Yaguba 5:11 - Ala la kitabuenu Mɔgɔfin kuma tɔ

¹¹ Wo mɔ ka a lɔn hɛra be mɔgɛ ye min be a timiladiyala tɔɔrɛ butɔ. Wo bata a mɔɛ Ayuba ka a timiladiya ki min na. Wo mɛn bata a yen Marige ka min nagiri a ye a la tɔɔrɛ tanbi kɔma. Marige la hinnɛnteya anun a la kinikinɛ kolo.

Yaguba 5:11 ပူးပေါင်းရင်းမြစ်များ

Hɔrɔya 34:6

A tanbi tɛmuɛ Musa ɲakɔtɔ, a be a fɔla a kulɛ mayɛlɛreŋɛ la: «Nde le mu Alatala la! Nde Alatala, Ala kinikininte le mu n na, anun hinnɛnte, n juse te yɛlɛ teriya la, n na kanunteya dan bele, nɛn dɔndɔ tige le mu n na.

Yunusa 4:2

A ka Alatala mataran, a ko: «Ah! Alatala, n ka a lɔn de i mu Ala hinnɛnte le la, i mu kinikininte le la, i te dumɛn teriya la, i la kanunteya sɛnbɛ kolo, i mɛn si i la nata masara ɲagankata ma koe la. N to be n na jamanɛ tɔ nun, n ka wolo fɔ. Wolo ka a ma n borita teriya la tagala Taarisi.

Luki 1:50

Mɔgɛnu minnu be kilanden a la, a si hinnɛ le wonu la kudai.

Luki 11:10

Iyon, mɔgɔ yo ka fondo táran Ala ma, a si a kɔ le; ka mɔgɔ min ka fondo ɲini Ala la, a si a sɔtɔ le; mɔgɔ min ka bonda kɔnkɔn, a si laka le a ye.

Luki 6:36

Wo ni kinikini iko wo Baaba Ala be kinikinila ki min na.

Yaguba 1:12

Hɛra be mɔgɛ ye min be a timiladiyala tɔɔrɛ butɔ, bayi ka a bata ban wo tɔɔrɛ lamuɲula, Marige si a kunnawuli le a ni kise dii a ma. A be wolo lahiriren a kanunteŋɛnu ye.

Yaguba 1:2

N nɛɛnɛdɔndɛnu, ka tɔɔrɛ mɔɔle min yo ka wo masɔtɔ a ni ma wo ye ɲagaliŋɛ la,

1 Piyɛri 1:13

Wolo mu, fɔ wo ni wo tabɛn, wo ni wo hakkile to koe ma wo be nala min mala: wo ni wo hakkile to wo yɛtɛ ma, wo ni wo yili bɛ sɔ Ala la kɔɔre ma, a be min diila wo ma Ala la mɔgɔ masubɛreŋɛ Isa na luŋɛ.

1 Piyɛri 3:14

Hali mɔgɛnu tagata wo tɔɔrɔ wo la teleŋɛ la ko sabu la, wolo si ma wo ye hɛra la. Wo kana kilan anu la, wo juse kana bɔɔ.