Mattup ki Zak yi riiŋe a ɗoŋ Raa 2:9 - Mattup ki Taasuwa ere Aware

⁹ Wo ɗe aame ɗuwo kun kiʼn wulla kaŋ soo ye maŋ, geŋ kun isiyo olɗiko wo oogoro tʼun diʼn seeɗa kono kun a ti diipiɗa.

Mattup ki Zak yi riiŋe a ɗoŋ Raa 2:9 ပူးပေါင်းရင်းမြစ်များ

Rabila Majjaanawa kʼIsa Zaŋ yi riiŋe 16:8

Todʼ tʼiina maŋ, ɗoŋ duniya eedaŋ tʼan ti-dagga a elkisadaŋ ere a urzi kʼolɗiko, a urzi wede ki diine ki Raa, wo a urzi Raa yi ɗekka booro te.

Rabila Majjaanawa kʼIsa Zaŋ yi riiŋe 8:46

Wee wee tʼadda diinaguŋ eŋ aane i roote nuŋ ni ize olɗiko me? Wo ɗe aame ni rootiyo ono ɗoŋ ɗerec maŋ, ki moo me onamó kun ki dʼamɓu ye me?

Rabila Majjaanawa kʼIsa Zaŋ yi riiŋe 8:9

Aame an illiga Isa yi ruute iŋkino maŋ, kane ɗoŋ duuru an dʼiise eŋgilsito soo me kʼita bakadí bakadí, iise ti gôlɗali bini a-tʼîide. I dʼuupe Isa kane ti erewo gettiyo ti dʼôhire a ɗaanadí.

Naabo ɗoŋ zina 10:34

Iŋkino maŋ Piyer yʼa iise kazita kʼono, yʼede: «Aŋken̰n̰o ni suune ki kotto Raa geŋ yʼinni wolliyo kine ɗuwo pay eŋ miŋ kaŋ soo.

Romeŋ 3:20

Geŋ kono kʼiŋkino wenɗa soo toŋ umbo, Raa yʼa yʼise ki diine a ɗaanadí tʼurzi daaniya kʼoogoro me, oogoro gette todʼ tʼeliyo urzi ɗaŋŋal ɗuwo an di suuniyo olɗiko ere an ize.

1 Korent 14:24

Wo ɗe soŋ aakede kune pay kun rootiyto ono ɗoŋ Raa yʼagisa, wo wede i ki ziipe addí a Isa ye, ise wede kino baa yi tʼiide diinaguŋ yʼilliga maŋ, onamguŋ geŋ a yi seeɗa wo yʼa suune lekkiyadí olɗo a ɗaana Raa me.

Galat 2:19

Nuŋ a oogoro gette aa nʼinda kono tode batum ti nʼîide, wo aŋkeŋ ni dehu nʼa lekke ki Raa. Aame Almasi yʼinda ekkʼundumu wede zaapu tʼekki bakadí kaŋ tontilko geŋ, aa nʼinda ti yode kaŋ soo.

1 Zaŋ 3:4

Wede tuuku yʼisiyo olɗiko geŋ, yʼa ti doopiɗe a oogoro Raa. Ɗerec, isiyo kʼolɗiko gette, todʼte doopiɗe a oogoro Raa.

Ziid 1:15

kono yʼa ɗekka booro a tukki ɗuwo pay. Kane ɗoŋ kʼolɗiko pay geŋ, booro tʼan diʼn seeɗa kono a sulɗi ɗoŋ ulpi pay an ize kono an ti tuuge a Raa, wo a ono ɗoŋ pay ulpi an ruutite a tukki yode daa kʼottilso.»