Rabila Majjaanawa kʼIsa Zaŋ yi riiŋe 16:20 - Mattup ki Taasuwa ere Aware

²⁰ Ɗerec iŋkino wo nʼun di rooto: Kune kun dʼôola wo kun di ɗillita, wo kane ɗoŋ duniya ulbaŋ aasa uŋse. Kun di lekka tʼulbe kʼooɗiyo, saŋ ulbuguŋ a ôona tʼuŋsuwo.

Rabila Majjaanawa kʼIsa Zaŋ yi riiŋe 16:20 ပူးပေါင်းရင်းမြစ်များ

Matiye 21:38

Wo ɗe aame kane ɗoŋ naabo doomeʼŋ ulo an yi wulle maŋ, an dʼiise rootiyto ti tuddaŋ, anʼde: “En̰n̰o ulo wede doome i oopa me! In yʼôodo kono doome eŋ yʼin dʼoopa.”

Matiye 5:4

Uŋsuwo a kane ɗoŋ i môolo, kono kane geŋ Raa yʼa tiʼn sella.

Markus 14:72

Wo a kaamiki uzu yʼa îile ki sirwe. Aame geŋ Piyer yʼa ilke a ono ɗoŋ Isa yi-ruute, yʼede: «Ki poone uzu yʼa ôola bizí sire geŋ, kʼa roota ki ki nʼ suune ye, suune ye taŋ aɗo.» Iŋkino maŋ yʼa iise môolo.

Markus 16:10

Tode gette tʼan dʼiide rabila a ɗoŋ i likke ti yode, kane an tʼize sommagi dondoŋ an isiyo môolo.

Rabila Majjaanawa kʼIsa Lik yi riiŋe 22:45

Aame yi-tunde Raa maŋ, yʼa tʼiiziga yʼa-gime ki tukki sanalliyagi, yʼan diʼn uuney kane an udige kono an tʼize sommagi dondoŋ.

Rabila Majjaanawa kʼIsa Lik yi riiŋe 22:62

Maŋ tʼadda ɓoy Piyer yi-tʼuɗɗe ti paate wo yʼa iise môolo ɓaadaŋ.

Rabila Majjaanawa kʼIsa Lik yi riiŋe 23:27

Ɗoŋ duuru ɓaadaŋ ki siiɗo gette an di yʼ daaniya, ti diinayaŋ erayi an a-tʼiɓi beyɗaŋ a giggiraŋ wo an di ɗollite môolo kono kʼIsa.

Rabila Majjaanawa kʼIsa Lik yi riiŋe 24:17

Maŋ Isa yʼanni tunde, yʼede: «Kune kun di sooru ɗe, kun di niikiyto a tukkʼamme?» Iŋkino maŋ kane an tʼîhira, sommagi dondoŋ.

Rabila Majjaanawa kʼIsa Lik yi riiŋe 24:21

Kaye ay ziipe elkisadey a yode, yoŋ wede soo yʼan aɗɗa ɗoŋ kʼIzirayel ti bey ɗoŋ kʼaduzaŋ. Wo tʼekki sulɗi pay geŋ, onniyo aŋki ette kʼaɗuwe tʼume sulɗi geŋ ize me.

Rabila Majjaanawa kʼIsa Lik yi riiŋe 6:21

Uŋsuwo a kune ɗoŋ aŋken̰n̰o mosogo tʼunni tôwwo, kono saŋ maŋ omɓo tʼun diʼn pilɗey. Uŋsuwo a kune ɗoŋ aŋken̰n̰o kun môolo, kono saŋ maŋ kun di koobitey.

Rabila Majjaanawa kʼIsa Zaŋ yi riiŋe 16:33

Sulɗi geŋ nʼun tiʼn ruute kono kun di lekke ti toose ere ki nuŋ. Adda duniya ette kun tʼoona dabar, wo kun omɓon̰ kono nuŋ duniya ni ti jiire.»

Rabila Majjaanawa kʼIsa Zaŋ yi riiŋe 16:6

Wo ɗe sulɗi nʼun tiʼn ruute iŋkino maŋ, ulbuguŋ i dʼooɗiyo ɓaadaŋ.

Rabila Majjaanawa kʼIsa Zaŋ yi riiŋe 20:20

Aame yʼan ti ruute iŋkino maŋ, saŋ yʼan dʼiise kazita beyɗí ti ume wede an yi giira a sirpadí. Wo kane sanalliyagi ulbaŋ uŋse an wulle Galmeegaŋ geŋ me.

Naabo ɗoŋ zina 5:41

Ɗoŋ zina kʼIsa an tʼuɗɗe ti diine deero Yawudiyagi tʼulbe uŋse, kono Raa yiʼni wulle kane an tʼîide an dabire kono an umɓe a suma kʼAlmasi.

Romeŋ 5:11

Wo beehiye a jiireʼŋ, kine ulbiŋ in dʼise uŋse ti Raa tʼurzi Galmeegiŋ Isa Almasi, yode wede aŋken̰n̰o yʼin tiʼn gimo in tʼukkiƴe ti Raa.

2 Korent 6:10

An dʼisiyo ay tʼise sommagi dondoŋ, wo ɗe kaye daayum ulbey uŋse. Ɗuwo an ay diʼn wolliyo aa ay kʼede munɗa ye, kaciŋ ɗoŋ ɓaadaŋ ay an diʼn isiyo ki laale. An elkiyo munɗa ay kʼede ye, kaciŋ sulɗi pay ay dʼede.

Galat 5:22

Wo ettiyo naabo ere Unde Raa tʼisiyo adda kʼadde wedusu me: geyyiso, uŋsuwo, toose, omɓin̰e, beehiyko, seeɗu zakiɗi a munɗa,

1 Tessaloni 1:6

Kune kun tʼize ɗoŋ umɓe zina kaye wo ki Galmeega. Adda dabar ɓaadaŋ toŋ ono Raa kun diʼn ziiɗa tʼuŋsuwo ere ettiyo tʼurzi kʼUnde Kamilen̰.

Mattup ki Zak yi riiŋe a ɗoŋ Raa 1:2

Zemɓa ki nuŋ, kune ulbuguŋ un iso uŋse ɓaadaŋ aame un iido munɗa wede oon̰e tuuku toŋ maŋ,

Ziid 1:24

In amma Raa soo ɗaŋŋal, yoŋ yʼin diʼn uttiyo tʼurzi Galmeegiŋ Isa Almasi. Yoŋ i-dʼede toogo yʼun tʼeegire kun ki tʼoore adda kʼolɗiko ye, wo yʼaane yʼun diʼn tʼette ki ɗaanadí kʼadda darƴikadí daa zaapu kʼono egguŋ, wo ôoniyo tʼuŋsuwo. Geŋ moziko, gooliko, toogo, wo urzi dokkiyo, kane pay geŋ ki yode ki poone duniya tʼa tʼeesa ɓotto too, bini aŋki, wo ki daayum! Eyye.

Apokalipse 11:10

Ɗoŋ pay a siiɗo ulbaŋ aasa uŋse a unto ki ɗoŋ sire geŋ me, an dʼisa tarnaape an dokkiɗa sulɗizaŋ rosoŋ ti tuddaŋ kono nebiyagi sire geŋ an an iiɗiba yeebadaŋ ɓaadaŋ.

Apokalipse 18:7

Todʼ tʼossiyo sulɗi koŋsuwo wo ti tamma tuddutú ɓaadaŋ geŋ, kun ti-tʼelo adda dabar ti môolo ɓaadaŋ iŋkino kay, kono ti rootiyo adda kʼaddutú, tʼede: “Nuŋ ette ni guune mohita, nuŋ te mandaayawa ye, wo môolo munɗa toŋ ni kʼisa ye.”