Yaguba 5:7 - Ala la kitabuenu Mɔgɔfin kuma tɔ

⁷ Awa, n nɛɛnɛdɔndɛnu, wo ni diɲa han Marige Isa be tasaagila nala lun min na. Wo ni diɲa iko sɛnɛ salá be diɲala ki min na. Sangi kun fɔlɛ ni na, a ni duge laɲigin, a ni to nala han sangi tɔɛ, kifeŋɛnu ni wolo han anu ni ke a si tɔnɛ sɔtɔ anu tɔ ki min na. Wo bɛ sɛnɛ salá be diɲaren.

Yaguba 5:7 ပူးပေါင်းရင်းမြစ်များ

Luki 18:8

N ni a fɔ wo ye: a si anu la tɔɲa dii anu ma teriya la! Kɔnɔ nde Adamadeŋɛ tini tana wagate min tɔ, n si mɔgɔ taran duge kunma ba, min be dɛnkɛnɛyaren nde ma?»

Luki 21:27

Wo tɛmuɛ le, anu si nde Adamadeŋɛ yen tanala luuture be n namilinden, anun sɛnbɛ banba anun nɔɔra fɛ.

Luki 8:15

Suge lansanta duge kan ɲinma min tɔ, wo mu mɔgɛnu le la, minnu ka Ala la kuma mɔɛ anu ka a bita sɔɔbɛ la, sondon ɲinma anun a telendeŋɛ la. Wagati bɛ anu be timiladiyaren Ala la ko ma, wolo mu anu be mala iko sɛnɛtɔfeŋɛ to be wolola a ɲinma la.»

Yaya 21:22

Isa ka a fɔ: «Ka n dita a ni to han n be tanala wagate min tɔ, wo be fen jarala ile ma? Ile ni n jokki.»

Yaya 21:23

Wo butɔ, kuma do tagamanta nɛɛnɛdɔndɛnu tɛma, a fɔla wo talibe te faga. Kɔnɔ Isa ma a fɔ Piyɛri ye, wo talibe te faga. A ka a fɔ le, aa ka a dita le a ni to han a be tanala wagate min tɔ, aa wo be fen jarala Piyɛri ma?

1 Tesaloniki 1:3

Tɛmuɛ bɛ tɔ, mɔ hakkile to be wo la ko ma, mɔ be a fɔla wo mɔ Baaba Ala ye, mɔ be a tantula le wo la wale la min be fatanden wo la dɛnkɛnɛya la, anun wo be min maren kanunteya sabu la. Mɔ be a tantula le bayi wo be wo timiladiyaren wo yigi sɔ koe la Ala la mɔgɔ masubɛreŋɛ Marige Isa ma.

1 Tesaloniki 2:19

Adun, Marige Isa na luŋɛ, mɔ ɲan hakkile be sɔla Ala ma ɲɔmɔ le la ko la wo lun? Mɔ be ɲagalinna ɲɔmɔ le la ko la? Mɔ be sɛɛwa nun kunnawule sɔtɔla ɲɔmɔ le la ko la? Kaa, wole ma ba?

1 Tesaloniki 3:13

Wo butɔ, Ala ni wo sɛnbɛ sa, alako wo mɔ Marige Isa tini tana lun min na anun a la saniyanbaganu bɛ la, wo ni nɔ sɔla wo mɔ Baaba Ala ɲakɔtɔ saniyaŋɛ butɔ malakɔrɔsi yo bele wo ma.

Yaguba 4:11

N nɛɛnɛdɔndɛnu, wo kana ɲɔgɔn tɔgɔtiɲa. Mɔgɛ min be a nɛɛnɛdɔndɛ tɔgɔtiɲala, a ni a yɛtɛ lafisaya a ko, wo tigi bata Ala la sariya tiɲa. A be a yɛtɛ lafisayaren wo Ala la sariya ko. Ka i bata wo ma, i bele Ala la sariya labaturen de, i be i yɛtɛ le maren sariya salá la wo la.

Yaguba 5:10

N nɛɛnɛdɔndɛnu, wo ni wo hakkile to nabiyonmɛnu ma minnu ka kawande ma Marige tɔgɛ la. Wo ni anu jigan misale la, anu to diɲata, anu timiladiyata tɔɔrɛ butɔ.

Yaguba 5:3

Wo la sanuɛ nun kaalise bata korikori. Wo be mala seede le la wo ye, ka a fɔla ka halage tagata wo bale tugun bita, a si wo bale bintan iko ta. Wo bata harige madɛn kɛ wagate, kɔnɔ wagati tɔɛ le mu.