Yaya 20:15 - Ala la kitabuenu Mɔgɔfin kuma tɔ

¹⁵ Isa ka a fɔ a ye: «N na, i be dila fenna? I be ɲɔmɔ ɲinila?» Kɔnɔ a be toren muse ye, suntu kantalá le mu. A ka a fɔ a ye: «Baaba, ka ile le ka a fure jigan yan, i be a saren ka min na, i ni ɲɔ yita n na, n ni taga a jigan ɲɔ.»

Yaya 20:15 ပူးပေါင်းရင်းမြစ်များ

Luki 2:44

Anu ka a mira, a be anu biyasiɲɔgɛnu tɛma. Anu ka tele dɔndɔ tagamaŋɛ ma, anu tota a ɲinila anu bareŋɛnu nun anu lɔnbaganu tɛma.

Luki 24:5

Kilaŋɛ ka musenu bita koola anu mɛn be anu kunsinden duge ma. Wo tɛmuɛ, wo kayenu ka a fɔ anu ye, anu ko: «Wo be mɔgɔ kende ɲinila fagabaganu tɛma fenna?

Yaya 1:38

Isa tugun ka a kɔma tafɛlɛ, a ka a yen anu be a jokkiren, a ka a fɔ anu ye: «Wo be fen ɲinila?» Anu ka a fɔ Isa ye: «Rabi, i be sabatiren mina?» Awa, Rabi be a fɔren de «Karamɔgɔ» anu la kuma tɔ.

Yaya 18:4

Isa to ka a lɔn min be naala a masɔtɔla, a bɔɔta a ka a fɔ anu ye, a ko: «Wo be ɲɔmɔ ɲinila?»

Yaya 18:7

A mɛn ka anu maɲininka tugun: «Wo be ɲɔmɔ ɲinila?» Anu ko: «Isa Nasarɛti kaa.»

Yaya 20:13

Wonu ka a fɔ a ye: «N na, i be dila fenna?» A ka a fɔ anu ye, a ko: «Bayi anu ka n Marige jigan, n ma a lɔn anu be a saren ka min na.»

1 Samiyɛli 1:16

I kana nde i la jon muse mira mɔgɔ sɔnkoroŋɛ la. N na kɔntɔfili banba anun suunɛ min be n juse tɔ, wolo ka a ma han n ka n na Ala mataraŋɛ layanfaya.»