Yaya 20:26 - Ala la kitabuenu Mɔgɔfin kuma tɔ

²⁶ Tele sagin na tanbireŋɛ, Isa la talibenu mɛn tatota boŋɛ butɔ, anu nun Tomasi bɛ le wo lun. Awa, Isa mɛn tanata sɔ anu tɛma, adun bonda bɛ be mabalanden anu kunma. A ka a fɔ anu ye: «Jususa ká to wo ye!»

Yaya 20:26 ပူးပေါင်းရင်းမြစ်များ

Luki 24:36

Anu to be kɛ kuma fɔla, Isa faŋɛ sɔta anu tɛma kisanna, a ko: «Ala mu wo juse sala!»

Luki 9:28

Kɛ kumanu la tanbireŋɛ lɔgɔkun dɔndɔ ɲɔgɔn, Isa ka Piyɛri nun Yaya jigan anun Yaguba, a yɛlɛta anu fɛ kɔnkɛ kunma Ala matarandula.

Yaya 11:16

Tomasi, anu be min ma «Fɛrɛŋɛ», wo ka a fɔ a talibiɲɔgɛnu ye: «Iyon, mɔle tugun, wo mɔ ma, alako wo mɔ nun karamɔgɔ bɛ ni faga.»

Yaya 14:27

N be jususa tola wo bolo kɔtɛ, min be fatanden nde la. Wo jususa bele fatanden dunuya la. Wo juse kana bɔɔ, wo kana kilan.

Yaya 20:19

Wo sandeŋɛ, ɲɔ to be pinpila, talibenu be madɛnden boŋɛ do butɔ. Anu ka bondanu mabalan anu kunma, bayi anu be kilanden Yahude kuntigenu la. Wo butɔ, Isa nata bɔɔ anu ma, a sɔta anu tɛma, a ka a fɔ anu ye: «Jususa ká to wo ye!»

Yaya 20:21

Isa mɛn tasaagita a fɔla anu ye: «Jususa ká to wo ye! Iko n Baaba ka n kii ki min na, nde tugun be wo kiila ɲɔgɔnna le.»

Yaya 21:1

Kɛ koenu tanbi kɔma, Isa mɛn ka a yɛtɛ labɔɔ a la talibenu ma, Tibɛriyadi ba dala. A ka a yɛtɛ labɔɔ ki min na, wolo mu kɛ la.

Yaya 21:14

Bɔɔla Isa wulita fagabaganu tɛma, a kɛɲa sabaɲɔgɛ le ka, a yɛtɛ labɔɔ koe la a la talibenu ma.

Kiilanu 1:3

A la faga ɲagankata kɔma, a bɔɔta anu ma a kende la. Tele bi naani kɔtɔ, a tota a fan yitala le anu la seedeɲɔgɔya banba la, a mɛn be Ala la mansabaya la ko fɔla anu ye.