Eber 4:7 - Mattup ki Taasuwa ere Aware

⁷ Kono kamo Raa yi ziipe onniyo ti doolo sey ere yʼa ti wiike «aŋki». Saŋ îide ozzinagi ɓaadaŋ maŋ, Raa yʼa ruute a tukkʼonniyo gettiyo ti bize Dawut. Ono geŋ ni tiʼn ruute ti poone: «Aame aŋki kun illiga golla Raa maŋ, adduguŋ kun tiʼn isa zakiɗi ye.»

Eber 4:7 ပူးပေါင်းရင်းမြစ်များ

Matiye 22:43

Isa yʼan di ruute, yʼede: «Ɗe geŋ mummino Dawut tʼurzi kʼUnde Raa yʼa yi wiike Almasi “Galmeegí” me? Ni rootiyo iŋkino kono Dawut yʼa ruute ti kaaga, yʼede:

Markus 12:36

Wo yode Dawut batum yʼa ruute ti kaaga tʼurzi kʼUnde Kamilen̰, yʼede: “Galmeega Raa yi di ruute a Galmeegó, yʼede: Kʼedi ki-koona a ammidadó kino, bini ɗoŋ kʼaduzá nʼan isa aa munɗa ki bita ti ɗanɗi zoŋɗá.”

Rabila Majjaanawa kʼIsa Lik yi riiŋe 20:42

Wo yode Dawut batum yʼa ruute ti kaaga adda mattup ki Soom, yʼede: “Galmeega Raa yi di ruute a Galmeegó, yʼede: Kʼedi ki-koona a ammidadó kino,

Naabo ɗoŋ zina 2:29

Piyer yʼan di ruute sey, yʼede: «Kun ollo zemɓa ki nuŋ, nuŋ oo dʼede urzi nʼun di rooto keren̰ a urzi ki mugiyiŋ Dawut me. Yoŋ yʼinda, an di yʼele adda muuzo, wo muuzadí toŋ maŋ aŋken̰n̰o todʼte di kine.

Naabo ɗoŋ zina 2:31

Dawut geŋ yi zuune ki poone Almasi Raa yi biire yi balɗa me, geŋ yʼa ruute, yʼede: “Yoŋ an ki yʼiili adda diine ɗoŋ unto ye, wo tuddí i ki ruume adda muuzo ye.”»

Naabo ɗoŋ zina 28:25

A teepiyadaŋ gette an di-tiipe onamaŋ i-ki tʼiide kaŋ soo ye, maŋ Pool yʼan di ruute miŋ kino ɗaŋŋal, yʼede: «Unde Kamilen̰ ti ruute ɗerec a moŋgiɗaguŋ tʼurzi nebi Ezayi,

Eber 3:15

kono ono eŋ an riiŋe ti kaaga adda mattup ki Raa, anʼde: «Aame aŋki kun illiga golla Raa maŋ, adduguŋ kun tiʼn isa zakiɗi ye, aakede moŋgiɗaguŋ ti kaaga aame kane adda balɗa geŋ, an dʼiizi kulkuwo ti nuŋ Raa wo an di nʼ niime.»