Yaya 3:18 - Ala la kitabuenu Mɔgɔfin kuma tɔ

¹⁸ Min tini dɛnkɛnɛya n ma, kiiti bele wo tigi ma. Kɔnɔ min ma dɛnkɛnɛya n ma, wo la kiite bata ban tiɲala, bayi a ma dɛnkɛnɛya Ala la den kayiren dɔndɛ ma.

Yaya 3:18 ပူးပေါင်းရင်းမြစ်များ

Yaya 1:12

Kɔnɔ min yo ka a la ko bita, anu dɛnkɛnɛyata a tɔgɛ ma, a ka sago dii wonu ma anu ni ma Ala la deŋɛnu la.

Yaya 1:18

Han bi mɔgɔ yo ma Ala yen; a la den kayiren dɔndɛ, min be sigiren a Baaba kɛnna, anu tɛ di, wolo bata a la ko ɲatabɔ mɔ ye.

Yaya 20:31

Kɔnɔ kɛnu be sɛbɛren de, alako wo ni dɛnkɛnɛya ka a fɔla Isa mu Ala la mɔgɔ masubɛreŋɛ le la, a la den kayireŋɛ. Wo butɔ, ka wo dɛnkɛnɛyata a ma, wo si kise sɔtɔ le a tɔgɛ sabu la.

Yaya 3:16

Bayi Ala ka dunuya mɔgɛnu kanu le han a ka nde a la den kayiren dɔndɛ dii, alako ka min yo dɛnkɛnɛyata n ma, wo tigi kana bɔnɔ, a ni abada kise sɔtɔ.

Yaya 3:36

Ka mɔgɔ min be dɛnkɛnɛyaren Ala la den kayireŋɛ ma, a si abada kise sɔtɔ le. Ka mɔgɔ min ma Ala la den kayireŋɛ kulɛ bita, wo tigi te nɔ kisila. Ala la dumɛ ɲan si to le a kunma.»

Yaya 5:24

N ni tɔɲa beeyareŋɛ fɔ wo ye, min ka n na kuma mɔɛ, a ka a bita, a dɛnkɛnɛyata n Kiila ma, abada kise be wo tigi ye. A te bɛn kiite ma. A ɲan bata bɔɔ bɔnɛ tɔ, ka don kise tɔ.

Yaya 6:40

N Baaba sagoe tugun de mu ka: min yo ka nde a la den kayireŋɛ lasaga, a dɛnkɛnɛyata n ma, wo tigi si abada kise sɔtɔ le. Nde tugun si i tigi lawuli le faga ma lun tɔɛ.»

Yaya 6:47

N ni tɔɲa beeyareŋɛ pɔsi fɔ wo ye: min tini dɛnkɛnɛya n ma, abada kise be wo tigi ye.