Rabila Majjaanawa kʼIsa Zaŋ yi riiŋe 1:14 - Mattup ki Taasuwa ere Aware

¹⁴ Iŋkino maŋ wede an yi waaku Ono geŋ yʼa-gime wedusu, yʼa iido yʼa likke diine kaye, addí ôoniyo ti beeko wo yʼin di kaza urzi wede ɗerec. Ay di wulle goolikadí, goolikadí ere meeda gette i ele Meega Raa a yode Ulí soo ɗaŋŋal.

Rabila Majjaanawa kʼIsa Zaŋ yi riiŋe 1:14 ပူးပေါင်းရင်းမြစ်များ

Matiye 1:16

Yakup yʼa tʼehe Yusup kule ki Mariyam, tode ere tʼa ehe Isa, yoŋ an di yʼ waaku Almasi Raa yi biire.

Rabila Majjaanawa kʼIsa Lik yi riiŋe 2:11

Aŋki adda diɗɗo ette adda geeger Dawut, an un ehe Wede kʼUttiyo, yoŋ Almasi Raa yi biire, yoŋ Galmeega.

Rabila Majjaanawa kʼIsa Lik yi riiŋe 2:7

tʼa tʼehe ulo ki kaɓɓatú me. Ti di mulpite sotor, tʼa ti yʼ duwwe a kulaaye kono ume adda biino torgagi umbo.

Rabila Majjaanawa kʼIsa Lik yi riiŋe 9:32

Piyer ti eebíʼŋ kane an udige kuy. Wo aame an tʼinne maŋ, kane an wolliyo toore aɗɗiya ti tukkʼIsa wo kuuli sire an tʼîhira a sirpadí.

Rabila Majjaanawa kʼIsa Zaŋ yi riiŋe 1:1

Ki poone Raa yʼa okkima sulɗi pay geŋ, wedusu an yi waaku Ono yoŋ ede to. Raa kane ti wede an yi waaku Ono geŋ kane soo, wo wede an yi waaku Ono geŋ yoŋ miŋ Raa batum.

Rabila Majjaanawa kʼIsa Zaŋ yi riiŋe 11:40

Maŋ Isa yi di ruute, yʼede: «Nuŋ ni ruute ɗe me, aame mi ziipa addí a nuuno maŋ, mʼa wolla toogo ki Raa.»

Rabila Majjaanawa kʼIsa Zaŋ yi riiŋe 14:6

Isa yi di ruute, yʼede: «Nuŋ miŋ urzi, nuŋ miŋ ɗerec wo nuŋ miŋ lekkiyo. Wenɗa soo toŋ umbo yʼa tʼette kʼume Meega daa nuuno me.

Rabila Majjaanawa kʼIsa Zaŋ yi riiŋe 14:9

Maŋ Isa yi di ruute, yʼede: «Kee Pilip, nuŋ ti kaagine ni lekkiyo ti kune, miŋ ki ki nʼ suune ye? Wede yi ni wulle maŋ, geŋ aa yi wulle Meega. Ɗe ki moo me ki rootiyo nʼun kaza Meega me?

Rabila Majjaanawa kʼIsa Zaŋ yi riiŋe 17:22

Gooliko ere kee kʼo elo gette, nuŋ nʼan ele. Iŋkino kane an tʼise aa wede soo, aakede kee ti nuŋ aa wede soo,

Rabila Majjaanawa kʼIsa Zaŋ yi riiŋe 17:24

Meeʼki nuŋ, kane kee kʼoʼn elo, wo nuŋ ni dehu ume wede nuŋ ni lekkey geŋ, kane toŋ an di lekkey kay. Aame geŋ kane an di wolley goolikadó ere kʼo ele, kono kee ki ni giyye ti poone tʼume kʼa okkima duniya ɓotto too.

Rabila Majjaanawa kʼIsa Zaŋ yi riiŋe 18:37

Iŋkino maŋ Pilat yʼa yi tunde, yʼede: «Keeʼŋ kaciŋ mozigo ko?» Isa yi diʼn gime onamí, yʼede: «Eyye aa ki ruute, nuŋ mozigo. Kono iŋkino nuŋ an di nʼehe wo nʼa iido kʼadda duniya, nʼan di kize urzi wede ki ɗerec, wo kane ɗoŋ i dehu urzi wede ki ɗerec geŋ, an dʼollige onamó.»

Rabila Majjaanawa kʼIsa Zaŋ yi riiŋe 2:11

Geŋ iŋkino munɗa kʼarmika wede Isa yʼize ki poone, a Kana siiɗo Galile. Yʼan di gize toogadí, wo tʼurzi geŋ sanalliyagí an di ziipe addaŋ a yode.

Rabila Majjaanawa kʼIsa Zaŋ yi riiŋe 3:16

Raa geŋ yʼa giyye kine ɗoŋ duniya pay, yʼaa tʼigibo Ulí yoŋ soo ɗaŋŋal ki duniya, kono wede tuuku yi ziipa addí a yode maŋ, yʼa ki tʼinda ye, wo yʼa tʼoona lekkiyo ere ki daayum.

Rabila Majjaanawa kʼIsa Zaŋ yi riiŋe 3:18

Wede yi ziipa addí a yode maŋ, booro ti ki yʼ seeɗa ye, wo wede yi ki ziipa addí a yode ye maŋ, booro ti yʼ ziiɗa baa, kono yi ki ziipe addí a suma kʼUlo wede soo ɗaŋŋal ki Raa gen̰n̰o ye.

Rabila Majjaanawa kʼIsa Zaŋ yi riiŋe 6:51

Nuŋ miŋ omɓo ere i dʼeliyo lekkiyo, i ɗiigo ti kandaane. Aame wede yʼiima omɓo ettiyo maŋ, yʼa tʼoona lekkiyo ere ki daayum. Wo omɓo ere nʼan tʼela todʼte tukin̰adó, nʼan tʼele kono ɗuwo pay an tʼoona lekkiyo.»

Rabila Majjaanawa kʼIsa Zaŋ yi riiŋe 8:32

Aame geŋ ɗerec kun di suuna, wo ɗerec gette tʼun diʼn isa ɗoŋ eedaŋ toore.»

Romeŋ 8:3

Munɗa wede oogoro Muusa ti kʼiine ti ki yʼize ye kono kine ɗoŋ tudde in kʼede toogo in ki dʼozire a urzi gen̰n̰o ye geŋ, Raa yʼa yʼize. Iŋkino maŋ yʼa igibo Ulí yʼa iido ti tudde ere aa ki kine ɗoŋ kʼoldiko kono yʼin diʼn aɗɗe tʼadda kʼolɗiko, tiŋ geŋ olɗiko ere ɗuwo an isiyo yʼa-tʼîide mentú.

Romeŋ 9:5

wo kane an uɗɗo ti biza bumɓu moŋgiɗagaŋ ɗoŋ sundaŋ tʼa îile. Wo Almasi Raa yi biire a urzi tudde yʼuɗɗo ti biza bumɓu kane, yode wede tʼekki sulɗi pay, geŋ in amma Raa ki daayum! Eyye.

1 Korent 15:47

Wedusu wede ki poone yoŋ ki siiɗo, Raa yi yʼiibiɗa ti odde siiɗo. Wo ɗe wedusu wede ki sirwe yoŋ yʼiido ti kandaane.

2 Korent 12:9

Wo Galmeega yʼo di ruute, yʼede: «A keeʼŋ beekadó gettiŋ a îide baa. Kono nuŋ toogadó ti kee, aame kee toogadá baata geŋ me.» Geŋ nuŋ ulbó uŋse nʼa tʼimme tuddó a toogadó baata gette, kono toogo kʼAlmasi tʼa koone eedó.

Galat 4:4

Wo aame onniyo ere Raa yi ruute tʼîide maŋ, yʼa tʼigibo Ulí an di yʼehe adda duniya tʼurzi kʼerewo, wo i di yʼ dokkiyo oogoro Yawudiyagi,

Epez 3:8

Nuŋ wede n̰eŋku a jiire ti diine ɗoŋ pay ki Raa, wo toŋ maŋ yʼo dʼele beekadí nʼa kizite rabila a urzi laale ki beehiykadí ere ɓaadaŋ a jiire ettiyo tʼurzi kʼAlmasi, a ɗoŋ Yawudiyagi ye.

Kolos 1:19

Ɗerec, yo Raa batum yi dihe sulɗi ɗoŋ pay adda kʼaddí wo a tuddí geŋ, a tukkʼUlí toŋ iŋkino ede pây,

Kolos 2:3

Laale pay wede ki suuniyo kʼono wo ti suuniyo gette, kane ombiɗe a bey kʼAlmasi.

Kolos 2:9

Ni rootiyo iŋkino kono Almasi a tuddí ere aa ki wedusu gette, sulɗi ɗoŋ pay adda kʼadde Raa wo a tuddí geŋ, a tukkʼAlmasi toŋ ede pây.

1 Timote 3:16

Eyye, daa niikiyo munɗa wede kine in dʼamɓe wo in di daane geŋ, yode gen̰n̰o munɗa wede goole wo ombiɗe Raa yi tʼiiɗiba ita me. Munɗa geŋ, yoŋ Almasi yʼa iido, tuddí yʼa ti-gize yoŋ wedusu. Tʼurzi kʼUnde Kamilen̰ ɗuwo an di yʼ suune yoŋ wede ki diine, wo maaleekiyagi an di yʼ wulle. Ɗuwo an di gizite rabiladí a ita ɗuwo pay, wo ɗoŋ ɓaadaŋ adda duniya an di ziipe addaŋ a yode. Raa yʼa yʼumɓe kʼawwa ki kandaane a darƴikadí.

Eber 1:3

Yo Ulo geŋ yi kaza gooliko ere meeda ki Raa, wo yoŋ geŋ miŋ Raa koyok. Wo kane sulɗi pay geŋ an lekkiyo tʼurzi kʼonamí ɗoŋ an dʼede toogo gen̰n̰o. Yoŋ yʼa tʼize munɗa wede i tʼîide ɗuwo an tʼise kamilen̰ tʼolɗikadaŋ a ɗaana Raa, maŋ yʼa-gili kʼawwa ki kandaane, yʼa-guune a ammade Raa goole a jiire pay.

Eber 1:5

Ɗerec, Raa geŋ kuɗic a maaleeka soo toŋ yi-ki ruute ye, yʼa tʼeese: «Kee Ulo nuŋ me, wo ti aŋki ɗuwo an di suune nuŋ Meegá.» Wo soŋ yʼa tʼeese: «Nuŋ a yode nʼa tʼisa Meegí, wo yoŋ yʼa tʼisa a nuŋ Ulo me.»

Eber 10:5

Kono kʼiŋkino, aame Almasi yʼettiyo kʼadda duniya geŋ, yi di ruute a Raa, yʼede: «Kee ki ki dihe ɗuwo an a-ki dʼise seɗeke seyɗi ye, ise an a-di tʼele munɗa toŋ maŋ, wo kee kʼa-nʼize tudde.

Eber 2:11

Isa wede kʼooyiso ɗuwo a kese a Raa, yode ti kane ɗoŋ yiʼn uuye a kese geŋ, kane pay geŋ miŋ Meegaŋ Raa soo. Iŋkino maŋ yoŋ i-kʼede sukiyagi ye yʼan diʼn waake kane zemɓadí me,

Eber 5:5

Geŋ ki Almasi toŋ iŋkino, a urzi gooliko yode batum yi kʼele tuddí ti siidí ye, yʼa tʼise mozigo goole ɗoŋ seɗeke me. Wo tode gette yi tʼuune ti yode wede i ruute, yʼede: «Kee Ulo nuŋ, wo ti aŋki ɗuwo an di suune nuŋ Meegá.»

1 Zaŋ 4:14

Meega Raa yʼa igibo Ulí ki duniya kono yoŋ yʼa utta ɗuwo pay, geŋ kaye ay yi wulle wo ay di rootiyo taayadí.

1 Zaŋ 4:9

Ulí soo ɗaŋŋal yʼaa di yʼigibo ki duniya kono tʼurzi yode kine in tʼoone lekkiyo ere ki kotto. Geŋ iŋkino Raa yʼin ti gize geyyisadí a kine me.

2 Zaŋ 1:7

Nuŋ nʼun rootiyo iŋkino kono aŋken̰n̰o i uɗɗo ɗoŋ daggiya ɗuwo ɓaadaŋ adda duniya me. Kane geŋ an kʼamɓu ye Isa Almasi yʼiido duniya yʼa tʼumɓe tudde ki wedusu me. Yoŋ wede yi rootiyo iŋkino geŋ yoŋ wede daggiya ɗuwo, yoŋ wede kʼolmiɗe kʼAlmasi.

Apokalipse 19:13

Kallayí yʼusso sulpiyo adda puuzo, wo an yi waaku sundí soo «Ono Raa.»

Apokalipse 21:3

Nʼa illiga golla awwa ettiyo ti kaakido moziko, tʼede: «Aŋken̰n̰o Ɓoy Raa yoŋ a diine ɗuwo. Yode Raa batum yʼa lekka ti kane, kane an tʼisa ɗoŋzí wo yoŋ Raazaŋ.