2 Korent 7:6 - Mattup ki Taasuwa ere Aware

⁶ Wo ɗe Raa, yoŋ yi selliyo ɗoŋ tuddaŋ i ti rorriso geŋ, yʼay tiʼn zille ti aaniya Tit.

2 Korent 7:6 ပူးပေါင်းရင်းမြစ်များ

Matiye 5:4

Uŋsuwo a kane ɗoŋ i môolo, kono kane geŋ Raa yʼa tiʼn sella.

Rabila Majjaanawa kʼIsa Zaŋ yi riiŋe 14:16

Wo nuŋ nʼa tonda Meega, yʼun tʼigibo wede doolo yʼun diʼn nooga, yʼa lekka daayum kettiyo ti kune.

Romeŋ 15:5

Nuŋ ni tondiyo Raa wede in dʼeliyo kooke wo toogo in di seeɗa zakiɗi geŋ, yʼun tiʼn iso ɗoŋ onamguŋ i-tʼette kaŋ soo. Geŋ munɗa wede Isa Almasi yi dehu.

2 Korent 7:13

Kono kamo ti naabaguŋ gette kaye ay dʼuune toogo ɓaadaŋ. Wo ay uune toogo ti naabaguŋ ɗaŋŋal ye, ulbey ay dʼize uŋse a jiire kono ay wulle Tit batum ulbí uŋse ɓaadaŋ ti kune me. Aŋkeŋ addí i tʼudige baa kono kune pay geŋ me.

2 Korent 7:14

Ɗerec, a ɗaana Tit geŋ nuŋ ulbó oo dʼize uŋse kono kune geŋ me, wo ɗe geŋ nuŋ oo kʼede sukiyagi ye baa. Kaye daayum ɗerec ay un ti ruute, wo aŋkeŋ munɗa wede a yi ruute Tit a tukki kune geŋ, yoŋ ki kotto ɗerec.

2 Korent 7:7

Wo ay uune selliyo ti aaniyadí ɗaŋŋal ye, wo ɗe tʼurzi kooke wede kun i elo pây. Wo soŋ yʼay tʼîide taaya yʼede, kune mosogo nuŋ Pool kun dehu kun ti nʼ wolle, a môolaguŋ ere kun îile, a urzi wede kune wehini ki naakiwsadó me, geŋ kono kʼiŋkino ulbó o-tʼize uŋse ɓaadaŋ sey.

Pilip 2:1

Aa kune kun suune, lekkiyaguŋ ere kun lekkiyo kettiyo kaŋ soo tʼAlmasi gette, todʼ tʼun dʼeliyo toogo. Kun suune geyyiso kʼAlmasi gette, todʼ tʼun dʼeliyo kooke. Kun suune kun sooru kaŋ soo tʼUnde Kamilen̰. Wo kun suune un dʼede sommagi wo kun isiyo beehiyko ti tudduguŋ geŋ me.

1 Tessaloni 3:2

Wo kaye ay un dʼigibe leemadey Timote, yoŋ wede yi naabiya ki Raa ti kaye kaŋ soo a urzi kazita Rabila Majjaanawa kʼAlmasi. Ay un yʼigibe kono yʼun tʼeeley kooke wo kun tʼooney toogo a urzi zaapu kʼadduguŋ a Isa me.