Yaya 15:15 - Ala la kitabuenu Mɔgɔfin kuma tɔ

¹⁵ N te a fɔ wo ma bitugun joŋɛnu, bayi jon tige be min mala, joŋɛ ma wo lɔn. N bata a fɔ wo ma n kanunteŋɛnu, bayi n ka koe min bɛ mɔɛ n Baaba la, n bata wo bɛ yita wo la.

Yaya 15:15 ပူးပေါင်းရင်းမြစ်များ

Luki 10:23

Wo kɔma, Isa ka a firifiri a la talibenu ma a ka a fɔ anu dore tɛma, a ko: «Hɛra be wo ye, wo be min yenden na ko la.

Yaya 12:26

Ka mɔgɔ yo dita mala n na walilá la, a ká sɔ n kɔma. N tini to ka min na, n na walilá tugun be tola ɲɔ le. Wo butɔ, min tini ma n na walilá la, n Baaba si wo tigi kunnawuli le.

Yaya 13:16

N ni tɔɲa beeyareŋɛ fɔ wo ye: joŋɛ ma fisa a tige ko. Kiilá tugun ma fisa a kiilá ko.

Yaya 15:20

Wo hakkili to n na kuma ma n ka min fɔ wo ye, n ko: joŋɛ ma fisa a tige ko. Anu to bata kiti nde ɲagankata koe la, anu si wole tugun ɲagankata le. Kɔnɔ ka anu be nde la kuma labaturen, anu si wole tugun tɛŋɛ labatu le.

Yaya 16:12

N mɛn si nɔ ko siyama fɔla wo ye, kɔnɔ a te kun wo tɔ betunna.

Yaya 17:26

N ka i tɔgɛ yita anu la, n mɛn si to a yitala anu la, alako i ka n kanu kanunteya min na, wo ni to anu tɔ, nde tugun na ko ni to anu ye.»

Yaya 20:17

Isa ka a fɔ a ye: «I kana maga n na, bayi n ma yɛlɛ n Baaba dula betunna. Kɔnɔ taga n nɛɛnɛdɔndɛnu dula, i ni a fɔ anu ye, n be yɛlɛla nde nun wole Baaba dula, min mu nde nun wole la Ala la.»

Yaya 4:19

Muse ka a fɔ a ye: «N tige, n bata a yen, nabiyonmɛ le mu ile la.

Yaya 8:26

N si nɔ kuma siyama fɔla wo makiiti koe la. Kɔnɔ n ka koe minnu mɔɛ n Kiilá la, n be wonu pɛti le fɔla dunuya mɔgɛnu ye. Ale le mu tɔɲa tige la.»

Kiilanu 20:27

bayi n ma balan Ala la natá hali dɔndɔ lakela wo ma.

Yaguba 1:1

Bataakɛ le mu ka, a be fatanden nde Yaguba le la, Ala nun a la mɔgɔ masubɛreŋɛ Marige Isa la joŋɛ. N bata wo kɔntɔn, wole Ala la jama bɔnsɔ tan nun fila minnu be malansanden jamanɛnu butɔ.

Yaguba 2:23

Wo butɔ, a mata iko a be sɛbɛren Kitabue tɔ ki min na, «Iburama dɛnkɛnɛyata Ala ma, wolo ka a ma Ala ka a bita mɔgɔ telendeŋɛ la.» Iburahima tɔgɛ fɔta «Ala kanunteŋɛ».

1 Piyɛri 1:11

Ala Hakkili saniyandeŋɛ ka Ala la mɔgɔ masubɛreŋɛ la tɔɔrɛ yita anu la, anun a be nala kunnawule min sɔtɔla wo tanbi kɔma. Nabiyonmɛnu ka tefira ma anu ni wo koenu na wagate lɔn, anun anu na kɛɲa.