Yaya 6:27 - Ala la kitabuenu Mɔgɔfin kuma tɔ

²⁷ Wo kana kata de dɔmɛ sɔtɔ koe la min be bɔrɔla. Wo kata dɔmɛ la ko la, min si mɛ a ni abada kise dii wo ma. Nde Adamadeŋɛ si wo dɔmɛ dii wo ma, bayi n Baaba Ala la manditɛ be nde le ma.»

Yaya 6:27 ပူးပေါင်းရင်းမြစ်များ

Luki 3:22

Ala Hakkili saniyandeŋɛ jigita a ma a kɛɲa be toren iko legetere. Kumari kulɛ tugun bɔɔta saŋɛ tɔ, a ko: «N na den kayireŋɛ le mu ile la, n be min makanuren. N be ɲagalinden ile la koola.»

Luki 9:35

Wo tɛmuɛ le kumari kulɛ do bɔɔta luuture tɔ, a ko: «N na den kayireŋɛ le mu kɛ la, n be kɛlɛ masubɛren. Wo be wo tolomasɔla ale le la.»

Yaya 10:28

Nde tugun be abada kise diila anu ma, anu te bɔnɔ muku! Mɔgɔ yo te anu bosi n bolo.

Yaya 11:42

Nde ka a lɔn wagate bɛ i be n kulɛ lamɔɛla. Kɔnɔ jama min be sɔren n na miliŋɛ tɔ ka, n ka a fɔ wondelen na ko la, alako ka anu si dɛnkɛnɛya, ka a fɔla ile le ka n nasanba.»

Yaya 14:6

Isa ka a fɔ a ye, a ko: «Kila nun tɔɲa nun kise le mu nde la. Mɔgɔ yo te don n Baaba bata, ka a ma ke nde ma.

Yaya 15:24

Ka n ma kabanakoenu ma anu ɲala nun, min fɔlɔ ma ma, anu te junube sɔtɔ nun. Kɔnɔ kɔtɛ, anu bata wonu yen, anu be nde nun n Baaba kɔnden.

Yaya 17:2

I ka sagoe dii n ma dunuya mɔgɛ bɛ kunma, alako n ni abada kise dii mɔgɛnu ma, i be minnu donden n bolo.

Yaya 3:15

alako ka min yo dɛnkɛnɛyata n ma, a ni abada kise sɔtɔ.

Yaya 3:33

Min tini a la seedeɲɔgɔya bita, wo bata seedeya ka a fɔla Ala be tɔɲa le fɔla.

Yaya 6:40

N Baaba sagoe tugun de mu ka: min yo ka nde a la den kayireŋɛ lasaga, a dɛnkɛnɛyata n ma, wo tigi si abada kise sɔtɔ le. Nde tugun si i tigi lawuli le faga ma lun tɔɛ.»

Yaya 6:47

N ni tɔɲa beeyareŋɛ pɔsi fɔ wo ye: min tini dɛnkɛnɛya n ma, abada kise be wo tigi ye.

Yaya 6:51

Malakisi dɛgɛ min jigita bɔɔla saŋɛ tɔ, wolo mu nde la. Ka mɔgɔ min ka kɛ dɛgɛ dɔmɔ, a si kisi dan bele a la. N be dɛgɛ min diila, n bali bangue le mu a la. N si a dii, alako dunuya mɔgɛnu ni kise sɔtɔ.»

Yaya 6:53

Isa ka a fɔ anu ye, a ko: «N ni tɔɲa beeyareŋɛ pɔsi fɔ wo ye, ka wo ma nde Adamadeŋɛ bali bangue dɔmɔ, ka n base min, kisi bele wo ye.

Yaya 6:54

Kɔnɔ min tini n bali bangue dɔmɔ, a ka n base min, wo bata abada kise sɔtɔ. N si wo tigi lawuli le faga ma lun tɔɛ.

Yaya 6:58

Dɛgɛ min jigita bɔɔla saŋɛ tɔ, wolo mu nde la. A bele toren iko wo benbanu ka dɛgɛ min siila dɔmɔ, anu naata na faga. Kɔnɔ min tini nde dɔmɔ, wo tigi si abada kise sɔtɔ le.»

Yaya 6:62

Ka a taranta go, wo ka nde Adamadeŋɛ yen yɛlɛla saŋɛ tɔ n bɔɔta ka min na?

Yaya 6:68

Simɔn Piyɛri ka a jaabi, a ko: «Marige, mɔ si taga ɲɔmɔ ma? Abada kise kuma be ile le bolo!

Yaya 8:18

N mu n yɛtɛ seede le la. N Baaba min ka n kii, wo tugun mu n seede le la.»

Kiilanu 10:38

Wo mɛn ka a lɔn, Ala ka Isa Nasarɛti kaa masubɛ ki min na a ka a kɔ Hakkili saniyandeŋɛ barikɛ la. Wo mɛn ka a lɔn tugun, Isa to be tanbila dula bɛ tɔ a be ko ɲinma mala, a mɛn ni mɔgɛnu bɛ lakendeya minnu be Sentanɛ sagoe tɔ, bayi Ala le be a fɛ.

Kiilanu 2:22

Wole bani Isirayila bɔnsɛnu, wo kɛ kuma lamɔɛ: Ala le ka Isa Nasarɛti kaa sɔ wo ye: a ka a yita wo la, ko sɛnbɛmanu nun kabanakoenu nun laamutenu le fɛ, a ka minnu ma ale la ko tɔ wo tɛma, iko wole yɛtɛ ka a lɔn ki min na.

Filipi 2:13

Ale Ala le be koe lagirila wo tɛma alako wo hanige ni bɛn a tɛŋɛ ma, wo ni a diyanan koe ma.

1 Tesaloniki 1:3

Tɛmuɛ bɛ tɔ, mɔ hakkile to be wo la ko ma, mɔ be a fɔla wo mɔ Baaba Ala ye, mɔ be a tantula le wo la wale la min be fatanden wo la dɛnkɛnɛya la, anun wo be min maren kanunteya sabu la. Mɔ be a tantula le bayi wo be wo timiladiyaren wo yigi sɔ koe la Ala la mɔgɔ masubɛreŋɛ Marige Isa ma.

Yaguba 1:11

Tele tini yɛlɛ anun a tini bandi, ɲagama si bala le han a feere ni yɛlɛn, a la mamajaboe ni ban. A be ɲɔgɔnna le banná tugun ye. A be a la walenu tɔ tɛmuɛ min tɔ, a be nagasila wo tɛmuɛ le.

1 Piyɛri 1:24

Bayi a be sɛbɛren kitabue tɔ: «Adamadeŋɛ bɛ be misaliren kifeŋɛ le la. ⸂Mɔgɛ⸃ la nɔɔra be toren de iko kifeŋɛ feere. Kifeŋɛ si fasaya le, a feere ni boe.