Yaya 14:27 - Ala la kitabuenu Mɔgɔfin kuma tɔ

²⁷ N be jususa tola wo bolo kɔtɛ, min be fatanden nde la. Wo jususa bele fatanden dunuya la. Wo juse kana bɔɔ, wo kana kilan.

Yaya 14:27 ပူးပေါင်းရင်းမြစ်များ

Luki 1:79

alako wo mɔle minnu be dibe tɔ, saya dibe be wo mɔle minnu mabutinden, a ni wo mɔ lakɛnɛ, alako a ni wo mɔ kɛŋɛ latelen jususa kila tɔ.»

Luki 10:5

Wo tini yigiya boŋɛ min tɔ, wo ni a fɔ betunna: ‹Ala mu hɛra tola kɛ boŋɛ tɔ›.

Luki 12:4

Wole minnu mu n kafuɲɔgɛnu la, n ni a fɔ wo ye, n ko: Wo kana kilan mɔgɛnu la: anu si nɔ wo bali bangue fagala, kɔnɔ anu te nɔ fenfen na wo kɔma.

Luki 2:14

«Tantue be Ala ye saŋɛ tɔ. Jususa be mɔgɛnu ye duge tɔ, minnu la ko be diyaren Ala ye.»

Yaya 14:1

Isa ka a fɔ a la talibenu ye: «Wo juse kana bɔɔ. Wo dɛnkɛnɛya Ala ma, ka dɛnkɛnɛya nde tugun ma.

Yaya 16:33

N be kɛ koenu fɔren de wo ye, alako wo ni jususa sɔtɔ nde sabu la. Wo si naa tɔɔrɔ le dunuya, kɔnɔ wo limaniya, nde bata dunuya nɔ.»

Yaya 20:19

Wo sandeŋɛ, ɲɔ to be pinpila, talibenu be madɛnden boŋɛ do butɔ. Anu ka bondanu mabalan anu kunma, bayi anu be kilanden Yahude kuntigenu la. Wo butɔ, Isa nata bɔɔ anu ma, a sɔta anu tɛma, a ka a fɔ anu ye: «Jususa ká to wo ye!»

Yaya 20:21

Isa mɛn tasaagita a fɔla anu ye: «Jususa ká to wo ye! Iko n Baaba ka n kii ki min na, nde tugun be wo kiila ɲɔgɔnna le.»

Yaya 20:26

Tele sagin na tanbireŋɛ, Isa la talibenu mɛn tatota boŋɛ butɔ, anu nun Tomasi bɛ le wo lun. Awa, Isa mɛn tanata sɔ anu tɛma, adun bonda bɛ be mabalanden anu kunma. A ka a fɔ anu ye: «Jususa ká to wo ye!»

Kiilanu 10:36

A ka kuma lasanba bani Isirayila deŋɛnu ma, a ka kibaru ɲinma lake anu ma ka a fɔla, jususa be sɔtɔla Ala la mɔgɔ masubɛreŋɛ Isa le fɛ, mɔgɛ bɛ Marige mu ale len na.

Kiilanu 18:9

Lun do sue tɔ, Pɔlu kibota. Marige kumata a ye wo kiboe tɔ, a ko: «I kana kilan, i kana i mɔdɛ jen, i ni to kumala!

Filipi 4:7

Wo butɔ, Ala si a jususa dii wo ma. Mɔgɛ si a hakkile sigi fenfen ma, wo jususa fisa a ko pon! A si wo jusu butɔ koe nun wo la mira bɛ makanta, anu ni to Ala la mɔgɔ masubɛreŋɛ Isa le ma.

2 Tesaloniki 1:2

Wo mɔ Baaba Ala nun a la mɔgɔ masubɛreŋɛ Marige Isa ni hinnɛ nun jususa dii wo ma.

2 Tesaloniki 3:16

Awa, jususa tige Marige yɛtɛ ni wo juse sa tɛmuɛ bɛ tɔ, a mɔɔle bɛ la. Marige ni to wo bɛ fɛ.