Yaya 9:31 - Ala la kitabuenu Mɔgɔfin kuma tɔ

³¹ Mɔ ka a lɔn Ala te junubutɔɛ kulɛ lamɔɛ. Kɔnɔ ka mɔgɔ min mu Ala batulá la, ka i ka a sagoe ma, Ala si i tigi kulɛ lamɔɛ le.

Yaya 9:31 ပူးပေါင်းရင်းမြစ်များ

Ko fɔlɔfɔlɛ 19:29

Awa, Ala ka fara banba anun saanu bɛ halagi kaa le, Luti be sigiren dula min tɔ nun. Kɔnɔ Ala hinnɛta Iburahima la, a ka Luti lakisi jihade ma.

Ko fɔlɔfɔlɛ 20:7

Awa kɔtɛ, kɛ kaye la muse lasaagi a ma; nabiyonmɛ le mu a la, a si naa Ala mataraŋɛ ma i ye, alako i ni kisi. Ka i ma a la muse lasaagi a ma, i ni laa a la i si naa faga le, i nun i la mɔgɛnu bɛ.»

Yaya 11:22

Kɔnɔ, n ka a lɔn hali kɔtɛ, i ka Ala táran fenfen na, a si wo ma i ye.»

Yaya 15:16

Wole le ma nde masubɛ, nde le ka wo masubɛ; n ka wo sɔ, alako wo ni ma n na kiilánu la, wo ni wolo iko lɔgɔ boliŋɛ, wolé min si mɛ. Wo butɔ, wo ka fenfen mataran n Baaba ma nde tɔgɛ la, a si wo dii le wo ma.

Yaya 4:34

Isa ka a fɔ anu ye: «N na balue mu n Kiila sagoe ma koe le la, a la wale lakamali koe la.

Yaya 7:17

Ka mɔgɔ yo be a hanigeren a ni Ala sagoe ma, wo tigi si a lɔn de, ka kɛ karaŋɛ be fatanden Ala le la, ka wo ma a be fatanden n yɛtɛ le la.

Yaya 9:30

Kaye ka anu jaabi, a ko: «Ee, awa kabanako banba le mu kɛ la, a fɔla wo ma a bɔɔdula lɔn, adun bata n ɲanu laka.

Yaya 9:32

Bɔɔla dunuya data, a bele mɔɛren mɔgɔ do ka ɲabɔnɛ ɲanu laka, min sɔtɔta ɲabɔnɔya tɔ.