Yaya 2:11 - Ala la kitabuenu Mɔgɔfin kuma tɔ

¹¹ Awa, Isa ka kɛ-lɛ ma a la kabanako fɔlɛ la Kaana saa tɔ, Galile duge tɔ. Wo butɔ, a ka a la nɔɔra yita ɲɔ, han a la talibenu dɛnkɛnɛyata a ma.

Yaya 2:11 ပူးပေါင်းရင်းမြစ်များ

Hɔrɔya 14:31

Anu ka a yen Alatala be sɛnbɛ banba min nawaliren Misira kaanu la ko tɔ. Jama ka biliya sa Alatala ma, anu ka lannanteya doni Alatala nun a la kiila Musa ma.

Hɔrɔya 4:9

Ka anu ma laa kɛ kabanako fila bɛ la, anu mɛn ma i kulɛ lamɔɛ, i si Nili kɔɛɛ je do jigan i ni a bɔn kɛnɛ tɔ. Wo tɛmuɛ, i ka je min jigan Nili kɔɛɛ tɔ, a si yɛlɛman base la kɛnɛ tɔ.»

Yaya 1:14

Ale kuma mata Adamadeŋɛ la, a daakata mɔ tɛma. A juse be faren kanunteya nun tɔɲa la. A to mu Ala la den kayiren dɔndɛ le la, a Baaba ka nɔɔra min dii a ma, mɔ ka wo nɔɔra lasaga le.

Yaya 1:17

Iyon, Ala ka a la sariyanu don wo mɔ bolo Musa sabu la, a ka kanunteya nun tɔɲa tugun yita wo mɔ la Isa Ala la mɔgɔ masubɛreŋɛ sabu la.

Yaya 1:43

Wo tabantaka, Isa ka natá jigan a ni taga Galile duge tɔ. A ka mɔgɔ do taran ɲɔ min tɔgɔ Filipu. A ka a fɔ a ye: «Sɔ n kɔma.»

Yaya 1:50

Isa ka a jaabi, a ko a ma: «N to bata a fɔ i ye, n ka i yen de toori lɔgɛ kɔtɔ, i bata laa n na. Kɔnɔ i si naa ko donu yen, minnu kolo kɛ ko.»

Yaya 10:41

Mɔgɔ siyama tagata a dula, anu tota a fɔla: «Yaya ma kabanako yo kan ma, kɔnɔ a ka min bɛ fɔ ale kaye la ko tɔ, a bɛ mu tɔɲa le la.»

Yaya 11:15

Kɔnɔ a to ma ma n ɲala le, n be ɲagalinden wo la. Wolo mu, wo si naa dɛnkɛnɛya n ma. Kɔtɛ, wo mɔ ma Lasari kɛnna.»

Yaya 11:47

Wo kɔma, sarika lakela kuntigenu anun Farisinu ka Yahude kuntigenu madɛn, anu ko: «Wo mɔ be fen mala? Bayi kɛ kaye be kabanako siyama le mala!

Yaya 12:18

Wolo ka a ma, jama gbɛtɛ la a mɔɛla, ka a fɔla a bata wo kabanakoe ma, anu tagata a labɛndula.

Yaya 12:37

Hali a to ka kabanako siyama ma anu ɲala, anu bele dɛnkɛnɛya saren a ma.

Yaya 12:41

Esayi ka wo fɔ le, a to ka Isa le la nɔɔra yen. Wo butɔ, a ka ale le la ko fɔ.

Yaya 14:13

Wo ka Ala mataran fenfen na n tɔgɛ la, n si wo ma le, alako n Baaba la nɔɔra ni makɛnɛn nde a la den kayireŋɛ la ko sabu la.

Yaya 16:27

bayi n Baaba yɛtɛ be wo kanuren de. A be wo kanuren de, bayi wole bata nde kanu, wo mɛn bata dɛnkɛnɛya, ka a fɔla nde be fatanden Ala le la.

Yaya 16:30

Mɔ bata a lɔn kɔtɛ, i ka koe bɛ lɔn. Hali mɔgɔ yo ma i maɲininka. Wolo be a maren, mɔ be laaren a la, i be fatanden Ala le la.»

Yaya 2:1

A tele saba luŋɛ, musu jigan murade do mata Kaana saa tɔ min be Galile duge tɔ. Wo ka a taran, Isa nɛɛnɛ be ɲɔ.

Yaya 2:23

Awa, Isa be Darisalamu wagate min tɔ, anu be Hɔrɔya sale tɔ. Wo butɔ, mɔgɔ siyama be a la tɔnkumanu yenna le a be tola minnu mala. Wolo ka a ma, anu dɛnkɛnɛyata a tɔgɛ ma.

Yaya 3:2

Lun do, wolo tagata Isa yen sue tɔ, a ka a fɔ a ye, a ko: «Rabi, mɔ ka a lɔn i be naren karamɔgɔ kɛɲa le ma, min be fatanden Ala la. Bayi i be tɔnkumanu minnu mala, mɔgɔ yo te nɔ wonu mala ka a tigi nun Ala le ma.»

Yaya 4:46

Wo butɔ, Isa tasaagita Kaana saa tɔ, Galile duge tɔ, a ka je ma beere la ka min na nun. Wo ka a taran, mansa banba la walilá kuntige do be, a la den kayireŋɛ be bandiren Kapɛrinamu saa tɔ.

Yaya 4:54

Isa la nareŋɛ Galile duge tɔ kabɔɔ Juda duge tɔ, a ka kɛ-lɛ ma a la kabanako filaɲɔgɛ la.

Yaya 5:23

alako mɔgɛ bɛ ni nde a la den kayireŋɛ biliya, iko anu be ale biliyala ki min na. Min ma nde a la den kayireŋɛ biliya, wo tigi te n Baaba biliya min be n nasanbaren kiilaya la.

Yaya 6:14

Wo mɔgɛnu ka Isa la kabanakoe mareŋɛ yen wagate min tɔ, anu tota a fɔla: «Nabiyonmɛ min bɛnta nala dunuya, wolo yati mu kɛ la.»

Yaya 6:2

Jama banba tota a jokkila, bayi a be kabanakoe minnu mala bandibaganu lakendeya koe la, anu be wonu yenna.

Yaya 6:26

Isa ka anu jaabi, a ko: «N ni tɔɲa beeyareŋɛ pɔsi fɔ wo ye, wo be n ɲinila le bayi wo bata dɛgɛ dɔmɔ han wo fata. Wo bele n ɲinila n na kabanakoenu le la ko la de!

Yaya 6:30

Wo butɔ, anu ka a fɔ a ye: «Awa ile, i be tɔnkuma miniman mala mɔ ni a yen, ka dɛnkɛnɛya i ma? I be ko miniman mala?

Yaya 7:31

Kɔnɔ jama tɛma mɔgɔ siyama dɛnkɛnɛyata a ma, anu tota a fɔla: «Ala la mɔgɔ masubɛreŋɛ tini na wagate min tɔ, a si kabanakoenu ma ba, minnu si tanbi kɛ kaye tɛŋɛ la? Ade!»

Yaya 9:16

Farisi donu ka a fɔ: «Kɛ kaye bele fatanden Ala la, bayi a bele sulen lɔ́gɛ́ makantaren.» Kɔnɔ donu ko: «Junubutɔɛ si nɔ kɛ kabanakoenu mɔɔle mala ba?» Wo butɔ, Isa la ko ka anu tafatan fila la.