Yaya 14:28 - Ala la kitabuenu Mɔgɔfin kuma tɔ

²⁸ Wo bata a mɔɛ n da tɔ n be tagala le, n mɛn ni naa tana wo kɛnna tugun. Ka wo be n kanuren nun yati, a bɛnta wo ni sɛɛwa nun n taga koe la n Baaba dula, bayi n Baaba kolo nde ko.

Yaya 14:28 ပူးပေါင်းရင်းမြစ်များ

Yaya 10:38

Kɔnɔ ka n be wonu mala, hali wo bele laaren nde yɛtɛ la, kɔnɔ wo laa n na wo walenu kan na. Wolo si a ma, wo ni a lɔn, ka a to wo juse tɔ, ka a fɔla nde la ko bata to n Baaba ye, n Baaba tugun na ko bata to n ɲɛ.»

Yaya 13:16

N ni tɔɲa beeyareŋɛ fɔ wo ye: joŋɛ ma fisa a tige ko. Kiilá tugun ma fisa a kiilá ko.

Yaya 14:12

N ni tɔɲa beeyareŋɛ fɔ wo ye: min tini dɛnkɛnɛya n ma, n be wale minnu mala, ale tugun si wonu ɲɔgɔn ma. A ɲan si donu tugun ma minnu kolo n tɛŋɛnu ko, bayi nde be tagala le n Baaba dula.

Yaya 14:18

N te wo to misikiniya tɔ, n mɛn si tasaagi le wo kɛnna.

Yaya 16:7

Adun, n ni tɔɲa fɔ wo ye, n na taga le fisa wo ye. Ka n ma taga, wo Sabu Ɲinma te na wo ma. Kɔnɔ ka n tagata, n si naa a lasanba le wo ma.

Yaya 20:17

Isa ka a fɔ a ye: «I kana maga n na, bayi n ma yɛlɛ n Baaba dula betunna. Kɔnɔ taga n nɛɛnɛdɔndɛnu dula, i ni a fɔ anu ye, n be yɛlɛla nde nun wole Baaba dula, min mu nde nun wole la Ala la.»

Yaya 20:21

Isa mɛn tasaagita a fɔla anu ye: «Jususa ká to wo ye! Iko n Baaba ka n kii ki min na, nde tugun be wo kiila ɲɔgɔnna le.»

Yaya 5:18

Wolo ka a ma, Yahudenu tota a faga fɛrɛ ɲinila, ka tanbi fɔlɔnɛŋɛ la, bayi a ma sulen lɔ́gɛ́ tana le tun ma, fɔ a mɛn ka a fɔ le aa ale Baaba le mu Ala la, wo butɔ a bata a yɛtɛ nun Ala lakanya.

Yaya 7:33

Isa ka a fɔ: «N mɛn ni wagati donden ma wo fɛ, wo kɔma n ni naa taga n Kiilá kɛnna.

1 Piyɛri 1:8

Wo bata Isa kanu hali wo to ma a yen; hali wo to bele a yenden tugun, wo be laala le a la, han ka sɛɛwa. Sɛɛwa belebele le mu, a ɲan te fɔ.