Yaya 16:7 - Ala la kitabuenu Mɔgɔfin kuma tɔ

⁷ Adun, n ni tɔɲa fɔ wo ye, n na taga le fisa wo ye. Ka n ma taga, wo Sabu Ɲinma te na wo ma. Kɔnɔ ka n tagata, n si naa a lasanba le wo ma.

Yaya 16:7 ပူးပေါင်းရင်းမြစ်များ

Luki 24:49

N Baaba ka lahire min nakiti wo ye, nde si wo lasanba le wo ma. Wole kan kana bɔɔ Darisalamu saa butɔ han Ala sɛnbɛ tini bɔɔ saŋɛ tɔ wagate min tɔ ka jigi wo kunma.»

Luki 4:25

N be tɔɲa le fɔla wo ye: annabi Eliya tɛmuɛ, san saba kari wɔɔrɔ kamalita le sange ma na Isirayila jamanɛ tɔ. Wolo ka a ma, kɔnkɔ banba donta jamanɛ bɛ la. Wo ka a taran, furuɲa muse siyama be Isirayila jamanɛ tɔ.

Luki 9:27

N ni a fɔ wo ye, tɔɲa le mu: donu be wo tɛma yan, minnu te faga nɛmunɛmu, fɔ anu tini Ala la mansabaya yen.»

Yaya 14:26

Kɔnɔ n Baaba si wo Sabu Ɲinma lasanba wo ma n tɔgɛ la, min tabɛnden Hakkili Saniyandeŋɛ ma; wolo si wo degen koe bɛ la. N ka kuma min bɛ fɔ wo ye, a si wo talɔn de wo bɛ la.

Yaya 14:28

Wo bata a mɔɛ n da tɔ n be tagala le, n mɛn ni naa tana wo kɛnna tugun. Ka wo be n kanuren nun yati, a bɛnta wo ni sɛɛwa nun n taga koe la n Baaba dula, bayi n Baaba kolo nde ko.

Yaya 14:3

N tini taga n ka todula do tabɛn wo ye, n mɛn si tana tugun, n ni wo doni n bata, alako nde be ka min na, wole tugun ni to ɲɔ.

Yaya 15:26

Sabu Ɲinma tini na wagate min tɔ, n be min kiila ka bɔɔ n Baaba bata, ale si ma n seede la. Ale mu Ala Hakkili Saniyandeŋɛ le la, tɔɲa tige, min be fatanden n Baaba la.

Yaya 16:8

Wo tini na wagate min tɔ, a si ko saba yita dunuya mɔgɛnu la, minnu be tabɛnden junube la ko ma, anun teleŋɛ la ko, anun kiite la ko.

Yaya 7:39

Isa be Hakkili Saniyandeŋɛ le la ko fɔla. Minnu tini dɛnkɛnɛya a ma, anu be Hakkili Saniyandeŋɛ le sɔtɔla. Wo ka a taran, Hakkili Saniyandeŋɛ ma jigi, bayi Isa ma kunnawule sɔtɔ betunna.

Kiilanu 10:34

Wo butɔ, Piyɛri ka kuma da bita, a ko: «Tɔɲa le, n bata a lɔn kɔtɛ Ala bele mɔgɔ bɔɔren mɔgɔ tɔ,

Kiilanu 2:33

A to yɛlɛta, a sigita a Baaba Ala bolo ɲinma tɔ, jɔnɔn Ala ka a Hakkili saniyandeŋɛ don a bolo iko a ka lahire jigan a ye ki min na, ale tugun ka a lajigi mɔ ma, awa wo yɛtɛ be kɛ-lɛ mɔɛren kɔtɛ, wo mɛn be a yenden.