Yaya 12:5 - Ala la kitabuenu Mɔgɔfin kuma tɔ

⁵ «Fen de kɛ labundɛ ma mayita nun, ka a nafulu kole dii fondobɔnɛnu ma? A si san dɔndɔ wale sɔŋɛ bɔɔ le!»

Yaya 12:5 ပူးပေါင်းရင်းမြစ်များ

Hɔrɔya 5:17

Firauna ka anu jaabi, a ko: «Fuyante le mu wo la, fuyantenu! Wolo mu wo be a fɔla aa wo ni taga sarika bɔɔdula Alatala ye!

Hɔrɔya 5:8

Anu darita birike min kɔnte botegela nun wo mɛn si wo kɔnte le don anu bolo, wo kana fenfen bɔɔ a la, bayi anu mu fuyante le la. Wolo be a maren anu be belebelela, anu be a fɔla anu ni taga sarika bɔɔdula anu la Ala ye.

Luki 12:33

Wo wo bolofeŋɛnu mayita wo ni tɔɔrɔbaganu kɔ wo nɛgɛ la. Wo ni harige madɛn wo yɛtɛ ye arijanna, wo harige la ko te kɔtɔya, a mɛn te tiɲa abada; kankante yo te ke a ma ɲɔ, tunbe tugun te tiɲare ma ɲɔ.

Luki 18:22

Isa to ka wo mɔɛ, a ka a fɔ a ye, a ko: «Ko dɔndɔ be toren i ye manɛŋɛ la: taga i bolofeŋɛ bɛ mayita, i ni wo nafule mafatan fugarenu ma. Wo butɔ, harige si to le i ye arijanna butɔ. Ka i ka wo ban mala, i ni na sɔ n kɔma.»

Luki 6:41

Ɲagama mɛsɛŋɛ min be i bareŋɛ ɲa tɔ, i be wo fɛlɛla fenna, a taranta kebeŋɛ min be i yɛtɛ ɲa tɔ, i ɲan bele wo yenden ba?

Yaya 12:4

Wo butɔ, Isa la talibenu ɲaama, Judasi Isikariyoti tugun be ɲɔ, min si naa a janfa, a ka a fɔ, a ko:

Yaya 12:6

Kɔnɔ Judasi haju bele fondobɔnɛnu la ko tɔ. A ka wo fɔ le bayi a mu kankante le la, ale le mu nafulu mandilá la. Nafule min tini don a ni do jigan a la.

Yaya 13:29

Nafulu safeŋɛ to be Judasi bolo, a be toren donu ye, Isa be a kiila le, a ni taga fondonu san Sale la ko la, anu hajue be boeren koe minnu ma, ka wo ma, a ni taga fondobɔnɛnu kɔ.

Yaya 6:7

Filipu ka a jaabi, a ko: «Hali wo mɔ ka dɛgɛ san tele kɛmɛ fila sɔŋɛ le la, anu bɛ dɔndɔ dɔndɔ ni donden sɔtɔ wo dɛgɛ la, dɛgɛ si ban de, a te anu bɔɔ.»