2 Piyer 1:21 - Mattup ki Taasuwa ere Aware

²¹ Ɗerec, ono ɗoŋ nebiyagi an ruutite geŋ, soo toŋ umbo i kʼiido ye tʼurzi kʼelkiso ɗuwo me, wo geŋ an i ŋiiƴa Unde Kamilen̰ kono an di ruutite ono ɗoŋ iido ti Raa me.

2 Piyer 1:21 ပူးပေါင်းရင်းမြစ်များ

Markus 12:36

Wo yode Dawut batum yʼa ruute ti kaaga tʼurzi kʼUnde Kamilen̰, yʼede: “Galmeega Raa yi di ruute a Galmeegó, yʼede: Kʼedi ki-koona a ammidadó kino, bini ɗoŋ kʼaduzá nʼan isa aa munɗa ki bita ti ɗanɗi zoŋɗá.”

Rabila Majjaanawa kʼIsa Lik yi riiŋe 1:70

Eŋ onamí ɗoŋ yʼa ruute ti kaaga ti bize nebiyagí ɗoŋ kamilen̰:

Naabo ɗoŋ zina 1:16

«Zemɓa ki nuŋ, kun suune Ziidas yoŋ ti diine kine, wo naabadí ede ere yi naabiya aa kine in naabiya te. Kʼita maŋ yʼa tʼize wede kʼoogumso a ɗoŋ ki seeɗu kʼIsa. Ono geŋ Unde Kamilen̰ tiʼni ruute ti kaaga adda mattup ki Raa, ti bize Dawut a tukki Ziidas me, geŋ a-tʼiide.

Naabo ɗoŋ zina 28:25

A teepiyadaŋ gette an di-tiipe onamaŋ i-ki tʼiide kaŋ soo ye, maŋ Pool yʼan di ruute miŋ kino ɗaŋŋal, yʼede: «Unde Kamilen̰ ti ruute ɗerec a moŋgiɗaguŋ tʼurzi nebi Ezayi,

Naabo ɗoŋ zina 3:18

Geŋ iŋkino a-tʼiide a ono ɗoŋ Raa yi ruute ti kaaga ti bize nebiyagi pay, yʼede: “Almasi Raa yi biire, yʼa dabira.”

Eber 10:15

Unde Kamilen̰ toŋ tʼin ruute ti kaaga, ɗerec ti ruute ki poone, tʼede:

Eber 3:7

Kono kamo Unde Kamilen̰ tʼa ruute ti kaaga adda mattup ki Raa, tʼede: «Aame aŋki kun illiga golla Raa maŋ,

Eber 9:8

Kun ollo, tʼurzi geŋ Unde Kamilen̰ tiʼn kaza urzi kʼettiyo kʼadda kʼume wede kamilen̰ a jiire geŋ umbo ɓotto, koore Ɓoy Raa wede ki poone an ikkima ki golmodo yi lekkiyo ɓotto geŋ me.

1 Piyer 1:11

Iŋkino maŋ Unde kʼAlmasi adda kʼaddaŋ, todʼ tʼan di ruute ki poone dabar ere Almasi Raa yi biireʼŋ yi tʼoona wo saŋ darƴika ere i-etta te. Kane an di dihe, an di suune aame muno wo tʼurzi mummino sulɗi geŋ an dʼaana me.

Apokalipse 19:10

Maŋ nʼa iire a zoŋɗí nʼa dikke ki tammadí, miŋ yoŋ yʼo di ruute, yʼede: «Kʼoolo, kʼo ottile ye, kono nuŋ toŋ maŋ wede naabo aa kee, wo aa zemɓadá ɗoŋ umɓe a ono ɗoŋ Isa yi ruutite. Kee ki ottilo a Raa, kono ono ɗoŋ Isa yi ruutite geŋ kane ɗerec, kane geŋ miŋ ono ɗoŋ Raa yʼan ele a bize nebiyagi an di ruutite.»