Yaya 5:36 - Ala la kitabuenu Mɔgɔfin kuma tɔ

³⁶ Kɔnɔ seede do gbɛtɛ be n bolo, min tanbita Yaya tɛŋɛ la: n be wale minnu mala, wonu yɛtɛ mu n ɲɛ seede le la, ka a fɔla n Baaba le be n kiiren. N Baaba bata wo walenu don n bolo, anu dalafa koe la.

Yaya 5:36 ပူးပေါင်းရင်းမြစ်များ

Luki 2:49

A ka a fɔ anu ye, a ko: «Wo be n ɲinila fenna? Wo ma a lɔn ba, a fɛrɛ bele fɔ n ni to n Baaba la boŋɛ tɔ le?»

Yaya 10:25

Isa ka anu jaabi, a ko: «N ɲan bata a fɔ wo ye, kɔnɔ wo bele laaren a la. Nde be wale minnu mala n Baaba tɔgɛ la, wondelen mu n seede la.

Yaya 11:37

Donu tugun ka a fɔ: «Kɛ min ka ɲabɔnɛ ɲanu laka, a te nɔ Lasari latangala nun faga ma ba?»

Yaya 15:24

Ka n ma kabanakoenu ma anu ɲala nun, min fɔlɔ ma ma, anu te junube sɔtɔ nun. Kɔnɔ kɔtɛ, anu bata wonu yen, anu be nde nun n Baaba kɔnden.

Yaya 17:4

Nde bata i la nɔɔra makɛnɛn dunuya, bayi i ka wale min don n bolo, n bata wo lakamali.

Yaya 2:23

Awa, Isa be Darisalamu wagate min tɔ, anu be Hɔrɔya sale tɔ. Wo butɔ, mɔgɔ siyama be a la tɔnkumanu yenna le a be tola minnu mala. Wolo ka a ma, anu dɛnkɛnɛyata a tɔgɛ ma.

Yaya 3:17

Bayi Ala ma nde a la den kayiren dɔndɛ lasanba dunuya, a ni dunuya makiiti, ade fɔ a ni dunuya lakisi le nde sabu la.

Yaya 3:2

Lun do, wolo tagata Isa yen sue tɔ, a ka a fɔ a ye, a ko: «Rabi, mɔ ka a lɔn i be naren karamɔgɔ kɛɲa le ma, min be fatanden Ala la. Bayi i be tɔnkumanu minnu mala, mɔgɔ yo te nɔ wonu mala ka a tigi nun Ala le ma.»

Yaya 4:34

Isa ka a fɔ anu ye: «N na balue mu n Kiila sagoe ma koe le la, a la wale lakamali koe la.

Yaya 5:32

Do gbɛtɛ le be seedeɲɔgɔya bɔɔla n na ko tɔ, min mu Ala la. N ka a lɔn, ale la seedeɲɔgɔya mu tɔɲa le la.

Kiilanu 2:22

Wole bani Isirayila bɔnsɛnu, wo kɛ kuma lamɔɛ: Ala le ka Isa Nasarɛti kaa sɔ wo ye: a ka a yita wo la, ko sɛnbɛmanu nun kabanakoenu nun laamutenu le fɛ, a ka minnu ma ale la ko tɔ wo tɛma, iko wole yɛtɛ ka a lɔn ki min na.