Epez 3:14 - Mattup ki Taasuwa ere Aware

^14-15 Aame nʼelkiyo a naabo ere Meega Raa yʼize gettiyo maŋ, ni-tʼottilso a ɗaana Raa wo ni di yʼ tamma kono yoŋ Meeki ɗoŋ pay a kandaane wo a siiɗo, undaŋ a beezí.

Epez 3:14 ပူးပေါင်းရင်းမြစ်များ

Rabila Majjaanawa kʼIsa Lik yi riiŋe 22:41

Wo yoŋ yʼaa liɗɗe dokki ti tuddaŋ suma wede yʼa seɗɗe mokkolo, maŋ yʼa-dikke wo yi tondiyo Raa, yʼede:

Naabo ɗoŋ zina 20:36

Aame Pool yʼa ti ɗiŋge onamí maŋ, yʼa dikke ti kane pay wo yʼa tunde Raa.

Naabo ɗoŋ zina 21:5

Aame îide onniyo sarat maŋ ay tʼiiziga, wo zemɓa ti erayzaŋ ti in̰n̰izaŋ pay an ay diʼn igibe bini ay tʼuɗɗe ti geeger. Maŋ ay dʼiiney biza bar, aŋgeŋ ay tʼuttile ay tunde Raa.

Naabo ɗoŋ zina 7:60

Saŋ yʼa iire ti zibbaní, wo yʼa iɗili ti golla awwa, yʼede: «Galmeega, a olɗikadaŋ ette kʼan tʼiso tambobino.» Aame yʼa ti ruute iŋkino maŋ, yʼa-tʼihe.

Naabo ɗoŋ zina 9:40

Piyer yʼan di ruute a ɗuwo an tʼaɗɗe tʼadda ɓoy. An tʼuɗɗe maŋ, yo yʼa-dikke, yʼa iise tondiyo Raa. Saŋ maŋ yʼa-gime edayí kʼume nuune, wo yʼa ruute, yʼede: «Tabita koŋ mi tʼoozoʼŋ.» Maŋ tʼa tʼihina edatú, wo aame ti wulle Piyer maŋ, tʼa-guune.

Epez 1:3

In amma Raa, Meeki Galmeegiŋ Isa Almasi, yʼin dʼele beeko ere pay iido ti kandaane tʼurzi kʼUnde Raa kono kine in lekkiyo kettiyo kaŋ soo tʼAlmasi.

Pilip 2:10

kono ɗoŋ pay i lekkiyo a kandaane, ɗoŋ i lekkiyo a siiɗo, wo ɗoŋ ti ɗanɗi siiɗo, kane pay an di dikkey a suma ere ki yode Isa.