Yaya 5:10 - Ala la kitabuenu Mɔgɔfin kuma tɔ

¹⁰ Awa, Yahude kuntigenu tota a fɔla kaye ye min kendeyata, anu ko: «Sulen lɔ́gɛ́ le bi de! A bele dagɛren i ye bi luŋɛ, i ni i la safeŋɛ jigan i ni a doni.»

Yaya 5:10 ပူးပေါင်းရင်းမြစ်များ

Luki 13:14

Kawandi ma bon kuntige mɔnɛta Isa ma, a to ka malakendeya ma sulen lɔ́gɛ́ tɔ, a ka a jaabi, a ka a fɔ jama ye: «Tele wɔɔrɔ be wo mɔ ye, wo mɔ ni wale ma. Wolo mu, wo na kendeya ɲini wo tele wɔɔrɛ kɔtɔ, wo kana na wo la sulen lɔ́gɛ́ de!»

Luki 23:56

Wo kɔma, musenu saagita saa tɔ. Anu la kereŋɛ ɲɔ, anu ka tulu kuɲɛ diyama nun labundɛ tabɛn fure ye. Sulen lɔ́gɛ́ to keta, anu ka anu sulen, Ala la yamɔre butɔ.

Luki 6:2

Wo mata Farisi donu ɲala. Anu ka a fɔ talibenu ye: «Koe min be latɔnden sulen lɔ́gɛ́, wo be wo mala fenna?»

Yaya 1:19

Lun do, Yahude kuntigenu ka sarika lakela donu kii anun Lewi bɔnsɛ kaye donu bɔɔla Darisalamu, anu ni Yaya maɲininka, ale mu min na. A ka seedeɲɔgɔya min bɔɔ wo tɔ, wolo mu kɛ la.

Yaya 5:11

A ka anu jaabi, a ko: «Min ka n nakendeya, wolo ka a fɔ n ɲɛ, aa n ni n na safeŋɛ jigan, n ni tagaman.»

Yaya 5:15

Ale kaye bɔɔta ɲɔ, a tagata a ka Yahudenu lalɔn, a ko aa Isa le ka a lakendeya.

Yaya 5:16

Isa to tota wo koenu mala sulen lɔ́gɛ́nu tɔ, wolo ka a ma Yahude kuntigenu fɔlɔta kitila a ɲagankata koe la.

Yaya 7:23

Wo dun be kaye sunnala sulen lɔ́gɛ́ tɔ alako Musa la sariya kana tiɲa, fenna wo dumɛnta nde ma n to ka kaye lakendeya ken sulen lɔ́gɛ́ tɔ?

Yaya 9:16

Farisi donu ka a fɔ: «Kɛ kaye bele fatanden Ala la, bayi a bele sulen lɔ́gɛ́ makantaren.» Kɔnɔ donu ko: «Junubutɔɛ si nɔ kɛ kabanakoenu mɔɔle mala ba?» Wo butɔ, Isa la ko ka anu tafatan fila la.