Yaya 14:6 - Ala la kitabuenu Mɔgɔfin kuma tɔ

⁶ Isa ka a fɔ a ye, a ko: «Kila nun tɔɲa nun kise le mu nde la. Mɔgɔ yo te don n Baaba bata, ka a ma ke nde ma.

Yaya 14:6 ပူးပေါင်းရင်းမြစ်များ

Yaya 1:14

Ale kuma mata Adamadeŋɛ la, a daakata mɔ tɛma. A juse be faren kanunteya nun tɔɲa la. A to mu Ala la den kayiren dɔndɛ le la, a Baaba ka nɔɔra min dii a ma, mɔ ka wo nɔɔra lasaga le.

Yaya 1:17

Iyon, Ala ka a la sariyanu don wo mɔ bolo Musa sabu la, a ka kanunteya nun tɔɲa tugun yita wo mɔ la Isa Ala la mɔgɔ masubɛreŋɛ sabu la.

Yaya 1:4

Ale le be kise diila mɔgɛnu ma. Wo kise le be maren mɔgɛnu ye kɛnɛ la.

Yaya 10:28

Nde tugun be abada kise diila anu ma, anu te bɔnɔ muku! Mɔgɔ yo te anu bosi n bolo.

Yaya 10:7

Wolo ka a ma, Isa ka a fɔ anu ye wo kɔma tugun, a ko: «N ni tɔɲa beeyareŋɛ fɔ wo ye, nde le mu bonda la n na saakanu ye.

Yaya 10:9

Nde le mu bonda la. Ka mɔgɔ min yo donta nde sabu la, wo tigi si kisi le, a ni don nun bɔɛ ma, a ni baludula sɔtɔ.

Yaya 14:19

Yannun wagatinden, dunuya mɔgɛnu te n yen bitugun. Kɔnɔ wole kan si naa n yen de, bayi nde mu kise tige le la, wole tugun si naa kisi le.

Yaya 15:1

Isa mɛn ko: «Nde be misaliren rɛsɛn lɔgɛ le la, wo lɔgɛ mu rɛsɛn lɔgɛ yati le la. N Baaba le ka a ki, a be a mɛnnila.

Yaya 18:37

Pilati ka a fɔ a ye: «Yaga, mansa le mu i la?» Isa ka a jaabi, a ko: «Ile yati bata a fɔ, ka a fɔla mansa le mu n na. N nata dunuya, alako le n ni ma tɔɲa seede la, iyon, n sɔtɔta wolo la. Min bɛ be tɔɲa fɛ, wonu si anu tolomasɔ le n na kuma la, ka a bita.»

Yaya 5:21

Bayi n Baaba be mɔgɔ fagareŋɛnu lawulila ki min na, a ni anu lakisi, nde a la den kayireŋɛ tugun sagoe be mɔgɛnu minnu la, n be wonu lakisila.

Yaya 6:33

Bayi min be jigila bɔɔla saŋɛ tɔ a ni kise dii dunuya mɔgɛnu ma, wolo mu Ala la dɛgɛ la.»

Yaya 6:51

Malakisi dɛgɛ min jigita bɔɔla saŋɛ tɔ, wolo mu nde la. Ka mɔgɔ min ka kɛ dɛgɛ dɔmɔ, a si kisi dan bele a la. N be dɛgɛ min diila, n bali bangue le mu a la. N si a dii, alako dunuya mɔgɛnu ni kise sɔtɔ.»

Yaya 6:57

N be kise tɔ ki min na n Baaba kise tige fɛ, min ka n kii, awa min tini nde dɔmɔ, wo tigi tugun be kise sɔtɔla nde fɛ ɲɔgɔnna le.

Yaya 6:68

Simɔn Piyɛri ka a jaabi, a ko: «Marige, mɔ si taga ɲɔmɔ ma? Abada kise kuma be ile le bolo!

Yaya 8:32

Wo si tɔɲa lɔn, tɔɲa tugun si wo hɔrɔya.»

Yaya 8:51

N ni tɔɲa beeyareŋɛ fɔ wo ye: ka mɔgɔ min ka n na kuma bita, wo tigi te faga sɔtɔ muku!»

Kiilanu 3:15

Wo butɔ, wo bata Malakisi tige faga, kɔnɔ Ala ka a lawuli fagabaganu tɛma; mɔle mu wo seede la.

Kiilanu 4:12

Mɔgɛ te kisi dodo fɛ fɔ ale, iyon tɔgɔ do yo bele dunuya Ala be min diiren mɔgɛnu ma. Fɔ wo mɔ ni kisi ale le la ko sabu la tekku!»

Kiilanu 9:2

a ka sago dii kaidenu maɲininka a ma, a ni wonu don Damasi kawandi ma boŋɛnu kuntigenu bolo, alako ka a ka mɔgɛnu taran ɲɔ, musu nun kayi, minnu be sɔren Isa la kila kɔma, a ni anu kiti a ni anu nati Darisalamu.

1 Piyɛri 1:21

Wo dɛnkɛnɛyata Ala ma ale le sabu la, Ala ka min nawuli faga ma, a ka kunnawule dii a ma. Wo butɔ, wo ni laa Ala la, wo ni wo hakkile sɔ a ma.

1 Piyɛri 2:4

Wo be wo madonna Marige Isa la min be misaliren kure la min be baluren. Mɔgɛnu ka a aɲɛ le, kɔnɔ Ala kan be ale le masubɛren, a sɔdula kolo Ala ɲakɔtɔ.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.