Yaya 14:13 - Ala la kitabuenu Mɔgɔfin kuma tɔ

¹³ Wo ka Ala mataran fenfen na n tɔgɛ la, n si wo ma le, alako n Baaba la nɔɔra ni makɛnɛn nde a la den kayireŋɛ la ko sabu la.

Yaya 14:13 ပူးပေါင်းရင်းမြစ်များ

Luki 11:9

Awa, n ni a fɔ wo ye, n ko: wo ni mamataraŋɛ ma, Ala si wo kɔ le; wo ni ɲinire ma, wo si a sɔtɔ le; wo ni bonda kɔnkɔn, a si laka le wo ye.

Yaya 10:30

Nde nun n Baaba, mɔ bɛ mu dɔndɔ le la.»

Yaya 12:44

Isa ka a kulɛ mayɛlɛ, a ko: «Min tini dɛnkɛnɛya n ma, wo bele dɛnkɛnɛyaren nde ma, a be dɛnkɛnɛyaren n Kiilá le ma.

Yaya 13:31

Judasi la bɔɛ kɔma, Isa ka a fɔ: «Wagate bata ke, nde Adamadeŋɛ la kunnawule ni makɛnɛn. Ala la nɔɔra tugun si makɛnɛn nde sabu la.

Yaya 14:14

Ka wo ka n mataran fenfen na n tɔgɛ la, nde si wo ma le.»

Yaya 14:6

Isa ka a fɔ a ye, a ko: «Kila nun tɔɲa nun kise le mu nde la. Mɔgɔ yo te don n Baaba bata, ka a ma ke nde ma.

Yaya 15:16

Wole le ma nde masubɛ, nde le ka wo masubɛ; n ka wo sɔ, alako wo ni ma n na kiilánu la, wo ni wolo iko lɔgɔ boliŋɛ, wolé min si mɛ. Wo butɔ, wo ka fenfen mataran n Baaba ma nde tɔgɛ la, a si wo dii le wo ma.

Yaya 15:7

Ka wo patuta n ma, n na kumanu tugun sabatita wo juse tɔ, fenfen sɔgɔ be wo la, wo Ala mataran, a si a ma wo ye.

Yaya 16:23

Wo lun tini ke, hali wo ma n maɲininka bitugun fenfen na. N ni tɔɲa beeyareŋɛ fɔ wo ye: wo ka n Baaba mataran fenfen na n tɔgɛ la, a si a dii le wo ma.

Yaya 16:26

Wo si Ala mataran n tɔgɛ la wo lun. N ni a fɔ wo ye, hali nde ma n Baaba maɲininka wo ye,

Yaya 16:7

Adun, n ni tɔɲa fɔ wo ye, n na taga le fisa wo ye. Ka n ma taga, wo Sabu Ɲinma te na wo ma. Kɔnɔ ka n tagata, n si naa a lasanba le wo ma.

Yaya 4:10

Isa ka a jaabi, a ko a ma: «Nde min be a fɔla i ye, n kɔ je n ni a min, ka i ka n lɔn nun, nde min mu Ala la kɔɔre la, ile le be nde táranna nun, wo butɔ, n si ile kɔ je la nun, min mu malakisi je la.»

Yaya 4:14

Kɔnɔ ka nde ka je dii mɔgɛ min ma, ka a ka a min, ji sɔgɔ te a bita bitugun. N be je min diila a ma, wo je si ma le a juse tɔ tenge la, a ni siya han a ni tanbi a tɔ, a ni abada kise dii a ma.»

Yaya 5:19

Wo butɔ, Isa ka anu jaabi, a ko: «N ni tɔɲa beeyareŋɛ pɔsi fɔ wo ye: nde den kayireŋɛ te nɔ fenfen mala n yɛtɛ ma, fɔ ka n ka min yen n Baaba la. Bayi ale be min bɛ mala, nde a la den kayireŋɛ tugun be wo ɲɔgɔn de mala.

Yaya 7:37

Bagi Sɔ Sale lɔgɔ tɔɛ mu lɔgɔ banba le la. Wo lun, Isa wulita, a sɔta a ka a kulɛ mayɛlɛ, a ko: «Ka ji min sɔgɛ be mɔgɔ yo la, a ká na nde ma, a ni je min.

Filipi 4:13

N si nɔ koe bɛ la ⸂Ala la mɔgɔ masubɛreŋɛ⸃ sabu la, min be sɛnbɛ diila n ma.

Yaguba 1:5

Ka hakkilimaya bele mɔgɔ do bolo wo tɛma, a tigi ni Ala táran. A si a sɔtɔ le, bayi Ala te dumɛn mɔgɔ yo ma a ni a yigitɛgɛ, fɔ a ni i kɔ a yiriwareŋɛ le la.

Yaguba 5:16

Awa, wo ni wo la junubenu fɔ ɲɔgɔn ye, wo ni Ala mataran ɲɔgɔn ye, alako wo ni kendeya. Telenbaga be Ala mataraŋɛ min mala, wo Ala mataraŋɛ la wale sɛnbɛ kolo.

1 Piyɛri 2:5

Wo be wo madonna a la, wo butɔ wole tugun be mala kurenu le la minnu be baluren, kurenu minnu be sɔla Ala la nɔɔra boŋɛ la. Wo mɛn be mala le sarika lakelá jama saniyandeŋɛ la, wo ni wo yɛtɛ bɔɔ sarika la Ala ye, Ala batue sarika min di a ye a la mɔgɔ masubɛreŋɛ Isa sabu la.