ziidas Iskariyot ye, yi di ruute a Isa, yʼede: «Galmeegey, mummino me kee kʼa kiza tuddá a kaye, a ɗoŋ duniya ye me?»

Rabila Majjaanawa kʼIsa Zaŋ yi riiŋe 14:5

Maŋ Tomas yi di ruute, yʼede: «Galmeegey, kaye ay ki suune ye ume wede kee kʼette me. Ɗe mummino ay di suune urzi me?»

Rabila Majjaanawa kʼIsa Zaŋ yi riiŋe 15:7

Aame kun lekkiyo kettiyo ti nuŋ wo onamó kunʼni seeɗu maŋ, kun tondo munɗa wede kun dehu me, wo munɗa geŋ kun di yʼ tʼoona.

Rabila Majjaanawa kʼIsa Zaŋ yi riiŋe 16:19

Isa yʼa zuune kane an dehu an di yʼ tonde me, maŋ yʼan di ruute, yʼede: «Kune kun tondiso tudduguŋ miŋ a ono ɗoŋ nʼun ruute, nʼede: “Taŋ booloŋ maŋ kun ki nʼ wolla ye, wo saŋ maŋ taŋ booloŋ sey kun di nʼ wolla” gen̰n̰o ko?

Rabila Majjaanawa kʼIsa Zaŋ yi riiŋe 16:26

Onniyo gette tʼîida maŋ, ti sigguŋ kun tonda munɗa ti sundó a bey Meega, wo nuŋ ni ki yʼ tonda ye baa kono kune me.

Rabila Majjaanawa kʼIsa Zaŋ yi riiŋe 16:30

Aŋkeŋ kaye ay zuune kee ki suune sulɗi pay, wo ki ki dehu wenɗa yʼa ki tonde ye baa. Kono kamo kaye ay umɓe kee kʼiido ti Raa.»

Epez 2:18

Tʼurzi kʼAlmasi, kine pay Yawudiyagi ti ɗoŋ Yawudiyagi ye, in dʼede urzi in dʼette ki sirpa Meega Raa ti toogo kʼUnde Kamilen̰ ere soo gettiyo.

1 Zaŋ 2:1

In̰n̰i ki nuŋ, nʼun raaŋiya iŋkino kono ni dehu kun ki dʼise olɗiko ye. Wo ɗe aame wede yi tʼiire adda kʼolɗiko maŋ, kun suuno wede noogiyadiŋ ede a ɗaana Meega Raa me, yoŋ Isa Almasi wede ki diine.