Yaya 17:8 - Ala la kitabuenu Mɔgɔfin kuma tɔ

⁸ Bayi i ka kuma minnu don n bolo, n bata wonu matanbi anu ma. Anu sɔnta anu la, anu bata a lɔn yati n be fatanden ile le la. Anu laata a la ka a fɔla ile le ka n nasanba.

Yaya 17:8 ပူးပေါင်းရင်းမြစ်များ

Yaya 12:49

Bayi n ka kuma min fɔ, wo bele fatanden n yɛtɛ hanige le la. N Baaba min ka n kii, wolo yɛtɛ ka n yamɔri n bɛnta n ni min fɔ, anun n bɛnta kumala ki min na.

Yaya 14:10

I bele laaren a la ba, ka a fɔla n Baaba la ko be n ɲɛ, nde tugun na ko be a ye? N be kuma minnu fɔla wo ye, wonu bele fatanden n yɛtɛ le la. N be wale minnu tugun mala, n Baaba la ko min be n ɲɛ, wolo yɛtɛ yati be wonu mala.

Yaya 15:15

N te a fɔ wo ma bitugun joŋɛnu, bayi jon tige be min mala, joŋɛ ma wo lɔn. N bata a fɔ wo ma n kanunteŋɛnu, bayi n ka koe min bɛ mɔɛ n Baaba la, n bata wo bɛ yita wo la.

Yaya 16:27

bayi n Baaba yɛtɛ be wo kanuren de. A be wo kanuren de, bayi wole bata nde kanu, wo mɛn bata dɛnkɛnɛya, ka a fɔla nde be fatanden Ala le la.

Yaya 16:30

Mɔ bata a lɔn kɔtɛ, i ka koe bɛ lɔn. Hali mɔgɔ yo ma i maɲininka. Wolo be a maren, mɔ be laaren a la, i be fatanden Ala le la.»

Yaya 17:14

Nde bata i la kuma matanbi anu ma, wo butɔ dunuya mɔgɛnu bata anu kɔn, bayi dunuya tɛn ma anu la, iko dunuya to tɛn ma nde la.

Yaya 17:18

N bata anu kii dunuya, iko ile tugun to ka nde kii dunuya ki min na.

Yaya 17:21

N Baaba, n be mamataraŋɛ mala anu ye, anu bɛ ni ma dɔndɔ la, iko i la ko to be nde ye, nde tugun na ko be i ye. N be i mataranna le, ande tugun na ko ni to mɔ ye; wo butɔ, dunuya mɔgɛnu si dɛnkɛnɛya ka a fɔla, ile le be n kiiren.

Yaya 17:23

Wo butɔ, nde la ko be anu ye, ile tugun na ko be nde ye. N be i mataranna le, anu ni kamali anu ni ma hakkili dɔndɔ la. Wo butɔ, dunuya mɔgɛnu si a lɔn ile le ka n kii, i mɛn ka anu kanu, iko i ka nde kanu ki min na.

Yaya 17:3

Abada kise le mu ka: anu ni i lɔn, i mu min na, ile Ala dɔrɔn, tɔɲa tige, anu mɛn ni nde Isa Ala la mɔgɔ masubɛreŋɛ lɔn, i ka min nasanba.

Yaya 3:17

Bayi Ala ma nde a la den kayiren dɔndɛ lasanba dunuya, a ni dunuya makiiti, ade fɔ a ni dunuya lakisi le nde sabu la.

Yaya 3:33

Min tini a la seedeɲɔgɔya bita, wo bata seedeya ka a fɔla Ala be tɔɲa le fɔla.

Yaya 6:68

Simɔn Piyɛri ka a jaabi, a ko: «Marige, mɔ si taga ɲɔmɔ ma? Abada kise kuma be ile le bolo!

Yaya 8:42

Isa ka a fɔ anu ye: «Ka Ala mu wo baaba le la nun, wo si n kanu le nun, bayi nde be fatanden Ala le la, n nata. N bele naren n yɛtɛ ma, ale le ka n kii.

1 Tesaloniki 2:13

Wolo mu, mɔle tugun, mɔ be Ala lawali sala, bayi mɔ to ka wo kawandi Ala la kuma la, wo bele a bitaren de iko mɔgɛ kumari kulɛ, wo ka a bita le iko Ala la kuma. Iyon, a be fatanden Ala yati le la. Wo kuma sɛnbɛ le be walila wole dɛnkɛnɛyabaganu ɲaama.

1 Tesaloniki 4:1

Awa, n nɛɛnɛdɔndɛnu, mɔ ka wo degen nun tagamaŋɛ la min si diya Ala ye, wo ka wo karan de mɔ bolo. Wo ɲan be tagamanna ɲɔgɔnna le. Kɔnɔ mɔ be wo madiyala, ka wo kawandi Marige Isa tɔgɛ la, wo ni to kunmasala wo ye tun.