Yaya 12:49 - Ala la kitabuenu Mɔgɔfin kuma tɔ

⁴⁹ Bayi n ka kuma min fɔ, wo bele fatanden n yɛtɛ hanige le la. N Baaba min ka n kii, wolo yɛtɛ ka n yamɔri n bɛnta n ni min fɔ, anun n bɛnta kumala ki min na.

Yaya 12:49 ပူးပေါင်းရင်းမြစ်များ

Yaya 14:10

I bele laaren a la ba, ka a fɔla n Baaba la ko be n ɲɛ, nde tugun na ko be a ye? N be kuma minnu fɔla wo ye, wonu bele fatanden n yɛtɛ le la. N be wale minnu tugun mala, n Baaba la ko min be n ɲɛ, wolo yɛtɛ yati be wonu mala.

Yaya 14:24

Min bele n kanuren, wo te n na kumanu labatu. Adun, wo be kumanu minnu mɔɛla n na, wonu bele fatanden nde le la, anu be fatanden n Baaba le la, min be n nasanbaren.

Yaya 14:31

Kɔnɔ a be nala, wo butɔ dunuya mɔgɛnu ni a lɔn n be n Baaba kanuren, n mɛn be a mala iko n Baaba ka n yamɔri ki min na. Kɔtɛ, wo wuli, wo mɔ ni bɔɔ yan.»

Yaya 15:15

N te a fɔ wo ma bitugun joŋɛnu, bayi jon tige be min mala, joŋɛ ma wo lɔn. N bata a fɔ wo ma n kanunteŋɛnu, bayi n ka koe min bɛ mɔɛ n Baaba la, n bata wo bɛ yita wo la.

Yaya 17:8

Bayi i ka kuma minnu don n bolo, n bata wonu matanbi anu ma. Anu sɔnta anu la, anu bata a lɔn yati n be fatanden ile le la. Anu laata a la ka a fɔla ile le ka n nasanba.

Yaya 3:11

N ni tɔɲa beeyareŋɛ pɔsi fɔ i ye: mɔ ka koe min lɔn, mɔ be wolo fɔla. Mɔ ka koe min yen, mɔ mu wolo seede la. Wo dun bele mɔ la seedeɲɔgɔya bitala.

Yaya 3:32

A ka min yen anun a ka min mɔɛ, a be wolo seede bɔɔla. Kɔnɔ mɔgɔ yo bele a la seedeɲɔgɔya bitala.

Yaya 5:19

Wo butɔ, Isa ka anu jaabi, a ko: «N ni tɔɲa beeyareŋɛ pɔsi fɔ wo ye: nde den kayireŋɛ te nɔ fenfen mala n yɛtɛ ma, fɔ ka n ka min yen n Baaba la. Bayi ale be min bɛ mala, nde a la den kayireŋɛ tugun be wo ɲɔgɔn de mala.

Yaya 5:30

Nde te nɔ fenfen mala n yɛtɛ ma. N be a mɔɛla n Baaba la ki min na, n be kiite sala ɲɔgɔnna le. N na kiiti sa be telenden de, bayi n bele n yɛtɛ sagoe le mala, fɔ n Kiila sagoe.»

Yaya 6:68

Simɔn Piyɛri ka a jaabi, a ko: «Marige, mɔ si taga ɲɔmɔ ma? Abada kise kuma be ile le bolo!

Yaya 7:16

Isa ka anu jaabi, a ko: «N na karaŋɛ bele fatanden nde la le. Min be n kiiren, a be fatanden wolo la.

Yaya 8:26

N si nɔ kuma siyama fɔla wo makiiti koe la. Kɔnɔ n ka koe minnu mɔɛ n Kiilá la, n be wonu pɛti le fɔla dunuya mɔgɛnu ye. Ale le mu tɔɲa tige la.»

Yaya 8:28

Awa, Isa ka a fɔ anu ye, a ko: «Wo tini nde Adamadeŋɛ bakku wagate min tɔ, wo si a lɔn wo tɛmuɛ ka a fɔla, nde le mu min be sabatiren. Wo si a lɔn, n te fenfen ma n yɛtɛ ma, fɔ n ni kuma iko n Baaba ka n degen ki min na.

Yaya 8:42

Isa ka a fɔ anu ye: «Ka Ala mu wo baaba le la nun, wo si n kanu le nun, bayi nde be fatanden Ala le la, n nata. N bele naren n yɛtɛ ma, ale le ka n kii.