Yaya 21:15 - Ala la kitabuenu Mɔgɔfin kuma tɔ

¹⁵ Anu to ka kɔɔjɔbɔɛ ban, Isa ka Simɔn Piyɛri maɲininka, a ko: «Simɔn, Yaya la den kayireŋɛ, i be n kanuren tanbi kɛnu bɛ la ba?» A ka a jaabi: «Iyon, Marige, ile ka a lɔn ka a fɔla i di n ɲɛ.» Isa ka a fɔ a ye: «Ka a ɲɔgɔnna le, i ni na saakadeŋɛnu daɲini.»

Yaya 21:15 ပူးပေါင်းရင်းမြစ်များ

Ko fɔlɔfɔlɛ 33:13

Yaguba ka a jaabi, a ko: «N tige, i ka a lɔn deŋɛnu la ko bɛlɛ. Saaka musenu anun ningi musenu tugun be n bolo minnu la deŋɛnu be singe minna. Ka mɔ ka wonu lagbataa tagamaŋɛ la, kolofeŋɛnu bɛ si faga lun dɔndɔ.

Luki 12:32

Isa mɛn ko: «N na kɛ saaka kurun lanma, wo kana kilan. Wo ni a lɔn a diyata wo Baaba Ala ye a ni mansaya dii wole ma.

Luki 22:32

Kɔnɔ n bata Ala mataran ile ye, alako i la dɛnkɛnɛya kana ban i bolo. Ile tugun, i tini i yɛtɛ lasaagi n ma wagate min tɔ, i si i bareŋɛnu sɛnbɛ don de.»

Yaya 1:42

A ka Simɔn nati Isa kɛnna. Isa ka a fɛlɛ, a ko: «I tɔgɔ Simɔn, Yaya do la deŋɛ. I si naa kele Sefasi.» Awa, wo be fɔren de «Kure».

Yaya 13:37

Simɔn Piyɛri ka a fɔ: «N Marige, fen de n te nɔ i jokkila kɔtɔkɔtɛ? N ɲan si diɲa le n nɛ ma i faliŋɛ la.»

Yaya 16:27

bayi n Baaba yɛtɛ be wo kanuren de. A be wo kanuren de, bayi wole bata nde kanu, wo mɛn bata dɛnkɛnɛya, ka a fɔla nde be fatanden Ala le la.

Yaya 21:12

Isa ka a fɔ anu ye: «Wo na wo kɔɔjɔbɔɔ.» Talibenu to ka a lɔn Marige le mu, hali dɔndɔ ma suusɛ a maɲininkala, min mu a la.

Yaya 21:7

Talibe min di Isa ye, wo ka a fɔ Piyɛri ye, a ko: «Wo mɔ Marige le mu!» Bɔɔla Simɔn Piyɛri ka wo kuma mɔɛ, a ka a la doroke kiti a tɛ ma, a sɔrɔnta je tɔ. Bayi a be doroki lanma pɛti le donden.

Yaya 8:42

Isa ka a fɔ anu ye: «Ka Ala mu wo baaba le la nun, wo si n kanu le nun, bayi nde be fatanden Ala le la, n nata. N bele naren n yɛtɛ ma, ale le ka n kii.

Kiilanu 20:28

Awa, wo ni mɛnni wo yɛtɛ ma, anun dɛnkɛnɛyabaga jama bɛ, Hakkili Saniyandeŋɛ bata wo ma minnu kuŋɛ la. Marige ka anu kunka a yɛtɛ base la, wolo mu wo ni anu dankun a ɲinma la, iko kolofen kantala be mɛnnila wɔɔrɛ ma ki min na.

Kiilanu 20:29

Nde ka a lɔn, n tini taga wagate min tɔ, mɔgɔ koroŋɛ si naa don de wo tɛma, iko wuula butɔ wulenu be donna wɔɔrɛ tɔ ki min na, anu te kinikini wo ma.

1 Piyɛri 1:8

Wo bata Isa kanu hali wo to ma a yen; hali wo to bele a yenden tugun, wo be laala le a la, han ka sɛɛwa. Sɛɛwa belebele le mu, a ɲan te fɔ.

1 Piyɛri 2:2

Ala la kuma ni diya wo ye iko bɔɔbɔ nɛnbɛlɛŋɛ be diren a nɛɛnɛ singi je ye ki min na. Ala la kuma be toren de iko singi je beeyareŋɛ. Ka wolo mata wo ye balue la, wo la koloya si sabati le.

1 Piyɛri 2:25

Wo be toren de nun iko kolofen nabolokareŋɛnu, kɔnɔ kɔtɛ, wo bata saagi wo kantalá ma, min be a hakkile toren wo nɛɛ ma.