St. Mark 5:35 - Neh Nase Tsi Shokȣatakȣen 1880 (4 Gospels by Joseph Onasakenrat)

³⁵ Sekon ok nihotare, etho ȣahonneȣe ne Sakotatis raonkȣeta, ȣahonniron: Onen iakaȣenheion ne seienha, tosa kati senha ihsi nonȣe natetsenikonr-haren ne Roianer.

Ne Saint Mark 1774

³⁵ Aghsouh roght‐hare ’nea wàoeweh tayeyeàghtaghkwe tsit‐honoughsode ne Rarighwagwadackwaghs ne Synagogue nè e wa‐aìrouh, Sheyeà‐ah ’nea yaweahhèyouh: oghneanè suhha ok deaghsenikourhàrea ne Raweanìyoh sègouh isi nòewe?

Ohiatonhseratokénti

³⁵ Sekon ok nihotare, etho ȣahonneȣe ne Sakotatis raonkȣeta, ȣahonniron: Onen iakaȣenheion ne seienha, tosa kati senha ihsi nonȣe natetsenikonrharen ne Roianer.

St. Mark 5:35 ပူးပေါင်းရင်းမြစ်များ

Matthew 26:10

Nok tanon ne Iesos rotorientaratsihon are, ȣasa-kaȣenhase: ohniiotieren tsi seȣnriȣastani ne kenh tsiothonȣisen? Aseken oriȣiio tsi takariȣaierite nii akoriȣake tsi nahaiere.

Matthew 26:18

Nok tontahenron: kanatakon niiahasene, kenh nonȣe thononsote, nok enseȣenron: Raton ne Roianer; onen thoha aonkatenniseroktase; sanonskon kati ten-hiakȣastskaon nakiiiokȣa ne Shotonnhestston.

Matthew 9:18

Tsini kariȣes neh rohtarakȣen, rasennoȣanen eh ȣahoketoto rahohenton ne Iesos ȣahanitente ȣatha-tontsoten, ratonne: Kheienha onen tiakaȣenheion; karo ki tanon aontasete, nok sanisnonsaerhas nok en-tsionnheke.

St. Mark 10:17

Nok akȣa neok sishoiakenhonhatie Saiatat eh nontahatakhe ȣathotonstsothase oni ȣahoneken, ȣahenron: Saianer ise ne tisariȣaieri: Oh nakiere ne karonhiake akatsennonni?

St. Mark 5:22

Saiatat ne Sakotatis Jairus ronȣaiats, eh ȣaraȣe nok ȣathotontsothase nonen sahoken,

Luke 8:49

Sekon ok nihotaratie, eh ȣaraȣe ne sakotatis raonnhatsera, ȣahenron: onen iaȣenheion ne tsienha, tosa kati taonsatsenikonrharen ne Roianer.

John 11:21

Ȣakenron ne Marta tsi ȣahoȣennarane ne Iesos: Saianer! kenthoʼs enʼs aseseke iah naha tahaȣenheion nontiatennosenkenha.

John 11:25

Tontahenron no Iesos: Ii ne tsi tsiontonnhests oni ne iakaonnhets; onka taȣetakȣon niihne iaȣeron-hatien nenhaȣenheion, enhronnheke.

John 11:28

Nok nonen sakarihokten otasetonke saiohnonksa ne tiatatekenha Onȣari, ȣakenron: kenh itres ne Roianer nok thiennonks.

John 11:32

Siiaonȣe nʼOnȣari tsi itres no Iesos, onen oni sahoken, rasitakta ȣatoȣatonstsoten, nok ȣakenron: Saianer! nene kentho asesseke iahse thahaȣenheion nʼontiatennosenkenha.

John 11:39

Ȣahenron ne Iesos: Seȣanenhiarako. Nok tanon ne Marta iatennosenha ne raȣenhoion ȣakenron: Saianer! Onen ne kenh ȣakeras; aseken onen kaieri nonta eh sihaiatat.

John 5:25

Oriȣiio akȣa oriȣiio tei kȣarori, tsi ienȣatcnnise-riheȣe onen oni ieiohe, tsinonȣe nenhonȣaȣennaronko niakaȣenheion ne Niio Roienha, nok tsiniiakon enhon-ȣaȣennaronke enhiakonnheke.