Yaya 5:24 - Ala la kitabuenu Mɔgɔfin kuma tɔ

²⁴ N ni tɔɲa beeyareŋɛ fɔ wo ye, min ka n na kuma mɔɛ, a ka a bita, a dɛnkɛnɛyata n Kiila ma, abada kise be wo tigi ye. A te bɛn kiite ma. A ɲan bata bɔɔ bɔnɛ tɔ, ka don kise tɔ.

Yaya 5:24 ပူးပေါင်းရင်းမြစ်များ

Yaya 11:26

Mɔgɔ yo mɔgɔ be balue tɔ, a dɛnkɛnɛyata n ma, a te naa faga feu. I be laaren wo la ba?»

Yaya 12:44

Isa ka a kulɛ mayɛlɛ, a ko: «Min tini dɛnkɛnɛya n ma, wo bele dɛnkɛnɛyaren nde ma, a be dɛnkɛnɛyaren n Kiilá le ma.

Yaya 20:31

Kɔnɔ kɛnu be sɛbɛren de, alako wo ni dɛnkɛnɛya ka a fɔla Isa mu Ala la mɔgɔ masubɛreŋɛ le la, a la den kayireŋɛ. Wo butɔ, ka wo dɛnkɛnɛyata a ma, wo si kise sɔtɔ le a tɔgɛ sabu la.

Yaya 3:16

Bayi Ala ka dunuya mɔgɛnu kanu le han a ka nde a la den kayiren dɔndɛ dii, alako ka min yo dɛnkɛnɛyata n ma, wo tigi kana bɔnɔ, a ni abada kise sɔtɔ.

Yaya 3:18

Min tini dɛnkɛnɛya n ma, kiiti bele wo tigi ma. Kɔnɔ min ma dɛnkɛnɛya n ma, wo la kiite bata ban tiɲala, bayi a ma dɛnkɛnɛya Ala la den kayiren dɔndɛ ma.

Yaya 3:36

Ka mɔgɔ min be dɛnkɛnɛyaren Ala la den kayireŋɛ ma, a si abada kise sɔtɔ le. Ka mɔgɔ min ma Ala la den kayireŋɛ kulɛ bita, wo tigi te nɔ kisila. Ala la dumɛ ɲan si to le a kunma.»

Yaya 4:36

Min be sɛnɛ tɛgɛla, wo ɲan be a sɔŋɛ sɔtɔla, a mɛn be wo tɔnɛ madɛnna le alako mɔgɔ donu ni abada kise sɔtɔ. Wolo mu, sɛnɛ foyila nun a tɛgɛla bɛ be sɛɛwala.

Yaya 6:40

N Baaba sagoe tugun de mu ka: min yo ka nde a la den kayireŋɛ lasaga, a dɛnkɛnɛyata n ma, wo tigi si abada kise sɔtɔ le. Nde tugun si i tigi lawuli le faga ma lun tɔɛ.»

Yaya 6:47

N ni tɔɲa beeyareŋɛ pɔsi fɔ wo ye: min tini dɛnkɛnɛya n ma, abada kise be wo tigi ye.

Yaya 6:50

Dɛgɛ min be jigila bɔɔla saŋɛ tɔ, wolo mu nde la. Ka mɔgɔ min yo ka a dɔmɔ, wo tigi kan te faga.

Yaya 6:51

Malakisi dɛgɛ min jigita bɔɔla saŋɛ tɔ, wolo mu nde la. Ka mɔgɔ min ka kɛ dɛgɛ dɔmɔ, a si kisi dan bele a la. N be dɛgɛ min diila, n bali bangue le mu a la. N si a dii, alako dunuya mɔgɛnu ni kise sɔtɔ.»

Yaya 6:58

Dɛgɛ min jigita bɔɔla saŋɛ tɔ, wolo mu nde la. A bele toren iko wo benbanu ka dɛgɛ min siila dɔmɔ, anu naata na faga. Kɔnɔ min tini nde dɔmɔ, wo tigi si abada kise sɔtɔ le.»

Yaya 8:51

N ni tɔɲa beeyareŋɛ fɔ wo ye: ka mɔgɔ min ka n na kuma bita, wo tigi te faga sɔtɔ muku!»

1 Tesaloniki 5:9

Ala ma a lagiri wo mɔ ma, wo mɔ ni a la dumɛŋɛ sɔtɔ, fɔ kise sɔtɔ koe wo mɔ Marige Isa sabu la, Ala la mɔgɔ masubɛreŋɛ,

1 Piyɛri 1:21

Wo dɛnkɛnɛyata Ala ma ale le sabu la, Ala ka min nawuli faga ma, a ka kunnawule dii a ma. Wo butɔ, wo ni laa Ala la, wo ni wo hakkile sɔ a ma.

1 Piyɛri 1:5

Ala si wo makanta le a sɛnbɛ la wo la dɛnkɛnɛya sabue la, han wo ni naa kise sɔtɔ, a bata wuli abada kise min nabɔɔla wo ma wagati tɔɛ la.