Eber 1:8 - Mattup ki Taasuwa ere Aware

⁸ Wo Raa yʼa ruute ti kaaga a tukkʼUlo, yʼede: «Keeʼŋ Raa, kʼa koona a kaakido mozikadá ki daayum, wo ti dalka moziko ette kʼa dokka ɗoŋzá a urzi wede ki diine.

Eber 1:8 ပူးပေါင်းရင်းမြစ်များ

Matiye 1:23

«Kun ollo, uto koŋso tʼa seeɗa mahuwe wo tʼa tʼeha ulo, an di yʼ waaka sundí Emanuwel.» Suma gette i-kaza «Raa ti kine».

Rabila Majjaanawa kʼIsa Lik yi riiŋe 1:75

kono in tʼise ɗoŋ kamilen̰ wo ki diine a ɗaanadí me adda kʼonniytagi ɗoŋ pay ki lekkiyadiŋ gette.

Rabila Majjaanawa kʼIsa Zaŋ yi riiŋe 10:30

Nuŋ ti Meega geŋ kaye wede soo.»

Rabila Majjaanawa kʼIsa Zaŋ yi riiŋe 10:33

Kane deero Yawudiyagi an i-di ruute, anʼde: «Ay dehu ay ki ti kakkite ti moŋgali ay gi di tʼîde ki naabo ere beehiye kʼize gettiyo ye. Ay ki tʼîde kono ki kalɗa suma Raa, kee wedusu, wo ki-ti tʼisiyo tuddá Raa.»

Rabila Majjaanawa kʼIsa Zaŋ yi riiŋe 20:28

Maŋ Tomas yi di ruute, yʼede: «Kee Galmeegó, wo kee Raazó.»

Romeŋ 9:5

wo kane an uɗɗo ti biza bumɓu moŋgiɗagaŋ ɗoŋ sundaŋ tʼa îile. Wo Almasi Raa yi biire a urzi tudde yʼuɗɗo ti biza bumɓu kane, yode wede tʼekki sulɗi pay, geŋ in amma Raa ki daayum! Eyye.

1 Korent 15:25

Ɗerec, i dehu Almasi yʼa oomi moziko bini onniyo ere Raa yi diʼn isa ɗoŋ kʼaduzí aa munɗa ki bita ti ɗanɗi zoŋɗí.

1 Timote 3:16

Eyye, daa niikiyo munɗa wede kine in dʼamɓe wo in di daane geŋ, yode gen̰n̰o munɗa wede goole wo ombiɗe Raa yi tʼiiɗiba ita me. Munɗa geŋ, yoŋ Almasi yʼa iido, tuddí yʼa ti-gize yoŋ wedusu. Tʼurzi kʼUnde Kamilen̰ ɗuwo an di yʼ suune yoŋ wede ki diine, wo maaleekiyagi an di yʼ wulle. Ɗuwo an di gizite rabiladí a ita ɗuwo pay, wo ɗoŋ ɓaadaŋ adda duniya an di ziipe addaŋ a yode. Raa yʼa yʼumɓe kʼawwa ki kandaane a darƴikadí.

2 Piyer 1:11

Tʼurzi geŋ Raa yʼun dʼooley urzi waŋ wede kun tʼettey a moziko ere ki daayum ki Galmeegiŋ Isa Almasi Wede kʼUttiyadiŋ.

1 Zaŋ 5:20

Kine in suune soŋ Ulo Raa yʼiido yʼin dʼele eego soodo a elkiso in di suune Raa yi rootiyo ono ɗoŋ ɗerec. Wo in di lekkiyo kettiyo kaŋ soo ti Raa yoŋ yi rootiyo ono ɗoŋ ɗerec, tʼurzi kʼUlí Isa Almasi. Yode wede i rootiyo ono ɗoŋ ɗerec, yoŋ Raa batum, yʼin dʼelo lekkiyo ere ki daayum.