1 Korent 15:7 - Mattup ki Taasuwa ere Aware

⁷ Saŋ yi di gize tuddí a Zak wo a ɗoŋ zindí pay.

1 Korent 15:7 ပူးပေါင်းရင်းမြစ်များ

Rabila Majjaanawa kʼIsa Lik yi riiŋe 24:33

Maŋ kesiko kane an tʼiiziga, an di-gime ki Zeruzalem. An iideʼŋ an diʼn uuney kane sanalliyagi koomat makumu soo geŋ an tʼugiye ti ɗoŋ an sooru soo,

Rabila Majjaanawa kʼIsa Lik yi riiŋe 24:36

Aame kane onamaŋ ɓotto an a ki tiʼn ɗiŋge ye geŋ, a kaamiki yode Isa batum yʼa gize tuddí a diinayaŋ, wo yʼan di ruute, yʼede: «Toose ti koona ti kune.»

Rabila Majjaanawa kʼIsa Lik yi riiŋe 24:50

Saŋ tʼadda geeger Isa yʼan tʼuɗɗe ti paate, an dʼiŋgile kʼume wede goppoŋ ti ille ki Betani. A ume geŋ yʼa ziki beyɗí wo yʼan di ziipe beeko.

Naabo ɗoŋ zina 12:17

Maŋ yʼan dʼize likuw ti beezí kono an dʼanniga, wo yʼan tʼîide taaya mummino Galmeega yi-yʼuɗɗo ti daŋgay me. Yʼan di ruute sey, yʼede: «A Zak wo a zemɓa oŋgo toŋ, kun an tʼôodoy taaya.» Saŋ tʼume kane yʼaa tʼuɗɗe, yʼa iŋgile kʼume doolo.