Yaya 9:7 - Ala la kitabuenu Mɔgɔfin kuma tɔ

⁷ A ka a fɔ a ye: «Taga i ɲanu ko Silɔmu ji madɛndula tɔ.» A fɔla Silɔmu, wo be fɔren de «Kiilá». Wo butɔ, ɲabɔnɛ tagata, a ka a ɲanu ko. A saagi tɛmuɛ, a be ɲɔ tayenna.

Yaya 9:7 ပူးပေါင်းရင်းမြစ်များ

Hɔrɔya 4:11

Alatala ko Musa ma: «Ɲɔmɔ le ka da dii mɔgɛ ma? Ɲɔmɔ le be mɔgɛ mala bobe la, ka wo ma tolobɔnɛ la? Ɲɔmɔ le be a ɲanu lakala, ka wo ma a ni a ma ɲabɔnɛ la? Kaa nde Alatala ma?

Luki 13:4

Silɔmu bon toireŋɛ tugun boeta mɔgɔ tan nun sagiŋɛ min ma nun, a ka anu faga Darisalamu saa butɔ, a be toren de wo ye ba wonu mu hakkɛ sɔtɔla le la, ka tanbi Darisalamu kaa bɛ la?

Luki 2:32

Kɛ malakisila si ma lanpue la min si dunuya see bɛ labɔɔ dibe tɔ. A si ma nɔɔra la i la bani Isirayila mɔgɛnu ye. »

Yaya 10:36

A mɛn, n Baaba Ala ka nde masubɛ, a ka n nasanba dunuya. N to ka a fɔ n mu Ala la den kayireŋɛ le la, wo si a fɔ n ma kama le, aa n be tana kuma fɔla?

Yaya 11:37

Donu tugun ka a fɔ: «Kɛ min ka ɲabɔnɛ ɲanu laka, a te nɔ Lasari latangala nun faga ma ba?»

Yaya 9:11

A ka anu jaabi, a ko: «Anu be kaye min ma Isa, wolo ka bɔra sogin, a ka a madon n ɲanu ma, a ka a fɔ aa n ni taga n ɲanu ko Silɔmu ji madɛndula tɔ. N tagata n ɲanu ko ɲɔ le, n naata ɲɔ tayen.»

Yaya 9:39

Isa ko: «Nde be naren de kɛ dunuya n ni mɔgɛnu makiiti mɔɔle do la: wolo si a ma minnu mu ɲabɔnɛ la, wonu ɲanu si laka, minnu tugun be ɲɔ tayenna, wonu si ma ɲabɔnɛ la.»

Kiilanu 26:18

alako i ni anu ɲa laka, anu ni bɔɔ dibe tɔ ka to kɛnɛ tɔ, anu ni bɔɔ Sentanɛ la nɔɛ kɔtɔ, anu ni to Ala la mansabaya kɔtɔ. Wo butɔ, ka anu bata dɛnkɛnɛya n ma, anu si junubu kafare sɔtɔ le, anu mɛn si naa kɛɛ sɔtɔ le saniyanbaganu bɛ ɲaama.›