Yaya 11:25 - Ala la kitabuenu Mɔgɔfin kuma tɔ

²⁵ Isa ka a fɔ a ye, a ko: «Nde le mu fure lawulilá la, anun malakisilá. Min dɛnkɛnɛyata n ma, a si kise sɔtɔ le, hali a fagareŋɛ.

Yaya 11:25 ပူးပေါင်းရင်းမြစ်များ

Luki 23:43

Isa ka a jaabi, a ko: «N ni tɔɲa fɔ i ye: bi yɛtɛ i si to n fɛ arijanna.»

Yaya 1:4

Ale le be kise diila mɔgɛnu ma. Wo kise le be maren mɔgɛnu ye kɛnɛ la.

Yaya 14:19

Yannun wagatinden, dunuya mɔgɛnu te n yen bitugun. Kɔnɔ wole kan si naa n yen de, bayi nde mu kise tige le la, wole tugun si naa kisi le.

Yaya 14:6

Isa ka a fɔ a ye, a ko: «Kila nun tɔɲa nun kise le mu nde la. Mɔgɔ yo te don n Baaba bata, ka a ma ke nde ma.

Yaya 3:16

Bayi Ala ka dunuya mɔgɛnu kanu le han a ka nde a la den kayiren dɔndɛ dii, alako ka min yo dɛnkɛnɛyata n ma, wo tigi kana bɔnɔ, a ni abada kise sɔtɔ.

Yaya 3:36

Ka mɔgɔ min be dɛnkɛnɛyaren Ala la den kayireŋɛ ma, a si abada kise sɔtɔ le. Ka mɔgɔ min ma Ala la den kayireŋɛ kulɛ bita, wo tigi te nɔ kisila. Ala la dumɛ ɲan si to le a kunma.»

Yaya 5:21

Bayi n Baaba be mɔgɔ fagareŋɛnu lawulila ki min na, a ni anu lakisi, nde a la den kayireŋɛ tugun sagoe be mɔgɛnu minnu la, n be wonu lakisila.

Yaya 5:26

Kise tige le mu n Baaba la, a bata sɔn kise to koe la nde a la den kayireŋɛ tugun bolo iko ale.

Yaya 6:35

Isa ka a fɔ anu ye: «Nde le mu kise dɛgɛ la. Min tini na n ma, kɔnkɛ te wo tigi bita abada; min tini dɛnkɛnɛya n ma, ji min sɔgɛ te wo tigi bita abada.

Yaya 6:44

Mɔgɔ yo te nɔ nala n ma, fɔ n Baaba min ka n kii, wo tini min kun sɔ n na. Nde tugun si naa wo tigi lawuli faga ma lun tɔɛ.

Kiilanu 3:15

Wo butɔ, wo bata Malakisi tige faga, kɔnɔ Ala ka a lawuli fagabaganu tɛma; mɔle mu wo seede la.

Filipi 1:23

Wo kandula fila le be n masabaala ɲɔgɔn tɛma. A sɔgɔ be n na n ni bɔɔ yan, n ni taga Ala la mɔgɔ masubɛreŋɛ dula. Wo kaɲin ka tanbi koe bɛ la.

Filipi 3:10

Awa, n be diren min ye, n ni Isa lɔn. N ni a sɛnbɛ lɔn, min ka a tawuli fagabaganu tɛma. Nde nun ale ni to tɔɔrɛ mɔɔle dɔndɔ le tɔ. N mɛn ni to iko Isa be toren ki min na nun a faga tɛmuɛ.

1 Tesaloniki 4:14

Wo mɔ be laaren a la Isa bata faga, a mɛn tawulita, kaa? Awa, fagabaganu minnu dɛnkɛnɛyata Isa ma, mɔ mɛn be laaren a la, Ala si naa wonu tugun nawuli le, a ni anu layɛlɛ Isa la ko sabu la, anu bɛ ni kunbɛn kan dɔndɔ.