Yaya 5:19 - Ala la kitabuenu Mɔgɔfin kuma tɔ

¹⁹ Wo butɔ, Isa ka anu jaabi, a ko: «N ni tɔɲa beeyareŋɛ pɔsi fɔ wo ye: nde den kayireŋɛ te nɔ fenfen mala n yɛtɛ ma, fɔ ka n ka min yen n Baaba la. Bayi ale be min bɛ mala, nde a la den kayireŋɛ tugun be wo ɲɔgɔn de mala.

Yaya 5:19 ပူးပေါင်းရင်းမြစ်များ

Ko fɔlɔfɔlɛ 1:1

A fɔlɔfɔlɛ la, Ala ka saŋɛ nun duge da.

Ko fɔlɔfɔlɛ 1:26

A tɔɛ la, Ala ka a fɔ, a ko: «Mɔ ni Adama da mɔ yɛtɛ misale la, min mulunta mɔ la. A ni fisamanteya sɔtɔ yɛgɛnu kunma ba tɔ, kondeŋɛnu kunma kantɔ, anun kolofeŋɛnu kunma duge bɛ tɔ, anun bubufeŋɛnu bɛ minnu be buubula duge kunma.»

Hɔrɔya 4:11

Alatala ko Musa ma: «Ɲɔmɔ le ka da dii mɔgɛ ma? Ɲɔmɔ le be mɔgɛ mala bobe la, ka wo ma tolobɔnɛ la? Ɲɔmɔ le be a ɲanu lakala, ka wo ma a ni a ma ɲabɔnɛ la? Kaa nde Alatala ma?

Luki 21:15

Ka a wagate bata ke, nde yɛtɛ si naa hakkilimaya kumanu dii wo ma, wolo mu wo jaguenu hali dɔndɔ te nɔ wo jaabila, anu mɛn te nɔ wo sɔsɔla.

Yaya 10:18

Mɔgɔ yo te nɔ n nɛ jiganna, nde le yɛtɛ yati be a diila. Bayi yamɔre be n ɲɛ n ni a dii. Yamɔre mɛn be n ɲɛ n ni tasaagi a jiganna, n ni tawuli. N Baaba ka n yamɔri wolo la.»

Yaya 12:49

Bayi n ka kuma min fɔ, wo bele fatanden n yɛtɛ hanige le la. N Baaba min ka n kii, wolo yɛtɛ ka n yamɔri n bɛnta n ni min fɔ, anun n bɛnta kumala ki min na.

Yaya 12:50

N ka a lɔn a la yamɔre mu abada kise dii koe le la. Wolo mu, n be kuma minnu fɔla, n be anu fɔla le iko n Baaba ka anu fɔ n ɲɛ ki min na.»

Yaya 14:10

I bele laaren a la ba, ka a fɔla n Baaba la ko be n ɲɛ, nde tugun na ko be a ye? N be kuma minnu fɔla wo ye, wonu bele fatanden n yɛtɛ le la. N be wale minnu tugun mala, n Baaba la ko min be n ɲɛ, wolo yɛtɛ yati be wonu mala.

Yaya 2:19

Isa ka anu jaabi, a ko anu ma: «Ka wo ka kɛ hɔrɔma dingira laboe, n si naa a lawuli tele saba kɔtɔ.»

Yaya 3:3

Isa ka a jaabi, a ko a ma: «N ni tɔɲa beeyareŋɛ pɔsi fɔ i ye, ka mɔgɔ yo ma tasɔtɔ a nama la, a te nɔ Ala la mansabaya la ko yenna.»

Yaya 5:21

Bayi n Baaba be mɔgɔ fagareŋɛnu lawulila ki min na, a ni anu lakisi, nde a la den kayireŋɛ tugun sagoe be mɔgɛnu minnu la, n be wonu lakisila.

Yaya 6:38

N bele jigiren bɔɔla saŋɛ tɔ, n yɛtɛ sagoe ma koe la, ade, n be jigiren n Kiilá sagoe le ma koe la.

Yaya 8:28

Awa, Isa ka a fɔ anu ye, a ko: «Wo tini nde Adamadeŋɛ bakku wagate min tɔ, wo si a lɔn wo tɛmuɛ ka a fɔla, nde le mu min be sabatiren. Wo si a lɔn, n te fenfen ma n yɛtɛ ma, fɔ n ni kuma iko n Baaba ka n degen ki min na.

Yaya 9:4

Fanni ɲɔ be kɛnɛren, a fɛrɛ bele fɔ n ni n Kiilá tɛn wale ma. Sue tini don, mɔgɔ yo te nɔ walila wo tɛmuɛ.

Kiilanu 2:24

Ala ka faga dumɛ bɔɔ a ma, a ka a talawuli. Iyon, faga ma nɔ sɛnbɛ sɔtɔla a kunma.

Filipi 3:21

Koe bɛ be tola a sagoe tɔ a sɛnbɛ le la. Wo sɛnbɛ le si a ma, a si na wo mɔ bali nagasireŋɛnu masaradula, anu ni to nɔɔra butɔ iko a tɛŋɛ.

Filipi 4:13

N si nɔ koe bɛ la ⸂Ala la mɔgɔ masubɛreŋɛ⸃ sabu la, min be sɛnbɛ diila n ma.

1 Tesaloniki 4:14

Wo mɔ be laaren a la Isa bata faga, a mɛn tawulita, kaa? Awa, fagabaganu minnu dɛnkɛnɛyata Isa ma, mɔ mɛn be laaren a la, Ala si naa wonu tugun nawuli le, a ni anu layɛlɛ Isa la ko sabu la, anu bɛ ni kunbɛn kan dɔndɔ.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.