Yaya 10:15 - Ala la kitabuenu Mɔgɔfin kuma tɔ

¹⁵ iko n nun n Baaba be ɲɔgɔn lɔnden ki min na. Wolo mu, n si n nɛ dii le n na kolofeŋɛnu la ko la.

Yaya 10:15 ပူးပေါင်းရင်းမြစ်များ

Luki 10:21

Wo tɛmuɛ yati, Isa sɛɛwata a banba la Ala Hakkili saniyandeŋɛ la, a ko: «N baaba, saŋɛ nun duge tige, n be i tantula, bayi i bata ko ɲinmanu dogon hakkilimanu nun lɔnnilanu la, i ka anu yita dendeŋɛnu la. Iyon n Baaba, a diyata i ye ɲɔgɔnna le.

Luki 10:22

N Baaba bata koe bɛ don n bolo. Nde Ala la den kayireŋɛ, mɔgɔ yo ma n lɔn, fɔ n Baaba, mɔgɔ yo tugun ma n Baaba lɔn fɔ nde dɔrɔn, a la den kayireŋɛ, anun n be diren n Baaba yitala minnu la.»

Yaya 1:18

Han bi mɔgɔ yo ma Ala yen; a la den kayiren dɔndɛ, min be sigiren a Baaba kɛnna, anu tɛ di, wolo bata a la ko ɲatabɔ mɔ ye.

Yaya 10:11

Nde le mu kolofen kantalá ɲinma la. Kolofen kantalá ɲinma si diɲa le a nɛ ma, a la saakanu la ko la.

Yaya 15:13

Mɔgɛ tini diɲa a nɛ ma a kafuɲɔgɛ la ko la, kanunteya yo te tanbi wo la.

Yaya 17:25

N Baaba, i be telenden de. Nde ka i lɔn, i mu min na, dunuya mɔgɛnu kan ma i lɔn. N na kɛ talibenu tugun bata a lɔn, ka a fɔla ile le ka n kii.

Yaya 6:46

A bele toren de iko mɔgɔ do bata n Baaba Ala yen, ade, fɔ nde min fatanta Ala la, nde le bata n Baaba yen.

Yaya 8:55

Hali wolo mu, wo bele a lɔnden, kɔnɔ nde ka a lɔn. Ka n ka a fɔ n ma a lɔn, n bata ma foniya fɔlá la, iko wole. Kɔnɔ nde kan ka a lɔn, n mɛn be a la kuma bitala.

1 Piyɛri 2:24

Isa yɛtɛ ka wo mɔ la junubenu doni a bali bangue tɔ, a banbanta lɔgɔ bangalandeŋɛ tɔ. Junube be toren nun mɔ ye iko mɔ tige. Isa la faga sabue ka ma, a banta mɔ nun junube tɛma feu, alako wo mɔ ni to teleŋɛ tɔ kɔtɛ. Wo bata kendeya sɔtɔ a la mamabanu sabu la.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.