1 Tesalonaika 3:6 - Molima

⁶ Ta Timoti niʼa ʼevivi mai ʼimiega ta valemi aqiaqina neima vonaya vonigo omiʼa me Tesalonaika me emi vetumaqana waiwaina Keliso ʼinaya otoatoa ta wese veyoluba ʼavami. Ta wese vematamagilafuyema tuta qabuna ema vayausa nugwenugweina oʼalaʼalanuaiea, ta wese vematamagilafuyema nuanuami ona ʼita ʼeviviema ʼidewani imaʼa wese nuanuama ana ʼitemi.

1 Tesalonaika 3:6 ပူးပေါင်းရင်းမြစ်များ

Viaqa 16:1

Faulo ma iana Sailasa itauya ʼabaga Debi be Lisitila ʼidia. ʼInega Ieisu ana toʼabiboda taha ilobea ana wawa Timoti. Ta inana Diu vavinedi ta Ieisu ivetumaqanea, ta ʼesi tamana Guliki ʼolotona.

Viaqa 18:1

ʼAbibodanaya Faulo Ateni nogea ta tauya ʼabaga qiduana Kolinita ʼinaya.

Viaqa 18:5

Faulo nawale toatoa Kolinita ʼinaya, ʼinega Timoti ma iana Sailasa Masidonia ʼinega imai ʼinaya. Ta Faulo nawale lulugaihi me Diu ʼidia, ta tuta qabuna simasimana ʼidia Ieisu tauna Toʼetoyavua.

1 Kolinita 11:2

Omiʼa me Kolinita yaqaiawa weaqimi, mana omiʼa ge oda nuafanigu, ta egu veʼita itaʼa tovetumaqana eda toa weaqina lova yaveʼita ukamanedi ʼimia omatamatayagedi.

1 Kolinita 13:13

Ta yani baʼe toidi ina ʼeno vataya: Vetumaqana be, luʼita vane ta wese veyoluba. Ta toi dina ʼidiega veyoluba tauna veqidua vaʼinedi.

Galetia 5:6

Mana tuta nana eda vetumaqana kahaʼuya Ieisu Keliso ʼinaya, ʼinega ʼwafi daʼadaʼana nage ge ana daʼamo ge yani qiduana Yaubada matanaya. Ta yani qiduana baʼe, eda vetumaqana ʼinega veyoluba vuaqina naʼifoqe ʼidega.

Filifai 1:8

Yaubada niʼa alamani aqiaqiea nuanuagu ena ʼitemi, mana qabumi yaveveyolubemi ʼidewani Keliso ena veyoluba ʼimia.

Kolose 1:4

mana niʼa anoqolia emi vetumaqana Keliso Ieisu ʼinaya weaqina, ta wese emi veyoluba qiduana Yaubada ena tomotauyavo ʼidia weaqina.

Kolose 4:18

Egu lukafoi baʼe yaʼa Faulo taugu nimaguyega yaʼwayaʼwayavia. Ta ona nuaveʼavinigu yaʼa vanue ʼebeyoqona ʼinaya yatoatoa ʼinega weaqigu ona venoqi. Ta yaʼa wese yavevenoqi Yaubada ʼinaya ena veyoluba qiduana naneimi.

1 Tesalonaika 1:3

Ta tuta nana avevenoqi weaqimi Yaubada matanaya ʼinega emi fewa emi vetumaqana vuaqina ʼinega be, emi viaqayavo veyolubega ta wese maʼoda emi luʼita vane Ieisu ena ʼevivi mai weaqina okafiʼiʼihia anuanua veʼavinia.

1 Tesalonaika 2:17

Emavo, lova anogemi ta tuta qabuna aʼalaʼalanuaiemi, ʼinega ge tuta kuena ema tauya ʼabibodanaya nuanuama ada ʼita ʼeviviemi.

1 Tesalonaika 2:9

Emavo, ona nuaveʼavinia lova omiʼa maega katoatoa ta Ieisu Valena alugaihiea ʼimia. Ta ge taha vita ada neimi ama ʼitamaki weaqina, ʼinega ʼaubena be velovelovana qabuna ʼidia afewa qiduana be taumega aveʼainima.

1 Tesalonaika 3:7

Emavo, imaʼa wese vita be vevoalana niʼa alutonovia, ta tuta nana emi vetumaqana Keliso ʼinaya valena anoqolia ʼinega giwalima ʼetaʼia ta wese aqaiawa qiduana.

2 Tesalonaika 1:3

Emavo, tuta qabuna alulukaiwa Yaubada ʼinaya weaqimi. Ama luaqiaqi be ʼidewani ana viaqia, mana emi vetumaqana tuta qabuna veveʼenaʼi, ta wese emi veyoluba nuanimia veveʼenaʼi.

1 Timoti 1:5

Egu vona baʼe ʼiuna mana nuanuagu omiʼa tovetumaqana qabumi veyoluba ilivuna naluveagatunaʼimi. Ta baʼe veyoluba nana ʼifoʼifoqe giwalimi vunavunaqidi ʼidiega. Ta wese ami fata veyoluba ilivuna ona viaqia ʼeguma oalamani aqiaqiea tolaʼai aqiaqina nage tolaʼai luveifana. Ta wese vetumaqana aqiaqina ʼinega ami fata veyoluba ilivuna ona viaqia tomotau ʼidia.

2 Timoti 1:3

Timoti, tuta qabuna ʼaubena ta wese velovelovana ʼidia me egu lukaiwa yavevenoqi Yaubada ʼinaya weaqiu. Lova tubugwavo ivetofewa Yaubada ʼinaya, ta yaʼa wese baʼitagana egu nuanua vunavunaqina ʼinega yavevetofewa Yaubada nana ʼinaya.

Ibeliu 13:3

Ta wese emiavo yoqoyoqonidi vanue ʼebeyoqona gamonaya itoatoa ona nuaidi kavonaya omiʼa taudi maega oda toatoa. Ta wese emiavo tomotau iveilivu veifedi ona nuaidi kavonaya omiʼa wese ʼidewani ida veilivu veifemi.

Ibeliu 13:7

Ami tovanugwetayavo ona nuaveʼavinidi, mana taudi lova Yaubada ena vona imaduveʼitayea ʼimia. ʼInega edi ilivu aqiaqina vuaqina weaqina ona nuanua, ta ilivu diavona ona vetutumedi.

1 Ioni 3:23

Ta Yaubada ena luvine waiwaina ʼidaya baʼe ʼidewani: Natuna Ieisu Keliso kana vetumaqanea, ta wese edavo maega kana veveyolubeda.