Yaya 11:47 - Ala la kitabuenu Mɔgɔfin kuma tɔ

⁴⁷ Wo kɔma, sarika lakela kuntigenu anun Farisinu ka Yahude kuntigenu madɛn, anu ko: «Wo mɔ be fen mala? Bayi kɛ kaye be kabanako siyama le mala!

Yaya 11:47 ပူးပေါင်းရင်းမြစ်များ

Luki 22:2

Sarika lakela kuntigenu, anun sariya karamɔgɛnu be fɛrɛ ɲinila anu si Isa la ko lamɔdɛ ki min na, kɔnɔ anu be kilanden jama la.

Yaya 11:57

Sarika lakela kuntigenu anun Farisinu dun bata yamɔre sa ka a fɔla aa mɔgɔ min yo ka Isa dula lɔn, aa a ni anu lalɔn, alako anu ni a bita.

Yaya 12:19

Wo butɔ, Farisinu ka a fɔ ɲɔgɔn ye: «Wo a fɛlɛ tun! Wo mɔ te nɔ fenfen gasɛla, dunuya bɛ bata sɔ a kɔma.»

Yaya 2:11

Awa, Isa ka kɛ-lɛ ma a la kabanako fɔlɛ la Kaana saa tɔ, Galile duge tɔ. Wo butɔ, a ka a la nɔɔra yita ɲɔ, han a la talibenu dɛnkɛnɛyata a ma.

Yaya 6:2

Jama banba tota a jokkila, bayi a be kabanakoe minnu mala bandibaganu lakendeya koe la, anu be wonu yenna.

Yaya 7:32

Mɔgɛnu be kumala Isa la ko tɔ anu da kɔtɔ ki min na, Farisinu ka wo mɔɛ. Wo butɔ, Farisinu anun sarika lakela kuntigenu ka kɔsɔbilenu lasanba anu ni Isa bita.

Yaya 7:45

Awa, kɔsɔbilenu saagita sarika lakela kuntigenu anun Farisinu ma. Wonu ka anu maɲininka: «Fen de wo ma a nati?»

Kiilanu 5:21

Anu la wo mɔɛreŋɛ, ɲɔ to kɛnɛta, anu donta Ala batu bon banba tɔ, anu ka kawande fɔlɔ mala. Sarika lakela kuntige nun minnu be a kɔma, anu ka Yahude kuntigenu nun bani Isirayila kayiba bɛ kele mamadɛŋɛ tɔ. Anu ka kɔsɔbilenu kii geele tɔ, kiilanu jigandula.

Kiilanu 5:24

Ala batu bon banba kɔsɔbile kuntige, anun sarika lakela kuntigenu la wo kumanu mɔɛreŋɛ, anu kɔntɔfilita kiilanu la ko la, fen min be tanbiren.