Yaya 15:2 - Ala la kitabuenu Mɔgɔfin kuma tɔ

² Boliŋɛ min bɛ be n ma, ka anu te wolo, n Baaba ni wonu latɛgɛ. Kɔnɔ boliŋɛ min bɛ be wolola a te wonu latɛgɛ. Wolenu tetita balanu min tɔ, a ni wo bala bɛ latɛgɛ, alako boliŋɛ ni fɛntɛn a ni wolo, ka tanbi a fɔlɔnɛŋɛ la.

Yaya 15:2 ပူးပေါင်းရင်းမြစ်များ

Luki 8:13

Suge lansanta kurenu minnu kunma, wo mu mɔgɛnu le la, minnu ka Ala la kuma mɔɛ anu ni a bita sɛɛwa tɔ, kɔnɔ liili bele anu la. Dɛnkɛnɛya be anu ye han tɛmu do. Kɔnɔ bɛlɛya wagate tini na, anu ni bɔɔ a tɔ.

Yaya 15:1

Isa mɛn ko: «Nde be misaliren rɛsɛn lɔgɛ le la, wo lɔgɛ mu rɛsɛn lɔgɛ yati le la. N Baaba le ka a ki, a be a mɛnnila.

Yaya 15:16

Wole le ma nde masubɛ, nde le ka wo masubɛ; n ka wo sɔ, alako wo ni ma n na kiilánu la, wo ni wolo iko lɔgɔ boliŋɛ, wolé min si mɛ. Wo butɔ, wo ka fenfen mataran n Baaba ma nde tɔgɛ la, a si wo dii le wo ma.

Yaya 15:3

Wo be misaliren wo boliŋɛ le la, wo bata ban saniyanna, n na kuma la ko sabu la n be min fɔren wo ye.

Yaya 15:6

Ka min ma patu n ma, a si to le iko boliŋɛ matɛgɛreŋɛ min si lafili, a ni bala. Mɔgɛnu ni anu madɛn, ka anu sa ta tɔ, anu ni bintan.

Yaya 15:8

Ka wo si to iko lɔgɔ boliŋɛ min si den siyama wolo, ka wo mata n na talibenu la, n Baaba la nɔɔra be makɛnɛnna wolo tɔ.

Yaya 17:12

N to be anu tɛma wagate min tɔ, nde tota anu makantala i tɔgɛ sɛnbɛ le la, i ka min dii n ma. N to ka anu makanta, mɔgɔ yo ma sama anu ɲaama fɔ mɔgɔ dɔndɔ. Ɲagankata be mandiren ale dɔrɔn ye. Kɛ bɛ mata, alako kitabue sɛbɛreŋɛ ni kamali.