Yaya 17:11 - Ala la kitabuenu Mɔgɔfin kuma tɔ

¹¹ Awa, nde si naa taga le ile dula. N te naa to dunuya bitugun, kɔnɔ ande be tola dunuya. N Baaba saniyandeŋɛ, i be i tɔgɛ min diiren n ma, anu makanta i wo tɔgɛ sɛnbɛ la, alako anu ni ma dɔndɔ la, iko nde nun ile be maren dɔndɔ la ki min na.

Yaya 17:11 ပူးပေါင်းရင်းမြစ်များ

Yaya 13:1

Yannun Hɔrɔya Sale ni ke, Isa ka a lɔn ka a fɔla a bɔɔ wagate bata ke kɛ dunuya, saagila a Baaba dula. A yɛtɛ tɛn mɔgɛ minnu be dunuya, a ka wonu kanu le kanunteya la min dan bele.

Yaya 13:3

Awa, Isa ka a lɔn a Baaba bata koe bɛ to a sagoe tɔ, a mɛn ka a lɔn a be bɔɔren Ala dula le, a mɛn be tasaagila wo Ala le dula.

Yaya 14:20

Wo si a lɔn wo lun, ka a fɔla nde la ko be n Baaba ye, wole tugun na ko be nde ye, nde tugun na ko be wo ye.

Yaya 16:28

N fatanta n Baaba la, n nata dunuya. Kɔtɛ, n be bɔɔla le dunuya, saagi koe la n Baaba dula.»

Yaya 16:33

N be kɛ koenu fɔren de wo ye, alako wo ni jususa sɔtɔ nde sabu la. Wo si naa tɔɔrɔ le dunuya, kɔnɔ wo limaniya, nde bata dunuya nɔ.»

Yaya 17:23

Wo butɔ, nde la ko be anu ye, ile tugun na ko be nde ye. N be i mataranna le, anu ni kamali anu ni ma hakkili dɔndɔ la. Wo butɔ, dunuya mɔgɛnu si a lɔn ile le ka n kii, i mɛn ka anu kanu, iko i ka nde kanu ki min na.

Yaya 17:25

N Baaba, i be telenden de. Nde ka i lɔn, i mu min na, dunuya mɔgɛnu kan ma i lɔn. N na kɛ talibenu tugun bata a lɔn, ka a fɔla ile le ka n kii.

Yaya 17:6

I ka mɔgɛ minnu don n bolo dunuya mɔgɛnu tɛma, n bata i tɔgɛ yita wonu la. I tɛŋɛ le mu anu la, i ka anu don n bolo. Anu bata i la kuma labatu.

Yaya 7:33

Isa ka a fɔ: «N mɛn ni wagati donden ma wo fɛ, wo kɔma n ni naa taga n Kiilá kɛnna.

Kiilanu 3:21

Kɔnɔ fɔ Isa ni to saŋɛ tɔ, han wagate tini ke, koenu bɛ be taɲiɲala tɛmuɛ min tɔ, iko Ala ka a yita ki min na a la nabiyonmɛ saniyandeŋɛnu sabu la bɔɔla hau.

Filipi 2:9

Wolo ka a ma, Ala ka a mayɛlɛ sɔdula fisamante tɔ. A ka tɔgɛ dii a ma, min fisa tɔgɛnu bɛ ko.

Yaguba 4:4

Wole, minnu bele maren lannanteya lakamalilá la Ala ye, wo ma a lɔn ba min be dunuya makanula, wo tigi bata Ala ma a jague la? Ka min be diren mala dunuya makanulá la, wo bata ma Ala kɔnnɛlá la.

1 Piyɛri 1:5

Ala si wo makanta le a sɛnbɛ la wo la dɛnkɛnɛya sabue la, han wo ni naa kise sɔtɔ, a bata wuli abada kise min nabɔɔla wo ma wagati tɔɛ la.