Yaguba 5:10 - Ala la kitabuenu Mɔgɔfin kuma tɔ

¹⁰ N nɛɛnɛdɔndɛnu, wo ni wo hakkile to nabiyonmɛnu ma minnu ka kawande ma Marige tɔgɛ la. Wo ni anu jigan misale la, anu to diɲata, anu timiladiyata tɔɔrɛ butɔ.

Yaguba 5:10 ပူးပေါင်းရင်းမြစ်များ

Luki 13:34

A mɛn ko: «Darisalamu kaanu, Darisalamu kaanu, wo be nabiyonmɛnu fagala; Ala ka kiilanu minnu kii wo ma, wo be anu mabunna kurenu la, wo ni anu faga. N dita le kunɲama siyama n ni wo madɛn iko susu konbira be woofila a la deŋɛnu kunma ki min na a gabataŋɛnu kɔtɔ, kɔnɔ wo ma sɔn wo la.

Luki 6:23

Wo ni sɛɛwa wo lun, wo ni tun nun sɔrɔŋɛ ma, bayi wo si baraji banba sɔtɔ le arijanna. Wo ni a lɔn, minnu ka wo ko koroŋɛnu ma wo la, wonu benbanu ka nabiyonmɛnu tɔɔrɔ ɲɔgɔnna le.

Kiilanu 3:21

Kɔnɔ fɔ Isa ni to saŋɛ tɔ, han wagate tini ke, koenu bɛ be taɲiɲala tɛmuɛ min tɔ, iko Ala ka a yita ki min na a la nabiyonmɛ saniyandeŋɛnu sabu la bɔɔla hau.

Kiilanu 7:52

Wo benbanu kitita nabiyonmɛ bɛ ɲagankata koe la! Iyon, minnu ka Telenbaga na koe lake nun, anu ka wonu faga, kɔtɛ wole tugun bata ale Telenbaga janfa, wo ka a faga.

Yaguba 4:11

N nɛɛnɛdɔndɛnu, wo kana ɲɔgɔn tɔgɔtiɲa. Mɔgɛ min be a nɛɛnɛdɔndɛ tɔgɔtiɲala, a ni a yɛtɛ lafisaya a ko, wo tigi bata Ala la sariya tiɲa. A be a yɛtɛ lafisayaren wo Ala la sariya ko. Ka i bata wo ma, i bele Ala la sariya labaturen de, i be i yɛtɛ le maren sariya salá la wo la.

Yaguba 5:13

Mɔgɛ be wo ɲaama ba min be tɔɔrɔren? Wo tigi ni Ala mataran. Mɔgɛ be wo ɲaama ba min be ɲagalinden? Wo tigi ni Ala tantu beete bɔɔ.

Yaguba 5:7

Awa, n nɛɛnɛdɔndɛnu, wo ni diɲa han Marige Isa be tasaagila nala lun min na. Wo ni diɲa iko sɛnɛ salá be diɲala ki min na. Sangi kun fɔlɛ ni na, a ni duge laɲigin, a ni to nala han sangi tɔɛ, kifeŋɛnu ni wolo han anu ni ke a si tɔnɛ sɔtɔ anu tɔ ki min na. Wo bɛ sɛnɛ salá be diɲaren.

Yaguba 5:9

N nɛɛnɛdɔndɛnu, wo kana wo madi wo kafuɲɔgɛ la ko la, ka wo ma kiite tini sa, a te diya wo la. Wo ni a lɔn, a banba bele toren Kiiti salá ni na.