Rabila Majjaanawa kʼIsa Zaŋ yi riiŋe 1:42 - Mattup ki Taasuwa ere Aware

⁴² Maŋ yi-di tʼiide leemadí Simo kʼume kʼIsa. An iiney maŋ, Isa yi di yʼ wolliso ƴerere adda kʼedayí, maŋ yi di ruute, yʼede: «Keeʼŋ Simo ulo ki Zonas, wo ti aŋki eŋ an gi di waaka Piyer.» Suma gette i-kaza mokkolo.

Rabila Majjaanawa kʼIsa Zaŋ yi riiŋe 1:42 ပူးပေါင်းရင်းမြစ်များ

Matiye 10:2

Kun ollo eŋ sumɓiyagi ɗoŋ zina kʼIsa kane koomat makumu sire: ki poone Simo wede sundí soo te Piyer, wo leemadí Andire; Zak ti leemadí Zaŋ, kane sirwaŋ pay in̰n̰i Zebede;

Markus 3:16

En̰n̰o sumɓiyagi ɗoŋ koomat makumu sire Isa yi biire me: Simo wede Isa yʼa yi wiike sundí soo te Piyer;

Rabila Majjaanawa kʼIsa Lik yi riiŋe 5:8

Aame Simo Piyer yi wulle iŋkino maŋ, yʼa-dikke a ɗaana kʼIsa wo yʼa ruute, yʼede: «Galmeeʼki nuŋ, kʼa leɗɗo ti tuddó me, kono nuŋ wede kʼolɗiko.»

Rabila Majjaanawa kʼIsa Lik yi riiŋe 6:14

Kane sumɓiyagaŋ: Simo wede Isa yʼa yi wiike sundí soo te Piyer, wo leemadí Andire; Zak, Zaŋ, Pilip, Bartelemi,

Rabila Majjaanawa kʼIsa Zaŋ yi riiŋe 13:18

Nuŋ ni ki rootiyo ti kune pay ye, wo nuŋ niʼni suune ɗoŋ ni biire me. Wo geŋ iŋkino a-tʼette a ono ɗoŋ an riiŋe ti kaaga adda mattup ki Raa, anʼde: “Wede ay omɓo umpadey soo geŋ, yi tʼize wede kʼolmiɗayó.”

Rabila Majjaanawa kʼIsa Zaŋ yi riiŋe 21:2

Simo Piyer, Tomas wede an yi waaku Ulo Rooŋo, Natanayel wede ti Kana siiɗo Galile, in̰n̰i Zebede, wo sanalliyagi kʼIsa sire ti doolo, kane pay geŋ an lekkiyo kaŋ soo.

Rabila Majjaanawa kʼIsa Zaŋ yi riiŋe 4:16

Maŋ Isa yi di ruute, yʼede: «Mʼodo, mi waaki kulayí, kun tʼedi.»

1 Korent 1:12

Geŋ en̰n̰o munɗa wede ni dehu nʼa roote me: Kune ti diinaguŋ wede tuuku toŋ yi rootiyo, yi dʼeesiyo: «Nuŋ ki Pool», wede soŋ «Nuŋ ki Apolos», wede soŋ «Nuŋ ki Piyer» wo wede soŋ «Nuŋ ki Almasi».

1 Korent 15:5

Aame yi bilɗe maŋ yi di gize tuddí a Piyer, saŋ a ɗoŋ zina ɗoŋ koomat makumu sire.

1 Korent 3:22

ise nuŋ Pool, Apolos wo Piyer, ise duniya, lekkiyo wo unto, ise sulɗi ɗoŋ aŋken̰n̰o wo sulɗi ɗoŋ etto kʼita toŋ maŋ. Kane pay geŋ miŋ ki kune.

1 Korent 9:5

Ki torguwadey ay dʼede urzi ay di waake erewo ere i ziipe addutú a Isa ay dʼozire soo, aa ɗoŋ zina kʼIsa oŋgo, zemɓa Galmeega Isa, wo Piyer ge dʼisiyo.

Galat 1:18

Îide ozzine aɗo maŋ, nʼaa tʼiide Zeruzalem kono ay di suuno tuddey ti Piyer. Ni likko ti yode suuk sire,

Galat 2:11

Onniyo Piyer yʼiide ki geeger kʼAntiyos siiɗo Siiri geŋ, yʼaaze munɗa wede ulsu, iŋkino nʼa yʼiipiɗe a ɗaana ɗoŋ pay i tʼugiye.

Galat 2:9

Zaŋ, Zak wo Piyer geŋ, ɗuwo anʼni suune kane deero ki ɗoŋ ogiyso ti suma kʼIsa. Kane geŋ an zuune naabo gette ki kotto Raa yʼo ele ti beekadí. Ay di-gitte onamey kaŋ soo, wo ay a-ti ziɗɗe bey ki toose, i-kaza ay lekkiyo kettiyo kaŋ soo. Iŋkino maŋ nuŋ ti Barnabas ay dʼiŋgile ki tukki ɗoŋ Yawudiyagi ye, wo kane aŋ Piyer an dʼiŋgile ki tukki Yawudiyagi.