Yaya 21:16 - Ala la kitabuenu Mɔgɔfin kuma tɔ

¹⁶ A mɛn saagita a maɲininkala, a kunɲama filaɲɔgɛ la: «Simɔn, Yaya la den kayireŋɛ, i be n kanuren ba?» A ka a jaabi: «Iyon, Marige, ile ka a lɔn ka a fɔla i di n ɲɛ.» Isa ka a fɔ a ye: «Awa, i ni n na saakanu dankun.»

Yaya 21:16 ပူးပေါင်းရင်းမြစ်များ

Luki 19:10

Wo ni a lɔn, nde Adamadeŋɛ bata na mɔgɔ samareŋɛnu le ɲinidula ka anu lakisi.»

Yaya 18:17

Piyɛri la dondeŋɛ, wo muse bonda kantalá ka a fɔ a ye: «Ale Isa la talibe do ma ile tugun na ba?» Piyɛri ka a jaabi: «Ale ma nde la de!»

Yaya 18:25

Wo wagate ma, han bi Simɔn Piyɛri be sɔren ɲɔ, a be a balala. Wo butɔ, anu ka fɔ a ye: «Isa la talibe do ma ile tugun na ba?» Kɔnɔ Piyɛri ka sɔsɔre ma, a ko: «Nde ma de!»

Yaya 21:17

A ka a maɲininka a kunɲama sabaɲɔgɛ la, a ko: «Simɔn, Yaya la den kayireŋɛ, n di i ye ba?» Piyɛri suunuta, bayi Isa ka a ɲininka a kunɲama sabaɲɔgɛ la, ka a di a ye. A ka a jaabi: «Marige, ile ka koe bɛ lɔn, ile ka a lɔn i di n ɲɛ.» Isa ka a fɔ a ye: «Awa, n na saakanu daɲini.

Kiilanu 20:28

Awa, wo ni mɛnni wo yɛtɛ ma, anun dɛnkɛnɛyabaga jama bɛ, Hakkili Saniyandeŋɛ bata wo ma minnu kuŋɛ la. Marige ka anu kunka a yɛtɛ base la, wolo mu wo ni anu dankun a ɲinma la, iko kolofen kantala be mɛnnila wɔɔrɛ ma ki min na.

1 Piyɛri 2:25

Wo be toren de nun iko kolofen nabolokareŋɛnu, kɔnɔ kɔtɛ, wo bata saagi wo kantalá ma, min be a hakkile toren wo nɛɛ ma.

1 Piyɛri 5:2

N bata wo lalimaniya, wo ni wo hakkile to Ala la jama ma min be wo la mamakantare butɔ, iko kolofen kantalá be mɛnnila a la wɔɔrɛ ma ki min na. Wo ni dɛnkɛnɛyabaganu dankun wo hanige la, wo kana a ma iko anu tini wo karahan. Wo kana a ma nafule la ko miila la. Wo ni a ma wo juse bɛ la.