Yaya 5:44 - Ala la kitabuenu Mɔgɔfin kuma tɔ

⁴⁴ Wo be diren de wo ni ɲɔgɔn matɔgɔ, kɔnɔ wo bele katala le Ala ni wo matɔgɔ, min dɔrɔn mu. Wo butɔ, wo si nɔ dɛnkɛnɛyala kama le?

Yaya 5:44 ပူးပေါင်းရင်းမြစ်များ

Luki 19:17

Mansa ka a fɔ a ye, a ko: ‹Wo kaɲin, ile mu jon ɲinma le la. I to telenta ko dɔgɔmaŋɛ la ko tɔ, wo butɔ, i si ma saa tan mansa la.›

Yaya 12:43

Bayi mɔgɛnu la anu matɔgɔla, wolo fisa anu ye Ala tɛŋɛ ko.

Yaya 17:3

Abada kise le mu ka: anu ni i lɔn, i mu min na, ile Ala dɔrɔn, tɔɲa tige, anu mɛn ni nde Isa Ala la mɔgɔ masubɛreŋɛ lɔn, i ka min nasanba.

Yaya 3:20

Ko koron malá be kɛnɛ kɔnna le, a bele diren bɔɔla kɛnɛ ma, alako a la wo wali koroŋɛnu kana sa kɛnɛ ma.

Yaya 5:41

N bele mamatɔgɛ ɲinila mɔgɛnu la.

Yaya 8:43

Fen de wo bele n kumari kulɛ fahamula? Bayi wo bele sɔnden n na kuma bitala.

Filipi 2:3

Wo kana ɲɔgɔn siinaya fenfen na. Wo kana wasu fenfen na. Fɔ wo ni wo yɛtɛ majigi ɲɔgɔn ye, ka fisamanteya dii ɲɔgɔn ma.

1 Tesaloniki 2:6

Mɔ ma mɔgɛnu la mamatɔgɛ le ɲini, a mata wole la ba, a mata mɔgɔ gbɛtɛnu la ba.

Yaguba 2:1

N nɛɛnɛdɔndɛnu, wo to be dɛnkɛnɛyaren wo mɔ Marige Isa nɔɔrɔ tige le ma, Ala la mɔgɔ masubɛreŋɛ, wo kana mɔgɛnu lafisaya ɲɔgɔn ko.

1 Piyɛri 1:7

Wo ko bɛlɛŋɛnu si a ma le a ni lɔn ma, wo la dɛnkɛnɛya bata sabati a ɲinma la. A be mulunden sanuɛ le la min be sala ta tɔ a boee ni bɔɔ. Hali sanuɛ si tiɲa le, kɔnɔ wo la dɛnkɛnɛya kan sɔdula kolo wo ko. Isa Ala la mɔgɔ masubɛreŋɛ tini a yɛtɛ labɔɔ lun min na, wo si mamatɔgɛ, kunnawule nun biliya sɔtɔ wo tuma.

1 Samiyɛli 15:30

Sayulu mɛn ka a fɔ: «N bata junube ma. Kɔtɛ, yandi, n sutura n na jama la kayibanu anun Isirayila jama bɛ ɲala. I mɛn ni sɔn mɔ ni taga ɲɔgɔn na, n ni sujudu Alatala ye, i la Ala.»

1 Samiyɛli 2:30

Alatala la kuma fɔreŋɛ le kɛ la, bani Isirayila Marige Ala: ‹Tɔɲa le, nde le ka a fɔ nun, i la fɔgɛ nun i benba la fɔgɔ da mɔgɛ bɛ be tola n na wale le tɔ nun kudai. Kɔnɔ kɔtɛ, n bata wo lahire bɔɔ a tɔ feu. Bayi n be mɔgɛ le biliyala min ka n biliya, kɔnɔ minnu be n fɛɛyala, n be maluya le dusula wonu kunma.