Mattup ki Zak yi riiŋe a ɗoŋ Raa 5:6 - Mattup ki Taasuwa ere Aware

⁶ Ɗoŋ ki diine kun tiʼn ziɗɗe kunʼde booro tiʼni ziiɗa, kun diʼn îide, wo an un gi-di tuuge ye.

Mattup ki Zak yi riiŋe a ɗoŋ Raa 5:6 ပူးပေါင်းရင်းမြစ်များ

Matiye 21:38

Wo ɗe aame kane ɗoŋ naabo doomeʼŋ ulo an yi wulle maŋ, an dʼiise rootiyto ti tuddaŋ, anʼde: “En̰n̰o ulo wede doome i oopa me! In yʼôodo kono doome eŋ yʼin dʼoopa.”

Matiye 27:20

Kane deero ɗoŋ seɗeke ti ɗoŋ i dokkiyo Yawudiyagi geŋ, an an tʼelite ono a ɗoŋ duuru an dʼiyye an di roote Pilat yʼan tʼaɗɗe Barabas wo Isa ki tôwwadí.

Matiye 5:39

Wo kun ollo, nuŋ nʼun di rooto: A wede yʼa ize ulsu geŋ, kee ki-ti dooze ye. Aame wede yi ki diin̰e a toɓɓisadá kʼammade ki bita maŋ, ki kama toɓɓisadá ere ki geelo toŋ yʼa ki ti daan̰a.

Naabo ɗoŋ zina 22:14

Wo yʼo di ruute sey, yʼede: “Raa ki moŋgiɗagiŋ yi ki biire ti kaagine too kono kʼa suuna munɗa wede yoŋ yi dehu, kʼa wolle yode ɗaŋŋal wede ki diine me, wo kʼa olliga ono ɗoŋ aɗɗiya ti bizí.

Naabo ɗoŋ zina 7:52

Ti kaaga maawuguŋ nebiyagi pay an diʼn dibire, wo an diʼn îide kane ɗoŋ i gizite ti poone aaniya kʼAlmasi yoŋ ki diine geŋ me. Wo aame onniyo tʼîide maŋ, yode toŋ kun di yʼ giigira, kun di yʼîide.

Naabo ɗoŋ zina 8:32

En̰n̰o ume wede yi gariya an riiŋe ti kaaga adda mattup ki Raa me: «Yoŋ aa damu wede an arkuɗu ki tôwwo, wo aa ulo ki damu wede an ɗekkiso ilalí wo yi ki môolo ye, iŋkino kay yode toŋ bizí yi kʼihina ye.

Eber 10:38

Wede yoŋ ki diine a ɗaanadó geŋ, yʼa lekka tʼurzi zaapu kʼadde a nuuno, wo ɗe aame tʼurzi zaapu kʼaddí a nuuno yi tʼirga maŋ, ulbó o kʼisa uŋse ye ti yode me.»

Mattup ki Zak yi riiŋe a ɗoŋ Raa 2:6

Wo ɗe kune, kun diʼn wolliyo ɗoŋ an kʼede munɗa ye tʼumbo soo. Wo ki kotto maŋ, kuneʼŋ un ooɗibe yeebaguŋ ɗoŋ laale, an un diʼn tʼettiyo ki ɗaana ɗoŋ booro.

Mattup ki Zak yi riiŋe a ɗoŋ Raa 4:2

Kune kun di dehu sulɗi ɗoŋ ulpi tudde ti dehu, wo kun kiʼn ooniyo ye. Kun di tôwwo ɗuwo mirsi wo kun di kolɓiso, toŋ kun kʼaane kun kiʼn tʼoone ye. Iŋkino kun di ɗeyyiso, kun di niikiyto, toŋ sulɗi geŋ kun kiʼn tʼoone ye, kono kun ki tondiyo Raa ye.

1 Piyer 4:18

Ono eŋ an riiŋe ti kaaga adda mattup ki Raa, anʼde: «Aame kane ɗoŋ ki diineʼŋ oon̰e an utta me maŋ, oon̰e ɓaadaŋ sey a ɗoŋ kʼolɗiko i ti toogiyo kʼamɓu a ono Raa me.»