Rabila Majjaanawa kʼIsa Zaŋ yi riiŋe 12:36 - Mattup ki Taasuwa ere Aware

³⁶ Miŋ yo toore ede ɓotto geŋ, kun zaapo adduguŋ kun daano toore gen̰n̰o, kono kun tʼisa in̰n̰i toore.» Isa yʼa ti ruute iŋkino maŋ, ti tuddaŋ yʼa tʼirga wo yi-tʼumbiɗa.

Rabila Majjaanawa kʼIsa Zaŋ yi riiŋe 12:36 ပူးပေါင်းရင်းမြစ်များ

Matiye 21:17

Maŋ yiʼn iili, wo ti geeger yi tʼuɗɗe, yʼa iŋgile ki ille Betani yʼa onno.

Matiye 5:14

Kune aakede toore ki ɗoŋ duniya. Aame an iiziga geeger eego kesse maŋ, i ki tʼombiɗa ye.

Rabila Majjaanawa kʼIsa Lik yi riiŋe 16:8

Wo yo galmeega yʼa yʼimme wede ƴeeriyo wede ki diine ye geŋ me, kono yʼizeʼŋ metiŋko. Iŋkino maŋ kane ɗoŋ duniya a urzi lekkiyo ere ti tuddaŋ gette, kane mentikagi an jiire kane ɗoŋ ki Raa toorayí a eedaŋ.»

Rabila Majjaanawa kʼIsa Zaŋ yi riiŋe 1:7

Zaŋ yoŋ wede illiga rabila toore, yʼa iide yʼan di kize urzi toore gen̰n̰o, kono tʼurzi yode ɗuwo pay an dʼolliga, wo an zaape addaŋ a toore gen̰n̰o.

Rabila Majjaanawa kʼIsa Zaŋ yi riiŋe 11:54

Tiŋ geŋ yode Isa toŋ tuddí yʼa ti ziiɗa, yi gi di waariya ye a diine Yawudiyagi me. Wo tʼumayí geŋ yʼa tʼirga, yʼa iŋgile ki geeger sundutú Epirayim a biza balɗa, ti sanalliyagí an di lekkiyo aŋgen̰n̰o.

Rabila Majjaanawa kʼIsa Zaŋ yi riiŋe 12:37

Ti sulɗi kʼarmika ɗoŋ Isa yʼize ɓaadaŋ a ɗaanadaŋ gen̰n̰o toŋ, kane Yawudiyagi an ki ziipe addaŋ a yode ye.

Rabila Majjaanawa kʼIsa Zaŋ yi riiŋe 12:46

Nuŋ toore wo nʼa iido kʼadda duniya, kono wede tuuku yi ziipe addí a nuŋ maŋ, yʼa ki lekke adda zimolo ye.

Rabila Majjaanawa kʼIsa Zaŋ yi riiŋe 3:21

Wo wede daayum yʼisiyo naabo ere ɗerec geŋ, yʼa tʼaɗɗe a toore kono ɗuwo an di wolle naabadí ere ɗerec gette, an tʼeese yo eŋ wede Raa kotto.»

Rabila Majjaanawa kʼIsa Zaŋ yi riiŋe 8:12

Isa yʼan di ruute sey, yʼede: «Nuŋ miŋ wede i dʼeliyo toore a ɗoŋ duniya pay. Wede yi ni diina maŋ, yʼa tʼoona toore wede i di tʼela lekkiyo, yi kʼozira zimolo ye.»

Rabila Majjaanawa kʼIsa Zaŋ yi riiŋe 8:59

Iŋkino maŋ an ziki moŋgali ki kakkisadí, wo Isa yi-ti digge diine ɗoŋ duuru, tʼadda booro Ɓoy Raa yʼa tʼuɗɗe.

Epez 5:8

Ti kaaga kun lekkiyo adda zimolo, wo aŋkeŋ kun lekkiyo kettiyo kaŋ soo ti Galmeega geŋ, kuneʼŋ adda toore. Iŋkino maŋ kun oziro aa ɗoŋ i sooru adda toore,

1 Tessaloni 5:5

Kune ɗoŋ ki toore Raa, lekkiyaguŋ aa a on̰n̰u. Kine ki diɗɗo ye, ki zimolo ye.

1 Tessaloni 5:8

Wo ɗe kine ɗoŋ lekkiyadiŋ aa a on̰n̰u geŋ, tuddiŋ in ti sooɗo. In lekko a urzi zaapu kʼaddiŋ a Isa wo ti geyyiso tuddiŋ, kane geŋ a kine aakede asigursu yi tʼusse saapa. Wo in zaapo elkisadiŋ a Raa wede yiʼn utte kono zaapu kʼelkiso gette, todʼte aakede asigursu yi tʼusse kakkile maala.