Yaya 1:19 - Ala la kitabuenu Mɔgɔfin kuma tɔ

¹⁹ Lun do, Yahude kuntigenu ka sarika lakela donu kii anun Lewi bɔnsɛ kaye donu bɔɔla Darisalamu, anu ni Yaya maɲininka, ale mu min na. A ka seedeɲɔgɔya min bɔɔ wo tɔ, wolo mu kɛ la.

Yaya 1:19 ပူးပေါင်းရင်းမြစ်များ

Yaya 1:7

Wo nata seede bɔɔ koe le la, a ni kɛnɛ la ko seedeɲɔgɔya bɔɔ mɔgɛnu ye, alako min mu kɛnɛ la, a bɛ ni laa a la, ale Yaya sabu la.

Yaya 10:24

Yahude donu ka a lamilin ɲɔ, anu ka a fɔ a ye: «I be mɔ tola sikkɛ tɔ han tɛmu miniman? Ka Ala la mɔgɔ masubɛreŋɛ le mu i la, a beeyareŋɛ fɔ mɔ ye ba.»

Yaya 10:31

Wo kuma le ka a ma, Yahudenu mɛn ka kurenu matɔnbɔn tugun, alako anu ni a mabun ka a faga.

Yaya 11:19

Awa, Juda kaa siyama bata na nun Mariyama nun Marata dɔgɛ la faga kɔntɔre la.

Yaya 2:18

Kɔnɔ Yahude kuntigenu ka a maɲininka, anu ko: «I be tɔnkuma miniman de yitala mɔ la, ka a fɔla Ala bata i yamɔri i ni kɛ ma?»

Yaya 2:20

Yahudenu ka a fɔ wo butɔ, anu ko: «San bi naani nun wɔɔrɔ le mata kɛ hɔrɔma dingira sɔ koe la, ile si nɔ wo lawulila tele saba kɔtɔ ba?»

Yaya 5:10

Awa, Yahude kuntigenu tota a fɔla kaye ye min kendeyata, anu ko: «Sulen lɔ́gɛ́ le bi de! A bele dagɛren i ye bi luŋɛ, i ni i la safeŋɛ jigan i ni a doni.»

Yaya 5:15

Ale kaye bɔɔta ɲɔ, a tagata a ka Yahudenu lalɔn, a ko aa Isa le ka a lakendeya.

Yaya 5:16

Isa to tota wo koenu mala sulen lɔ́gɛ́nu tɔ, wolo ka a ma Yahude kuntigenu fɔlɔta kitila a ɲagankata koe la.

Yaya 5:18

Wolo ka a ma, Yahudenu tota a faga fɛrɛ ɲinila, ka tanbi fɔlɔnɛŋɛ la, bayi a ma sulen lɔ́gɛ́ tana le tun ma, fɔ a mɛn ka a fɔ le aa ale Baaba le mu Ala la, wo butɔ a bata a yɛtɛ nun Ala lakanya.

Yaya 6:41

Awa, Isa to ka a fɔ, aa dɛgɛ min jigita bɔɔla saŋɛ tɔ, aa ale mu wolo la, Yahude donu be a makumala anu da kɔtɔ.

Yaya 6:52

Wo butɔ, Yahudenu ka ɲɔgɔn masɔ́sɛ́ ma, anu ka a fɔ: «Bɔ, kɛ be nɔla a bali bangue diila mɔ ma kama le, mɔ ni a dɔmɔ?»

Yaya 7:1

Wo koenu tanbi kɔma, Isa be Galile duge matagamanna. A ma sɔn tagala Juda duge matagamanna, bayi wo ka a taran Yahude kuntigenu be a faga fɛrɛ ɲinila ɲɔ la.

Yaya 7:11

Wo butɔ, Yahude kuntigenu be a ɲinila sale tɔ, anu be a fɔla: «Ale kaye be mina?»

Yaya 7:15

Wo butɔ, Yahudenu kaabɛta, anu ko: «Kɛ kaye karamɔgɔ to bele, a ka sɛbɛre lɔn kama le?»

Yaya 8:22

Wo butɔ, Yahude kuntigenu be a fɔla ɲɔgɔn tɛma, anu ko: «Bɔ, a si naa a yɛtɛ faga le ba? bayi a ko: aa ale be tagala ka min na, aa mɔle te nɔ kela ɲɔ.»

Yaya 8:48

Yahude kuntigenu ka Isa jaabi, anu ko: «Mɔ tɔɲa ma ba, a fɔla Samari kaa le mu ile la, jinna be i bolo.»

Yaya 8:52

Yahudenu ka a jaabi, anu ko: «Mɔ bata a lɔn kɔtɛ jinna le be i bolo. Iburahima fagata, nabiyonmɛ doenu tugun fagata. Ile nɔn be a fɔla aa ka mɔgɔ min ka i la kuma bita, aa a te faga sɔtɔ muku.

Yaya 8:57

Yahudenu ka a fɔ a ye: «I la sɔtɛ ɲan ma san bi loolu bɔɔ betunna, i nɔn ka Iburahima yen kama le?»

Kiilanu 13:25

Yaya be a la kiilaya wale lakamalila wagate min tɔ, a ka a fɔ: ‹Wo be n mɔlɔnden Ala la mɔgɔ masubɛreŋɛ min na, wo ma nde la. Kɔnɔ wo a fɛlɛ, ale si naa na nde tanbi kɔma, a biliya bele n bolo hali a la samata n ni a mafulen a kɛŋɛ tɔ.›

Kiilanu 19:4

Awa, Pɔlu ka a fɔ, a ko: «Yaya ka malasuwɛ min ma, wo ka a yita mɔgɛnu bata tuubɛ. Wo butɔ, a tota a fɔla jama ye, aa min be nala ale tanbi kɔma, anu ni dɛnkɛnɛya wolo ma. Awa wolo be tabɛnden Isa ma.»